រាជធានីភ្នំពេញ ៖ ណាហ្គាវើលដែលជាមណ្ឌលកម្សាន្ត និងសណ្ឋាគារក្នុងរាជធានីភ្នំពេញ បានចាប់ផ្តើមនូវព្រឹត្តិការណ៍ផ្សេងៗជាច្រើនក្នុងឱកាសប្រារព្ធខួប២១ឆ្នាំរបស់ណាហ្គាវើល។
រាជធានីភ្នំពេញ ៖ ណាហ្គាវើលដែលជាមណ្ឌលកម្សាន្ត និងសណ្ឋាគារក្នុងរាជធានីភ្នំពេញ បានចាប់ផ្តើមនូវព្រឹត្តិការណ៍ផ្សេងៗជាច្រើនក្នុងឱកាសប្រារព្ធខួប២១ឆ្នាំរបស់ណាហ្គាវើល។
នៅពេលថ្មីៗនេះ ណាហ្គាវើលបេះដូងសប្បុរស បានចុះទៅកាន់ភូមិសន្សំកុសល ២ ក្នុងសង្កាត់បឹងទំពុន ខណ្ឌមានជ័យ រាជធានភ្នំពេញ ដើម្បីឧបត្ថម្ភអង្ករ២តោនដល់អង្គការដែលជួយទ្រទ្រង់ផ្ទាល់ដល់គ្រួសារ និងកុមារក្រីក្រកម្ពុជាមួយចំនួនដូចជា អង្គការ School of Public Health and Social Work of St Elizabeth, អង្គការ Magna, អង្គការ French Foundation for Cambodian Children, អង្គការ Cambodian Stellar Child Care Organization, អង្គការ New Smile, អង្គការ CASVA , អង្គការ COLT, អង្គការ CICFO, អង្គការ CAMBODIA HOPE, អង្គការ Happy Tree និងអង្គការ SFODA ។
លោក Pern Chen នាយកប្រតិបត្តិណាហ្គាវើល បានមានប្រសាសន៍ថា «កម្មវិធីឧបត្ថម្ភអង្ករ គឺជាផ្នែកមួយនៃការប្រឹងប្រែងរបស់ណាហ្គាវើលបេះដូងសប្បុរស ក្នុងការជួយធ្វើឲ្យជីវភាពរស់នៅរបស់កុមារក្រីក្រកម្ពុជាមានភាពប្រសើរឡើង។ យើងចង់ឲ្យពួកគេដឹងថា ពួកគេមិនមែនប្រឈមនឹងការលំបាកក្នុងជីវិតរស់នៅប្រចាំថ្ងៃតែឯងនោះទេ គឺមានអ្នកយកចិត្តទុកដាក់ និងស្រឡាញ់ពួកគេ។ យើងសង្ឃឹមថា ការឧបត្ថម្ភអង្ករនេះ នឹងជួយធ្វើឲ្យជីវភាពរស់នៅរបស់ពួកគេមានភាពធូរស្រាលខ្លះ»។
នៅក្នុងពេលឧបត្ថម្ភអង្ករនេះផងដែរ បុគ្គលិកស្ម័គ្រចិត្តរបស់ណាហ្គាវើល បានផ្តល់ដល់គ្រួសារ និងកុមារសរុបចំនួន២៥០នាក់ ដែលមកចូលរួមនូវម្ហូបអាហារ នំភីហ្សា និងមាន់ចៀន ហើយពួកគេក៏បានរីករាយកម្សាន្តជាមួយការសម្តែងសៀករហ័សកម្មផងដែរ។
ចាប់តាំងពីចាប់កំណើតក្នុងខែមីនា ឆ្នាំ២០១៤ ណាហ្គាវើលបេះដូងសប្បុរស បានជួយដល់កុមារជាង៨ម៉ឺននាក់ មកពីជាង១០០សាលារៀន រួមមានឧបត្ថម្ភអង្ករ ចែកសម្ភារសិក្សា និងសៀវភៅ ជួយជួសជុលសាលានៅតាមបណ្តាខេត្ត កសាងបណ្ណាល័យ បណ្តុះបណ្តាលជំនាញកីឡា ដាំកូនឈើ និងរៀបចំការប្រកួតប្រជែងផ្សេងៗសម្រាប់សិស្សានុសិស្ស៕
ចែករំលែកព័តមាននេះ