ADផ្ទាំងផ្សព្វផ្សាយពាណិជ្ជកម្ម

Picture

ស្រី​ស្អាត ប៉ូ​គី​ម​ថេ​ង សុត​ធីតា ចេញ​មុខ​សុំ​ទោស ក្រោយ​បញ្ចេញ​ឈុត​សិច​ស៊ី

2 ឆ្នាំ មុន
  • ភ្នំពេញ

បវរកញ្ញា Miss Grand Cambodia ២០២១ កញ្ញា ប៉ូ​គី​ម​ថេ​ង សុត​ធីតា បាន​ចេញ​មុខ​សុំ​ទោស​មហាជន​ជា​សាធារណៈ ក្រោយ​ពេល​ដែល​នាង​បាន​បញ្ចេញ​ឈុត​ដ៏​សិច​ស៊ី​មួយ​នៅ​តាម​បណ្តាញ​សង្គម​ហ្វេ​ស​ប៊ុ​ក បន្ទាប់​ពី​

រាជធានី​ភ្នំពេញ ៖ បវរកញ្ញា Miss Grand Cambodia ២០២១ កញ្ញា ប៉ូ​គី​ម​ថេ​ង សុត​ធីតា បាន​ចេញ​មុខ​សុំ​ទោស​មហាជន​ជា​សាធារណៈ ក្រោយ​ពេល​ដែល​នាង​បាន​បញ្ចេញ​ឈុត​ដ៏​សិច​ស៊ី​មួយ​នៅ​តាម​បណ្តាញ​សង្គម​ហ្វេ​ស​ប៊ុ​ក បន្ទាប់​ពី​មហាជន​បាន​នាំ​គ្នា​រិះគន់​នាង​ដែល​មើលទៅ​ហាក់​មិន​សម​ភ្នែក​។

ប៉ូ​គី​ម​ថេ​ង សុត​ធីតា បាន​បញ្ចេញ​ឈុត​ម៉ូត​អាវ​ថ្មី​មួយ ដែល​បាន​ឆ្នៃ​ម៉ូត​ឡើង​មើល​សិច​ស៊ី​ស្ទើរ​បញ្ចេញ​សុដន់​ទាំង​គូរ​មក​ខាងក្រៅ តាម​គណនេយ្យ​ហ្វេ​ស​ប៊ុ​ក​របស់​ខ្លួន​ចំនួន​៣​សន្លឹក ដែល​បាន​ធ្វើ​ឲ្យ​មហាជន ជា​ពិសេស​បណ្តា​អ្នកលេង​ហ្វេ​ស​ប៊ុ​ក​មានការ​ចាប់អារម្មណ៍​យ៉ាង​ខ្លាំង រហូត​មាន​អ្នកខ្លះ​ចង់​ឃើញ​នាង​គ្រង​ឈុត​មួយ​នេះ សម្រាប់​ការ​ប្រកួត​ផង​ដែរ​។

យ៉ាងណា ទន្ទឹម​នឹង​ការ​លើក​សរសើរ​នេះ ក៏​មាន​ទស្សនិកជន​មួយ​ចំនួន​ទៀត​ក៏​បាន​ចេញ​មក​រិះគន់​ទៅ​លើ​ឈុត​ថ្មី​របស់​នាង​នា​ពេល​នេះ​ផង​ដែរ ដោយនៅ​ក្នុង​នោះ​ពួក​គេ​ចាត់​ទុក​ឈុត​មួយ​នេះ ហាក់​រាង​សិច​ស៊ី​ខ្លាំង ព្រោះ​វា​បាន​ចំហរ​ប្រឡោះ​ដើម​ខ្លាំង ស្ទើរតែ​មើលឃើញ​ទាំងស្រុង​ទៅ​ហើយ​។

ពាក់ព័ន្ធ​ទៅ​នឹង​ការ​រិះគន់​ខាងលើ​នេះ ប៉ូ​គី​ម​ថេ​ង សុត​ធីតា ក៏​បាន​ចេញ​មុខ​សុំ​ទោស​ដល់​បណ្តា​ទស្សនិកជន​ដែល​បណ្តាល​ឲ្យ​មានការ​រឿង​នេះ​កើតឡើង ខណៈ​ពេល​ដែល​នាង​ក៏​បាន​យល់​ឃើញ​ផង​ដែរ​ថា ឈុត​ដែល​នាង​បាន​ពាក់​បង្ហាញ​នេះ មើលទៅ​ពិតជា​សិច​ស៊ី​ខ្លាំង​មែន​។

ប៉ូ​គី​ម​ថេ​ង សុត​ធីតា បាន​បង្ហោះ​សារ​តាម​រយៈ Story Facebook របស់​ខ្លួន​ថា «​គ្រប់​គ្នា​គេ​ស្លៀក​មើលទៅ​ធម្មតា តែ​ខ្ញុំ​ស្លៀក​មើលទៅ​សិច​ស៊ី​ខ្លាំង​ជាងគេ​មែន ខ្ញុំ​សាមីខ្លួន​ក៏​ឃើញ​ថា រាង​ខ្លាំង​តិច​ដែរ សុំ​អធ្យាស្រ័យ​ដល់​រូប​នាង​ខ្ញុំ​ផង​»​។

ដោយឡែក​នៅ​គណនេយ្យ​ផេ​ក​ហ្វេ​ស​ប៊ុ​ក Miss Cambodia បវរកញ្ញា​កម្ពុជា ក៏​បាន​បញ្ចេញ​សារ​ចំពោះ​រឿង​ខាងលើ​នេះ​ដែរ​ថា នាង​គឺជា​បវរកញ្ញា​ដែល​គួរ​អោយ​ស្រលាញ់ និង​គាំទ្រ​ជាទី​បំផុត សុត​ធីតា នាង​បាន​សុំ​ទោស​ចំពោះ​រូបថត​ដែល​នាង​បាន​ថត ហើយ​ធ្វើ​អោយ​បងប្អូន​មួយ​ចំនួន​មិន​ពេញចិត្ត​។ សង្ឃឹមថា បងប្អូន​នឹង​អធ្យាស្រ័យ​អោយ​នាង​ផង ហើយ​នាង​ក៏​បាន​លុប​រូប​នោះ​ពី Acc របស់​នាង​ផង​ដែរ​។ បើ​សួរ​ខ្ញុំ​ថា ជា​កំហុស​នាង​ទេ? ជា​ការ​ពិត មិនមែន​ជា​កំហុស​នាង​ទេ ប្រសិនបើ​បងប្អូន​អ្នកគាំទ្រ​វិស័យ​បវរ​កញ្ញា ការ​ថតរូប​ជាមួយ​ឈុត​ដែល​សិច​ស៊ី​បែប​នេះ វា​ជា​រឿង​ទូទៅ​របស់​បវរកញ្ញា​គ្រប់​រូប ហើយ​ខ្ញុំ​ក៏​គិត​ថា វា​មិន​លើសលួស​ហួស​ព្រំដែន​ពេក​ដែរ តែ​ដោយសារ​នាង​ជា​បវរកញ្ញា​សុភាព​រាបសារ​តាំងពី​ដើម​មក ទើប​ធ្វើ​អោយ​អ្នក​ទាំងអស់​គ្នា​គិត​ថា អាច​នឹង​លើស​សម្រាប់​បងប្អូន​មួយ​ចំនួន​។ អរគុណ​បងប្អូន សូម​ចូលរួម​គាំទ្រ​និង​លើកទឹកចិត្ត​ដល់​ធីតា​បន្ត​ទៀត​ណា Sothida Pokimtheng Official We love and support you my queen ម្ចាស់​ក្ស​ត្រី​សម្រស់​នៅ​ក្នុង​ដួងចិត្ត​ហ្វេ​ន​គ្រប់​គ្នា​ជា​រៀង​រហូត​។

ជា​ការ​កត់សម្គាល់ បវរកញ្ញា Miss Grand Cambodia ២០២១ កញ្ញា ប៉ូ​គី​ម​ថេ​ង សុត​ធីតា គឺ​កញ្ញាឯក​មួយ​រូប​ដូច​ទៅ​នឹង​កញ្ញាឯក​មួយ​ចំនួន​ទៀត​ដែរ ពោល​គឺ​នាង​មានការ​តស៊ូ​ខ្លាំង និង​អស់​ជា​ច្រើន​ឆ្នាំ​ទម្រាំ​បាន​ក្លាយជា​ម្ចាស់​ម្កុដ​នៃ​កម្មវិធី​កញ្ញាឯក​ខាងលើ​នេះ​។ នាង​ក្លាយជា​កញ្ញាឯក​តំណាង​ឲ្យ​ប្រទេស​កម្ពុជា​ទៅ​ចូលរួម​កម្មវិធី Miss Grand Internatoinal 2021 នៅ​ប្រទេស​វៀតណាម កាលពី​អំឡុង​ខែធ្នូ កន្លង​ទៅ ខណៈ​ពេល​ដែល​នាង​ក៏​ទទួល​បាន​ពាន​មួយ​ផ្នែក​ក្នុង​កម្មវិធី​ខាងលើ ហើយ​អ្វី​ដែល​រឹតតែ​ពិសេស​ជាង​នេះ​ទៀត នាង​ក៏​អាច​មាន​សមត្ថភាព​ចូល​ដល់​វគ្គ​Top Teen ចុង​ក្រោយ​ផង​ដែរ​៕

អត្ថបទសរសេរ ដោយ

កែសម្រួលដោយ