ស្រុកព្រៃនប់ ៖ ប្រភពព័ត៌មានពីពលរដ្ឋប្រាប់ថា មានហ្វូងត្រីផ្សោតជាច្រើនក្បាល ត្រូវបានពលរដ្ឋប្រទះឃើញ បង្ហាញខ្លួននៅដងព្រែកទឹកសាប (ជិតស្ពានទឹកសាប) ក្នុងស្រុកព្រៃនប់ ខេត្តព្រះសីហនុ។
បើតាមពលរដ្ឋប្រាប់ថា ក្នុងខែកុម្ភៈ២០២២នេះ ឧស្សាហ៍ប្រទះឃើញត្រីផ្សោតច្រើនក្បាលបណ្តែតខ្លួនលេងទឹក
នៅព្រែកទឹកសាប ហើយវត្តមានត្រីផ្សោតនេះ បានបង្ហាញឲ្យឃើញថា តំបន់នេះមានសុវត្ថិភាព មិនមានការរំខានឬសម្លា.ប់ តាមរយៈការចូលរួមថែរក្សាអភិរក្សពីពលរដ្ឋ ។
មន្ត្រីថ្លែងថា វត្តមានត្រីផ្សោតតាមដងព្រែកទឹកសាបនេះ ជាផ្នែកមួយជួយដល់វិស័យទេសចរណ៍ធម្មជាតិ អាចឲ្យអ្នកទេសចរណ៍ដែលធ្វើដំណើរកម្សាន្តតាមដងព្រែកទស្សនាផងដែរ ។
អនាគតតទៅព្រែកទឹកសាបនៃស្រុកព្រៃនប់ នឹងទទួលបានភ្ញៀវទេសចរទៅកម្សាន្តមិនខានឡើយ ។ ប៉ុន្តែប្រសិនបើគ្មានការអភិរក្សទេ ត្រីផ្សោតដ៏គួរឱ្យកត់សម្គាល់នេះ និងមានមហន្តរាយដោយសារ តែក្រុមអ្នកនេសាទមិនខានឡើយ ៕
ចែករំលែកព័តមាននេះ