ប្រទេសរុស្សុី-អ៊ុយក្រែន ៖ ប្រទេសបារាំង អេស្ប៉ាញ ដាណឹម៉ាក់និងហូឡង់ សុទ្ធតែត្រៀមប្រមូលកងទ័ពនៅលីទុយអានី ប៊ុលហ្គារីឬរូម៉ានី។ ប្រឈមមុខនឹងភាពភ័យខ្លាច លើការលុកលុយរបស់រុស្សុីចូលអ៊ុយក្រែន ពួកលោកខាងលិចចាប់ផ្ដើម បញ្ចេញប្រតិកម្មខាងយោធា។ ចំណែកអូតង់សម្រេចដាក់ឲ្យកងទ័ព ស្ថិតក្នុងសភាពរង់ចាំ និងបានបញ្ជូននាវានិងយន្តហោះចម្បាំងទៅកាន់អឹរ៉ុបខាងកើត ដើម្បីពង្រឹងកិច្ចការពាររបស់ពួកគេ។
ប្រទេសដាណឹម៉ាក់បានបញ្ជូននាវាពិឃាតមួយទៅកាន់សមុទ្របាល់ទិក ហើយត្រៀមដាក់ពង្រាយយន្តហោះប្រដេញធុនF-16នៅលីទុយអានី ដើម្បីជួយទ្រទ្រង់ដល់បេសកកម្មប៉ូលិសអាកាស ក្នុងរយៈពេលយូរ របស់អូតង់ក្នុងតំបន់។ នេះជាការអះអាងកាលពីថ្ងៃទី២៤មករារបស់អូតង់ ក្នុងសេចក្ដីប្រកាសមួយ។
អេស្ប៉ាញបញ្ជូនបណ្ដានាវាចម្បាំង ទៅចូលរួមជាមួយកងកម្លាំងជើងទឹកអូតង់ នៅប៊ុលហ្គារី។ បារាំងថ្លែងថាត្រៀមបញ្ញូនកងទ័ពទៅរូម៉ានីដាក់ឲ្យនៅក្រោមបញ្ជាការរបស់អូតង់។ ប្រទេសហូឡង់បញ្ជូនយន្តហោះប្រដេញធុនF-35 ចំនួន២គ្រឿងទៅប៊ុលហ្គារី ចាប់ពីខែមេសាទៅ ដើម្បីជួយទ្រទ្រង់ដល់សកម្មភាពរបស់ប៉ូលិសអាកាសអូតង់ក្នុងតំបន់ ហើយដាក់នាវា១គ្រឿងនិងបណ្ដាកងឯកភាពជើងគោកបម្រុង សម្រាប់កងកម្លាំងប្រតិកម្មអូតង់។
សហរដ្ឋអាមេរិកគ្រោងបញ្ជូនកងទ័ពមកកាន់រូម៉ានីក្រោមបញ្ជាការអូតង់។ អាមេរិកពិតជាមានការខ្លាចចំពោះអ្វីដែលកើតមានដ៏អាក្រក់នៅអ៊ុយក្រែន។ អាមេរិកពិតជាខ្លាចហើយដាក់ឲ្យទាហានខ្លួនដល់៨.៥០០នាក់ឲ្យស្ថិតក្នុងស្ថានភាពអាសន្ន។ ទាហានទាំងនោះអាចបញ្ជូនឲ្យទៅចូលរួម ក្នុងផ្ទៃកងកម្លាំងអូតង់ ក្នុងករណីមានការលុកលុយរបស់រុស្សុីចូលអ៊ុយក្រែន។ នេះជាការអះអាង កាលពីថ្ងៃទី២៤ ខែមករា របស់អ្នកនាំពាក្យមន្ទីរប៉ង់តាហ្គោន។
អ្នកនាំពាក្យរួបនោះបន្តថា ពុំទាន់មានការកេណ្ឌប្រមូលណាមួយ ត្រូវបានធ្វើនៅឡើយ លើការដាក់ពង្រាយទាហានអាមេរិក៨.៥០០នាក់ ហើយក៏មិនទាន់មានសេចក្ដីសម្រេចស្ដីពីការពង្រាយកងទ័ពនៅក្រៅសហរដ្ឋអាមេរិកដែរ សម្រាប់ពេលនេះ។ កងទ័ពទាំងនេះនឹងធ្វើអន្តរាមន៍ជួយទ្រទ្រង់ កងកម្លាំងប្រតិកម្មរហ័សរបស់អួតង់ដែលមានទាហានប្រមាណជា៤០.០០០នាក់។
ក្នុងសេចក្ដីប្រកាសមួយយោធភូមិភាគខាងលិចរបស់រុស្សុី ថ្លែងនាថ្ងៃទី២៤ ខែមករាថា សរុបនាវាចម្បាំងនិងនាវាជួយទ្រទ្រង់រុស្ស៊ី ២០គ្រឿងបានបើកទៅកាន់តំបន់សមុទ្របាល់ទិក ដើម្បីធើ្វសមយុទ្ធនៅទីនោះ ។ នាវាចម្បាំងរុស្សុីនៃកងកម្លាំងនាវាចរណ៍បាល់ទិក ប្រមូលផ្ដុំជាក្រុមតាក់ទិកជាច្រើន នឹងធ្វើបេសកម្មប្រឆាំងនាវាមុជទឹក ការពារដែនអាកាសនិងដោះមីន។
សមយុទ្ធយោធានេះរៀបចំធ្វើឡើង ខណៈអូតង់កំពុងដាក់កងទ័ពខ្លួនឲ្យប្រុងជើងការ និងបញ្ជូននាវាព្រមទាំងយន្តហោះប្រយុទ្ធបន្ថែមទៀត ទៅកាន់អឺរ៉ុបខាងកើត៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ