ខេត្តព្រះវិហារ ៖ ផ្ទុះគ្រាប់យុទ្ធភណ្ឌចំនួន២ករណីផ្សេងៗគ្នាតែកើតឡើងក្នុងថ្ងៃតែមួយ ស្ថិតក្នុងភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ បណ្តាលឱ្យមានមនុស្សសរុបចំនួន៤នាក់ត្រូវបាត់បង់ជីវិត និងរងរបួសធ្ងន់ម្នាក់ នៅព្រឹកថ្ងៃទី១០…
ខេត្តព្រះវិហារ ៖ ផ្ទុះគ្រាប់យុទ្ធភណ្ឌចំនួន២ករណីផ្សេងៗគ្នាតែកើតឡើងក្នុងថ្ងៃតែមួយ ស្ថិតក្នុងភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ បណ្តាលឱ្យមានមនុស្សសរុបចំនួន៤នាក់ត្រូវបាត់បង់ជីវិត និងរងរបួសធ្ងន់ម្នាក់ នៅព្រឹកថ្ងៃទី១០ ខែមករា ឆ្នាំ២០២២ ក្នុងនោះ ជនរងគ្រោះមានមន្ត្រីយោធា និងក្រុមការងារដោះមីនរបស់អង្គការដោះមីនកម្ពុជាផងដែរ ។
យោងតាមការបញ្ជាក់ពីលោកឧត្តមសេនីយ៍ត្រី ឆយ បូរិន ស្នងការរង ទទួលផែនសេនាធិការនៃស្នងការដ្ឋាននគរបាលខេត្តព្រះវិហារបានអោយដឹងថា ហេតុការណ៍ដ៏រន្ធត់នេះកើតឡើង២ករណីផ្សេងគ្នា ដោយករណីទី១ នៅវេលាម៉ោង១១និង១០នាទី ថ្ងៃទី១០ ខែមករា ឆ្នាំ២០២២ នៅចំណុចត្រពាំងគល់ ដែលហេតុការណ៍នេះបណ្តាលមកពីជនរងគ្រោះឈ្មោះ ហួន ឡេ ភេទប្រុស អាយុ៤៣ឆ្នាំ ជាមន្ត្រីយោធា នៅវរៈសេនាតូចលេខ៣៩៥ បានយកភ្លើងដុតគល់នៅក្នុងចម្ការប៉ះចំគ្រាប់យុទ្ធភណ្ឌមិនទាន់ផ្ទុះ បណ្តាលអោយផ្ទុះស្លា.ប់.ខ្លួនលឯងនៅនឹងកន្លែង ។
ដោយឡែក នៅក្នុងថ្ងៃដដែលវេលាម៉ោងប្រមាណ១១និង២០នាទី ក៏មានករណីផ្ទុះមីនតោន១ករណីទៀត ខណៈដែលក្រុមការងារដោះមីនរបស់អង្គការដោះមីនកម្ពុជា ដែលមានស្នាក់ការនៅឃុំស្រអែម ស្រុកជាំក្សាន្ត ខេត្តព្រះវិហារ ដែលកំពុងរាវរកគ្រាប់មីនតោននៅចំណុចវាលជាស ជើងភ្នំមុំបី ស្ថិតក្នុងភូមិសាស្ត្រភូមិសែនតេជះ ឃុំមរកត ស្រុកជាំក្សាន្ត ខេត្តព្រះវិហារ បណ្តាលអោយបុគ្គលិកអង្គការដោះមីនស្លា.ប់.ចំនួន៣នាក់និងរងរបួសធ្ងន់ ។
សមត្ថកិច្ចបន្ថែមថា ចំពោះអ្នកស្លា.ប់ត្រូវបានស្គាល់អត្តសញ្ញាណ៣នាក់ ទី១ ឈ្មោះ សិន វង្ស ភេទប្រុស អាយុ29ឆ្នាំ សាកសព បែកខ្ទេចរកមិនឃើញ ។ ទី២ ម៉ា សុីមេត ភេទប្រុស អាយុ32ឆ្នាំ និងទី៣ ម៉ន ចក់ ភេទប្រុស អាយុ29ឆ្នាំ និងទី៤ ឈ្មោះ អុិ ប៉ាយ ភេទប្រុសអាយុ26ឆ្នាំរងរបួស និងនឹងទី៥ កែវ ភេទប្រុស អាយុ45ឆ្នាំ ប្រជាពលរដ្ឋ មុខរបកសិករ(អ្នកជូនផ្លូវ) បច្ចុប្បជនរងគ្រោះត្រូវបានក្រុមគ្រូពេទ្យ បញ្ជូនអ្នករបួសទៅកាន់មន្ទីរពេទ្យ ដើម្បីសង្គ្រោះ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ