រាជធានីភ្នំពេញ ៖ ថ្ងៃទី១៣ដល់ថ្ងៃទី១៦មិថុនា ខាងមុខនេះ មន្ទីរពេទ្យក្វាងចូវទំនើបផ្នែកមហារីក នឹងដឹកនាំគណៈប្រតិភូមួយក្រុមដែលមានសមាជិកទាំងអស់១៥នាក់ ក្នុងនោះមានក្រុមវេជ្ជបណ្ឌិត អ្នកសារព័ត៌មានកាសែតកោះសន្តិភាព
រាជធានីភ្នំពេញ ៖ ថ្ងៃទី១៣ដល់ថ្ងៃទី១៦មិថុនា ខាងមុខនេះ មន្ទីរពេទ្យក្វាងចូវទំនើបផ្នែកមហារីក នឹងដឹកនាំគណៈប្រតិភូមួយក្រុមដែលមានសមាជិកទាំងអស់១៥នាក់ ក្នុងនោះមានក្រុមវេជ្ជបណ្ឌិត អ្នកសារព័ត៌មានកាសែតកោះសន្តិភាព Jianhua dialy Gaomian dialy និងបុគ្គលិករបស់មន្ទីរពេទ្យដែលមានទីស្នាក់ការនៅទីក្រុងភ្នំពេញនឹងអញ្ជើញទៅធ្វើទស្សនកិច្ចសិក្សារយៈពេលបួនថ្ងៃ នៅមន្ទីរពេទ្យនាទីក្រុងក្វាងចូវ ប្រទេសចិន ។
ការរៀបចំបញ្ជូនគណៈប្រតិភូអញ្ជើញទៅទស្សនកិច្ចផ្ទាល់នៅមន្ទីរពេទ្យ មិនមែនជាលើកទីមួយនោះទេសម្រាប់មន្ទីរពេទ្យ ។ មន្ទីរពេទ្យក្វាងចូវទំនើបផ្នែកមហារីកចាប់តាំងពីបើកទីស្នាក់ការតំណាងរបស់ខ្លួននៅទីក្រុងភ្នំពេញ នៅឆ្នាំ២០១២មក គឺធ្លាប់បញ្ជូនគណៈប្រតិភូទៅទស្សនកិច្ចសិក្សាបានចំនួនពីរលើករួចមកហើយ។ ពេលនោះមានការអញ្ជើញចូលរួមពីថ្នាក់ដឹកនាំនៃមន្ត្រីក្រសួងសុខាភិបាល ប្រធានក្រុមគ្រូពេទ្យឯកទេសជំងឺមហារីក ក្រុមគ្រូពេទ្យឯកទេសផ្នែករោគស្ត្រីនិងឯកទេសផ្សេងជាច្រើនរូបទៀត ។ ដូចនេះ ការដឹកនាំគណៈប្រតិភូទៅធ្វើទស្សនកិច្ចសិក្សាផ្ទាល់លើកនេះក៏មិនមិនខុសគ្នាពីលើកមុនៗដែរ គឺក្នុងគោលបំណងផ្តល់ឱកាសដល់ក្រុមវេជ្ជបណ្ឌិតខ្មែរដែលធ្លាប់សហការជាមួយមន្ទីរពេទ្យយើងខ្ញុំកន្លងមក បានទៅឃើញផ្ទាល់នូវបច្ចេកវិទ្យាព្យាបាល បរិក្ខារពេទ្យទនើបៗ ទាំងផ្នែកសេវាកម្មនិងបរិស្ថានដែលមានលក្ខណៈស្តង់ដារអន្តរជាតិ ។
ទន្ទឹមនឹងដំណើរទស្សនកិច្ចសិក្សារបស់ក្រុមគណៈប្រតិភូក្នុងរយៈពេលបួនថ្ងៃនេះ ក្រុមការងាររបស់មន្ទីរពេទ្យនឹងរៀបចំដំណើរកំសាន្តសម្រាប់ពួកគាត់នៅក្នុងទីក្រុងក្វាងចូវផងដែរ ក្នុងគោលបំណងដើម្បីផ្លាស់ប្តូរការសិក្សានិងស្វែងយល់អំពីវប្បធម៌ប្រពៃណីរវាងប្រជាជននៃប្រទេសទាំងពីរឱ្យកាន់តែប្រសើរឡើងថែមទៀត ៕
ចែករំលែកព័តមាននេះ