បុរសម្នាក់កំពុងតែឈូសឆាយធ្វើផ្លូវ និងចាក់ដីបាតផ្ទះ ក៏ស្រាប់តែបានប្រទះឃើញគ្រា.ប់មិនទាន់ផ្ទុះចំនួន៤គ្រាប់បង្កឱ្យមានការភ្ញាក់ផ្អើលតែម្តង ក្រោយមកក៏បាន
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា បុរសម្នាក់កំពុងតែឈូសឆាយធ្វើផ្លូវ និងចាក់ដីបាតផ្ទះ ក៏ស្រាប់តែបានប្រទះឃើញគ្រា.ប់មិនទាន់ផ្ទុះចំនួន៤គ្រាប់បង្កឱ្យមានការភ្ញាក់ផ្អើលតែម្តង ក្រោយមកក៏បានប្រគល់គ្រា.ប់ទាំងនោះជូនអង្គភាពបោះសំអាតយុទ្ធភ័ណ្ឌមិនទាន់ផ្ទុះ ដើម្បីកម្ទេចចោល ហេតុការណ៍នេះបានកើតឡើងកាលពីថ្ងៃទី០៥ ខែកុម្ភៈ ឆ្នាំ២០២២ ស្ថិតនៅភូមិគោករកា ឃុំតាបែន ស្រុកស្វាយចេក។
បើតាមលោកវរសេនីយ៍ឯក ជា ឈ្លូញ អធិការនគរបាលស្រុកស្វាយចេក បានប្រាប់ថា គ្រា.ប់យុទ្ធភ័ណ្ឌមិនទាន់ផ្ទុះចំនួន៤គ្រា.ប់ដែលត្រូវបានប្រទះឃើញនេះ គឺដំបូងឡើយមានឈ្មោះ ឌឹម ឌី ភេទប្រុស អាយុ៥៨ឆ្នាំ រស់នៅភូមិគោករកា ឃុំតាបែន ស្រុកស្វាយចេក បានឈូសឆាយដីធ្វើផ្លូវ ក៏ប្រទះឃើញក្បាលគ្រា.ប់១០៥មីលីម៉ែត្រ ប្រភេទគ្រា.ប់ប្លងចំនួន១គ្រា.ប់ និងគ្រា.ប់មីនប៉ោមសិតចំនួន២គ្រា.ប់ ។ ចំណែកឈ្មោះ រឺន ឡៃហ៊ាង ភេទប្រុស អាយុ៣២ឆ្នាំ រស់នៅភូមិជាមួយគ្នានោះ ក៏បានទិញដីចាក់បាតផ្ទះ ហើយក៏ស្រាប់តែប្រទះឃើញក្បាលគ្រា.ប់៦០មីលីម៉ែត្រ ប្រភេទគ្រា.ប់ប្លងចំនួន១គ្រា.ប់ ដែលគ្រឿងចក្របានកាយដីខាងកើតភូមិចម្ងាយប្រមាណ១.៥០០ម៉ែត្រ។
លោកបានបញ្ជាក់ថា ក្រោយពេលដែលប្រជាពលរដ្ឋប្រទះឃើញគ្រា.ប់យុទ្ធភ័ណ្ឌមិនទាន់ផ្ទុះចំនួន៤គ្រាប់នៅកន្លែងដាច់ដោយឡែកពីគ្នា ហើយបានរាយការណ៍ជូនមន្ត្រីនគរបាលស្រុកស្វាយចេក ក៏ចុះទៅពិនិត្យមើលឃើញ ហើយក៏បានរាយការណ៍បន្តទៅអង្គភាពបោះសំអាតយុទ្ធភ័ណ្ឌមិនទាន់ផ្ទុះ ដើម្បីមកទទួលយកទៅកម្ទេចចោល។
លោកវរសេនីយ៍ឯក ជា ឈ្លូញ បានបញ្ជាក់ថា គ្រាប់យុទ្ធភ័ណ្ឌមិនទាន់ផ្ទុះដែលប្រជាពលរដ្ឋប្រទះឃើញចំនួន៤គ្រា.ប់នេះ គឺជាគ្រា.ប់យុទ្ធភ័ណ្ឌដែលនៅសេសសល់ពីសម័យសង្គ្រាម ហើយលោកក៏សូមអំពាវដល់ប្រជាពលរដ្ឋទាំងអស់ បើបានឃើញគ្រា.ប់យុទ្ធភ័ណ្ឌមិនទាន់ផ្ទុះ សូមរាយការណ៍ជូនអាជ្ញាធរ និងកម្លាំងសមត្ថកិច្ចក្បែរនោះ ហើយមិនត្រូវប៉ះពាល់នោះទេ ដែលអាចបង្កគ្រោះថ្នាក់ជាយថាហេតុបានគ្រប់ពេល៕
ចែករំលែកព័តមាននេះ