ញាក់សាច់ ! ផ្អើលម៉ាស្សាកោសជប់«សំណាងល្អ»ទាំងយប់
រាជធានីភ្នំពេញ ៖ «សំណាងល្អ» ម៉ាស្សា កោសជប់ ដែលមានទីតាំងនៅផ្ទះលេខ១៦៩អឺសូន្យ ផ្លូវលេខ៤៣០ ស្ថិតក្នុងភូមិ១ សង្កាត់ទំនប់ទឹក ខណ្ឌចំការមន ត្រូវបានសមត្ថកិច្ចធ្វើការបង្ក្រាប
រាជធានីភ្នំពេញ ៖ «សំណាងល្អ» ម៉ាស្សា កោសជប់ ដែលមានទីតាំងនៅផ្ទះលេខ១៦៩អឺសូន្យ ផ្លូវលេខ៤៣០ ស្ថិតក្នុងភូមិ១ សង្កាត់ទំនប់ទឹក ខណ្ឌចំការមន ត្រូវបានសមត្ថកិច្ចធ្វើការបង្ក្រាប
រាជធានីភ្នំពេញ ៖ «សំណាងល្អ» ម៉ាស្សា កោសជប់ ដែលមានទីតាំងនៅផ្ទះលេខ១៦៩អឺសូន្យ ផ្លូវលេខ៤៣០ ស្ថិតក្នុងភូមិ១ សង្កាត់ទំនប់ទឹក ខណ្ឌចំការមន ត្រូវបានសមត្ថកិច្ចធ្វើការបង្ក្រាបកាលពីវេលាម៉ោង៧យប់ ថ្ងៃទី២៥ ខែកក្កដា ឆ្នាំ២០១៦ ។
ប្រតិបត្តិការនេះធ្វើឡើងដោយកម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជនក្រសួងមហាផ្ទៃ ព្រមទាំងដឹកនាំសម្របសម្រួលដោយលោក គង់ សំសារ៉េត ព្រះរាជាអាជ្ញារងអមសាលាដំបូងរាជធានីភ្នំពេញ និងមានការសហការជាមួយអាជ្ញាធរមូលដ្ឋាន ។
សមត្ថកិច្ចបានឲ្យដឹងថា បន្ទាប់ពីមានការរាយការណ៍ពីប្រជាពលរដ្ឋប្រាប់ថា ទីតាំងខាងលើមានការរកស៊ីផ្លូវភេទជ្រកក្រោមយីហោ ម៉ាស្សាកោសជប់ «សំណាងល្អ» ដែលស្ថិតនៅភូមិកើតហេតុខាងលើ កម្លាំងរបស់ក្រសួងចុះមកស៊ើបអង្កេតទីតាំងខាងលើបានយ៉ាងច្បាស់លាស់ ហើយបានសុំគោលការណ៍ពីលោក គង់ សំសារ៉េត ព្រះរាជអាជ្ញារងអមសាលាដំបូងរាជធានីភ្នំពេញ ចុះឆែកឆេររហូតដល់ឃាត់ខ្លួនបានមនុស្ស១០នាក់ ក្នុងនោះប្រុសម្នាក់ និងស្រី៩នាក់ ព្រមទាំងដកហូតបានម៉ូតូ១គ្រឿង ម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1E-6301 រថយន្ត១គ្រឿងម៉ាក KIA VISTO ពាក់ស្លាកលេខ ភ្នំពេញ 2Z-6362 ស្រោមអនាម័យប្រើប្រាស់រួចមួយចំនួន និងមិនទាន់ប្រើប្រាស់មួយចំនួន ។
ក្រោយពេលកើតហេតុ ស្ត្រីរងគ្រោះ៧នាក់ ព្រមទាំងមេការ ប្រុសម្នាក់ និងស្ត្រី២នាក់ និងវត្ថុតាង ត្រូវសមត្ថកិច្ចកសាងសំណុំរឿងបញ្ជូនទៅមន្ទីរប្រឆាំងការជួញដូរមនុស្ស និងការពារអនីតិជន នៃក្រសួងមហាផ្ទៃ ដើម្បីសាកសួរបន្ត ៕
ចែករំលែកព័តមាននេះ