ខណ:ពេលដែលក្មេងស្រី កាន់តែមានការបើកទូលាយ នៅក្នុងទំនាក់ទំនងស្នេហារបស់ពួកគេនោះ វាជាការចាំបាច់ដែលពួកគេត្រូវមានការយល់ដឹងជាមូលដ្ឋានអំពីបញ្ហាផ្លូវភេទ ដើម្បីចៀសវាងការឆ្លងជំងឺមួយចំនួន និងការមានកូនដោយចៃដន្យណាមួយ ដែលនាំឱ្យប៉ះពាល់ដល់អនាគតរបស់ពួកគេ ។
ខណ:ពេលដែលក្មេងស្រី កាន់តែមានការបើកទូលាយ នៅក្នុងទំនាក់ទំនងស្នេហារបស់ពួកគេនោះ វាជាការចាំបាច់ដែលពួកគេត្រូវមានការយល់ដឹងជាមូលដ្ឋានអំពីបញ្ហាផ្លូវភេទ ដើម្បីចៀសវាងការឆ្លងជំងឺមួយចំនួន និងការមានកូនដោយចៃដន្យណាមួយ ដែលនាំឱ្យប៉ះពាល់ដល់អនាគតរបស់ពួកគេ ។
ការពិភាក្សាអំពីបញ្ហាផ្លូវភេទ មិនសូវជាកើតមានប៉ុន្មានទេ នៅក្នុងគ្រួសារខ្មែរយើង ។ ខណ:ឪពុកម្តាយជាច្រើន មិនសូវរវល់នឹងនិយាយអំពីបញ្ហាផ្លូវភេទនេះ កូនស្រីជាច្រើនក៏មិនហ៊ានសួរនាំដល់ឪពុកម្តាយ ដោយសារតែការខ្មាសអៀន ។
ប៉ុន្តែទោះបីជាយ៉ាងណាក៏ដោយចុះ វាចាំបាច់ណាស់ ដែលយុវតីវ័យក្មេង ត្រូវមានចំណេះដឹងជាមូលដ្ឋាន អំពីបញ្ហាផ្លូវភេទនេះ។ ឪពុកម្តាយមានតួនាទីណែនាំកូនឱ្យយល់ដឹងបានច្រើនអំពីបញ្ហាទាក់ទងនឹងផ្លូវភេទ ដូចជាវិធីថែរក្សាអនាម័យ វិធីការពារជំងឺឆ្លងតាមការរួមភេទ និងវិធីការពារផ្សេងៗ ដើម្បីចៀសវាងការមានកូនដោយចៃដន្យជាដើម ។
ការយល់ដឹងអំពីបញ្ហាផ្លូវភេទ មិនត្រូវចាត់ទុកដាក់ថា គឺជាការលើកទឹកចិត្តយុវតីឱ្យកាន់មានចិត្តចង់ប្រឡូកនៅក្នុងជីវិតផ្លូវភេទឡើយ ។ ប៉ុន្តែការយល់ដឹងអំពីបញ្ហាផ្លូវភេទនេះ នឹងធ្វើឱ្យយុវតីកម្ពុជា ធ្វើការសម្រេចចិត្តដ៏ត្រឹមត្រូវ នៅក្នុងជីវិតផ្លូវភេទរបស់ពួកគេ ព្រមទាំងជួយពួកគេឱ្យឃ្លាតឆ្ងាយបញ្ហានានា ដែលបណ្តាលមកពីការមិនយល់ដឹងអំពីបញ្ហាផ្លូវភេទ ដូចជាការឆ្លងជំងឺកាមរោគ ឬមេរោគអេដស៍ជាដើម ព្រមទាំងការមានកូនដោយចៃដន្យជាដើម ។
ចំណែកយុវតីកម្ពុជា ក៏មិនត្រូវមានការខ្មាសអៀនចំពោះឪពុកម្តាយ ពិសេសម្តាយនៅក្នុងការសួរនាំអំពីចម្ងល់នានា អំពីបញ្ហាផ្លូវភេទ។ ម្តាយជាទីប្រឹក្សាសុខភាពផ្លូវភេទ ដ៏មានសារសំខាន់បំផុត សម្រាប់កូនគ្រប់រូប ។
ការពិភាក្សាយ៉ាងបើកចំហរវាងម្តាយនិងកូន អំពីបញ្ហាផ្លូវភេទនេះ នឹងធ្វើឱ្យយុវតីកម្ពុជា ទទួលបានចំណេះដឹងគ្រប់គ្រាន់ ទាក់ទងនឹងបញ្ហាផ្លូវភេទនេះ ។ ដូច្នេះ វាក៏នឹងជួយពួកគេឱ្យរួចផុតពីបញ្ហានានា ដែលទាក់់ទងនឹងផ្លូវភេទ ៕
ចែករំលែកព័តមាននេះ