រាជធានីភ្នំពេញ ៖ ក្រុមហ៊ុន ICE Electronics បានស្វាគមន៍និស្សិត និងសាស្ត្រាចារ្យ មកពីវិទ្យាស្ថានបច្ចេកវិទ្យាកម្ពុជា (តិចណូ) ដើម្បីសិក្សាស្វែងយល់ពីផលិតផលអេឡិចត្រូនិកនៅក្រុមហ៊ុន ICE Electronics សាលាទឹកថ្លា ទល់មុខស្ថានីយទូរទស្សន៍អាស៊ីអាគ្នេយ៍ កាលពីព្រឹកថ្ងៃទី០៨ កក្កដា ២០១៦ ។
នៅក្នុងទស្សនកិច្ចសិក្សាស្វែងយល់នេះផងដែរ បុគ្គលិករបស់ក្រុមហ៊ុន ICE Electronics (អាយអេឡិកត្រូនិក) បានធ្វើបទបង្ហាញពីផលិតផល និងសេវាកម្មជាច្រើន ហើយនិស្សិតទាំងអស់ក៏បានសាកសួរពីភាពរីកចម្រើនទៅលើវិស័យបច្ចេកវិទ្យានាពេលបច្ចុប្បន្នផងដែរ ។
ជាមួយនឹងដំណើរទស្សនកិច្ចសិក្សាស្វែងយល់ចំណេះដឹងបន្ថែមរបស់និស្សិតទាំងអស់នៅក្នុងថ្ងៃនោះ ក្រុមហ៊ុន ICE Electronics (អាយអេឡិកត្រូនិក) ក៏បានផ្តល់នូវការដូអនុស្សាវរីយ៍ជូននិស្សិតនិងសាស្ត្រាចារ្យទាំងអស់ផងដែរ ។
ក្នុងនោះដែរ ការចំំណាយទិញជាកញ្ចប់នូវកុំព្យូទ័រ Lenovoមួយ និង Lenovo TAB2 (ថេបធូ) ក្នុងតម្លៃត្រឹមតែ១.៦៤០ដុល្លារអាមេរិក នឹងទទួលបានផលិតផលអេឡិចត្រូនិកបន្ថែមដល់ទៅ៤មុខរួមមាន កាបូបស្ពាយ, ឧបករណ៍បំពងសម្លេង, Lenovo Mouse M110, Microsoft Mouse Pad ។
ចែករំលែកព័តមាននេះ