រាជធានីភ្នំពេញ ៖ ទឹកអប់ថ្មីសម្រាប់យុវវ័យម៉ាក huny (ហាន់នី) នឹងចេញលក់នៅលើទីផ្សារកម្ពុជាឆាប់ៗនេះហើយ នេះបើតាមការបញ្ជាក់ឲ្យដឹងពីលោក យុំាង ហូលី ស្ថាបនិកសហគ្រាសផលិតទឹកអប់ Cambodia Senses Industry ។
លោក ហូលី បានឲ្យដឹងទៀតថា វត្ថុធាតុដើមសំខាន់ៗសម្រាប់ផលិតទឹកអប់ huny ត្រូវបាននាំចូលផ្តាច់មុខពីក្រុមហ៊ុនធំបំផុតមួយរបស់ប្រទេសអូស្ត្រាលី ដែលជាក្រុមហ៊ុនផ្គត់ផ្គង់មេរសជាតិ និងក្លិនទៅជាង៤០ប្រទេសលើពិភពលោក ។ ពិសេសជាងនេះទៅទៀត គ្រប់ប្រភេទក្លិនរបស់ទឹកអប់huny សុទ្ធតែត្រូវបានសម្រិតសម្រាំងឡើងយ៉ាងល្អិតល្អន់ ពោលគឺសុទ្ធតែជាក្លិនដែលទទួលបានការពេញនិយមបំផុតនៅលើពិភពលោកនាពេលបច្ចុប្បន្ននេះ ។
គួរបញ្ជាក់ផងដែរថា លោក យុំាង ហូលី គឺជាកូនខ្មែរមួយរូបដែលបានភៀសខ្លួនទៅរស់នៅប្រទេសអូស្ត្រាលី នៅសម័យសង្គ្រាម ។ លោកបានទទួលការអប់រំនៅទីនោះរហូតបានក្លាយជាវិស្វករផ្នែកគីមី និងអាហារនៅក្រុមហ៊ុនផលិតធំបំផុតមួយរបស់អូស្ត្រាលី រយៈពេលជាង២០ឆ្នាំ ។ ដោយនឹករលឹក និងស្រឡាញ់ប្រទេសកំណើត លោកក៏បានសម្រេចចិត្តមករស់នៅក្នុងប្រទេសកម្ពុជាវិញ ហើយក៏បានបង្កើតសហគ្រាស Cambodia Senses Industry នេះឡើង ។
ចំណែក លោក សែម សុផល នាយកប្រតិបត្តិរបស់ Cambodia Senses Industry បានឲ្យដឹងថា ទន្ទឹមនឹងការចែកចាយនៅទីផ្សារក្នុងស្រុក ក្រុមហ៊ុននឹងពង្រីកទៅកាន់ទីផ្សារប្រទេសជិតខាងដូចជា ថៃ វៀតណាម ឡាវ និងមីយ៉ាន់ម៉ា នៅដំណាក់កាលបន្ទាប់ ។ លោកបានសង្កត់ធ្ងន់ថា ទឹកអប់ huny មានលក្ខណៈសម្បត្តិគ្រប់គ្រាន់ក្នុងការប្រកួតប្រជែងជាលក្ខណៈអន្តរជាតិ ព្រោះថា ផលិតផលនេះមានគុណភាពខ្ពស់ ស្របតាមស្តង់ដារអន្តរជាតិ ដូចទៅនឹងផលិតផលរបស់ប្រទេសអភិវឌ្ឍន៍នានា ។ ម្យ៉ាងទៀត សម្បកវេចខ្ចប់របស់យើងទៀតសោត ក៏មានភាពថ្លៃថ្នូរប្រណីត និងទាក់ទាញជាងទឹកអប់ដទៃទៀតផងដែរ ។
ចែករំលែកព័តមាននេះ