រាជធានីភ្នំពេញ ៖ CAMHOMESបានរកឃើញអតិថិជនចំនួន៥០នាក់បានឈ្នះរង្វាន់ដ៏ច្រើនសន្ធឹកសន្ធាប់បន្ទាប់ពីបានទិញខុនដូស្នាក់នៅ និងអគារពាណិជ្ជកម្ម D’Seaview ដែលស្ថិតក្នុងតំបន់ដ៏មានសក្តានុពលក្នុងខេត្តព្រះសីហនុ ។ រង្វាន់ទាំង៥០នោះរួមមានមូ៉តូ Honda Scoopy 2015 ទូរទស្សន៍ ទូទឹកក ម៉ៃក្រូវេវ និងកង្ហារ ជាដើម ។
លោក គួច លេងឃាង ប្រធានផ្នែកទំនាក់ ទំនងសាធារណៈនិងយុទ្ធសាស្ត្រទីផ្សាររបស់ CAMHOMESបានឲ្យដឹងថា៖«ក្រៅពីផ្តល់ ជូនអតិថិជននូវលំនៅឋានដែលមានតម្លៃសមរម្យ និងការរស់នៅបែបទំនើបហើយនោះ យើងនៅមានរង្វាន់លើកទឹកចិត្តជាច្រើនទៀតកំពុងរង់ចាំអតិថិជនដែលមកទិញខុនដូស្នាក់នៅ ឬអគារពាណិជ្ជកម្មរបស់ D’Seaview» ។ នៅក្នុងខែឧសភានេះ សម្រាប់អតិថិជនដែលបានកក់ទីតាំងពាណិជ្ជកម្មនៅខុនដូ D’Seaview នឹងទទួលបានខុនដូស្នាក់នៅមួយបន្ទប់ដោយឥតគិតថ្លៃដោយស្វ័យប្រវត្តិ ហើយចំពោះអតិថិជនដែលកក់ខុនដូសម្រាប់ស្នាក់នៅវិញនឹងទទួលបាននូវទូរស័ព្ទសាមសុង Galaxy S7 ចំនួនមួយគ្រឿងភ្លាមៗ។
ខុនដូ D’Seaview នឹងផ្តល់កន្លែងស្នាក់នៅបែបស៊ីវិល័យ ហាងទំនិញ ការិយាល័យ សណ្ឋាគារ និងភោជនីយដ្ឋានទំនើបព័ទ្ធជុំវិញដោយសួនធម្មជាតិស្រស់ត្រកាល កន្លែងកម្សាន្តសម្រាប់កុមារ និងការរស់នៅដ៏សម្បូរបែប សម្រាប់អតិថិជនដែលមិនចូលចិត្តភាពអ៊ូអរខ្លាំង។ លំនៅឋាននីមួយៗមានតម្លៃចាប់ពី ៥០.០០០ដុល្លារ ហើយបន្ទប់នីមួយៗមានទំហំចាប់ពី៤៧ម៉ែត្រការ៉េឡើងទៅ ។
អតិថិជនដែលមានបំណងចង់បានលំនៅឋានក្នុងខេត្តព្រះសីហនុ ដែលមានតម្លៃសមរម្យហើយមានប្រណីតភាព អាចអញ្ជើញទៅទស្សនា និងសាកសួរព័ត៌មាននៅអគារកាណាឌីយ៉ា ឬនៅខេត្តព្រះសីហនុ ដើម្បីប្រឹក្សាយោបល់ជាមួយអ្នកជំនាញ និងទទួលបាននូវព័ត៌មានផ្សេងៗពាក់ព័ន្ធនឹងខុនដូ D’Seaview ក៏ដូចជាការផ្តល់ជូនពិសេសជាច្រើនទៀត ៕
ចែករំលែកព័តមាននេះ