តារាស្រីថៃល្បីឈ្មោះ នាង នីដា ផាតឆារ៉ាវីផុង ជួបគ្រោះធ្លាក់ពីលើទូកចូលទន្លេបាត់ស្រមោល
តារាសម្តែងល្បីឈ្មោះមួយរូបរបស់ថៃ នាង នីដា ផាតឆារ៉ាវីផុង (Nida Patcharaveerapong) បានជួបគ្រោះថ្នាក់នឹកស្មានមិនដល់កាលពីកណ្តាលយប់
ប្រទេសថៃ ៖ តារាសម្តែងល្បីឈ្មោះមួយរូបរបស់ថៃ នាង នីដា ផាតឆារ៉ាវីផុង (Nida Patcharaveerapong) បានជួបគ្រោះថ្នាក់នឹកស្មានមិនដល់កាលពីកណ្តាលយប់ថ្ងៃទី២៤ ខែកុម្ភៈ ឆ្នាំ២០២២ បន្ទាប់ពីស្រីស្អាតរូបនេះ បានធ្លាក់ពីទូកល្បឿនលឿននៅកណ្តាលទន្លេចៅប្រាយ៉ាទាំងកណ្តាលយប់ ។
សារព័ត៌មានថៃបានផ្សព្វផ្សាយថា នារីរងគ្រោះម្នាក់ដែលបានធ្លាក់ចូលកណ្តាលទន្លេ គឺកញ្ញា នីដា ផាតឆារ៉ាវីផុង ជាតារាសម្ដែងល្បីឈ្មោះ។ ហេតុការណ៍នេះបានកើតឡើងនៅវេលាម៉ោង១០យប់ ពេលតារាសម្តែងរូបនេះ និងមិត្តភ័ក្តិមួយក្រុម បានជិះទូកក្តោងលឿនតាមដងទន្លេចៅប្រាយ៉ា ក្បែរស្ពានរ៉ាម៉ាទី៧ និងផែផៃប៊ុលសង្ក្រាម។
ប្រភពដដែលបានលើកឡើងថា នារីរងគ្រោះ នាង នីដា ផាតឆារ៉ាវីផុង មុនធ្លាក់ចូលទន្លេ គឺនាងអង្គុយនៅខាងក្រោយទូក ។ ក្រុមមិត្តភ័ក្តិបានជិះទូកតាមរកតែរកមិនឃើញរូបនាងនោះទេ ។ ដូច្នេះគេក៏បានជូនដំណឹងដល់បុគ្គលិក និងមិត្តភ័ក្តិមួយក្រុមឲ្យជួយស្វែងរកនាង ។
សាក្សីម្នាក់បាននិយាយថា ពេលនោះគឺប្រហែលម៉ោង ១១ យប់ គាត់កំពុងលេងហ្គេមនៅមាត់ទឹក។ បានឃើញទូកល្បឿនលឿននោះកំពុងលេងនៅជិតកន្លែងដែលគាត់ជួបជុំជាមួយមិត្តភ័ក្តិរបស់គាត់។ បន្ទាប់មក ខ្ញុំបានឮអ្នកនៅក្នុងទូកស្រែកថា Mo បានបាត់ខ្លួន Mo បានធ្លាក់ទៅក្នុងទឹក។
មុនពេលទូកបានបោកបក់នៅកំពង់ផែ Phibun Songkhram និងក្បែរស្ពាន Rama VII មុនពេលអ្នកជួយសង្គ្រោះមកជួយស្វែងរក។ ដំបូងឡើយគេមិនដឹងថា នារីដែលបាត់ខ្លួនក្នុងទឹកនោះជានរណាទេ? លុះក្រោយមកទើបដឹងថា នាងជាតារាសម្ដែង ។
យ៉ាងណាមិញ បន្ទាប់ពីរុករកក្នុងទន្លេ ចៅប្រាយ៉ាតាំងពីយប់កណ្តាលអធ្រាត្រ រហូតដល់ម៉ោងជាង៧ព្រឹក ថ្ងៃទី២៥ ខែកុម្ភៈនេះ សមត្ថកិច្ចថៃបានផ្អាកការរុករកបន្តទៀត ដើម្បីប្រជុំផែនការថ្មី ដោយសារតែតំបន់កើតហេតុ គឺមានទូកចរាចរណ៍ច្រើននាពេលព្រឹក ដែលពិបាកក្នុងការរុករក សមត្ថកិច្ចបានព្រលយពាក្យថា តាមបទពិសោធន៍គេនឹងអាចជួបស.ព (បើស្លា.ប់) នៅក្នុងកំឡុងពេលថ្ងៃត្រង់នេះ គឺ១២ម៉ោងក្រោយហេតុការណ៍។
គួរបញ្ជាក់ផងដែរថា ករណីខាងលើនេះ មិនមានការឆ្លើយតបណាមួយពីអ្នករួមដំណើរចំនួន៥នាក់រួមទាំងអ្នកបើកទូកថា តើមានរឿងអ្វីមុនកើតហេតុឡើយ? ចំណែកម្តាយ Tangmo ដឹងរឿងតាមបណ្តាញសង្គមចំពោះហេតុការណ៍ដែលកើតលើកូនស្រីរបស់ខ្លួន។ ដកស្រង់ចេញពីវេបសាយ ៖ ch3plus
ចែករំលែកព័តមាននេះ