អូស្ត្រាលី រកឃើញអ្នកឆ្លងកូវីដបំប្លែងថ្មី អូមីក្រុង ចំនួន០៦ករណីហើយ
ទីក្រុងស៊ីដនី ៖ ប្រទេសអូស្ត្រាលី បានរាយការណ៍ករណីទី០៦ នៃកូវីដបំប្លែងថ្មី អូមីក្រុង បន្ទាប់ពីអ្នកដំណើររូបនេះទើបមកពីប្រទេសកាតា ដល់រដ្ឋ New South…
ទីក្រុងស៊ីដនី ៖ ប្រទេសអូស្ត្រាលី បានរាយការណ៍ករណីទី០៦ នៃកូវីដបំប្លែងថ្មី អូមីក្រុង បន្ទាប់ពីអ្នកដំណើររូបនេះទើបមកពីប្រទេសកាតា ដល់រដ្ឋ New South…
ទីក្រុងស៊ីដនី ៖ ប្រទេសអូស្ត្រាលី បានរាយការណ៍ករណីទី០៦ នៃកូវីដបំប្លែងថ្មី អូមីក្រុង បន្ទាប់ពីអ្នកដំណើររូបនេះទើបមកពីប្រទេសកាតា ដល់រដ្ឋ New South Wales ត្រូវបានរកឃើញថា មានផ្ទុកវីរុសនេះ (Omicron) ។
យោងតាមសេចក្តីថ្លែងការណ៍របស់ក្រសួងសុខាភិបាលអូស្ត្រាលី បានឲ្យដឹងនៅថ្ងៃទី៣០ វិច្ឆិកា ២០២១នេះថា អ្នកជំងឺដែលត្រូវបានចាក់វ៉ាក់សាំងពេញលេញ បានជិះយន្តហោះ តាមជើងហោះហើរលេខ QR908 ពីទីក្រុងដូហា ទៅកាន់ទីក្រុងស៊ីដនី នៅថ្ងៃទី២៥ ខែវិច្ឆិកា ។ ហើយអ្នកជំងឺរូបនេះធ្លាប់នៅអាហ្វ្រិកខាងត្បូង ។
សេចក្តីថ្លែងការណ៍បន្តថា បុគ្គលនោះ បានទៅទស្សនាកន្លែងមួយចំនួន ក្នុងទីក្រុងស៊ីដនី និងឆ្នេរសមុទ្រនៅភាគកណ្តាល មុនពេលការរឹតបន្តឹងថ្មី ត្រូវបានអនុម័ត ។ អ្នកធ្វើដំណើរដែលឆ្លងកូវីដបំប្លែងថ្មី អូមីក្រុង ពេលនេះកំពុងនៅដាច់ដោយឡែកពីគេ ក្នុងផ្ទះនៅឯឆ្នេរភាគកណ្តាល ។
មនុស្សពីរនាក់ទៀត ដែលជិះលើយន្តហោះ តាមជើងហោះហើរដូចគ្នា QR908 ក៏ត្រូវបានបញ្ជាក់ផង ដែរថា វិជ្ជមាន ប៉ុន្តែការធ្វើតេស្តហ្សែន នៅតែកំពុងដំណើរការ ដើម្បីកំណត់ថា តើវាជា អូមីក្រុង ឫទេ ? ប្រវត្តអ្នកធ្វើដំណើរទាំងពីរនាក់ មិនបានចំណាយពេលនៅអាហ្វ្រិកខាងត្បូងទេ ។
ឥឡូវនេះ ប្រទេសអូស្ត្រាលី បានកំណត់អត្តសញ្ញាណករណីអ្នកឆ្លងវីរុសអូមីក្រុង ចំនួន០៥នាក់ នៅក្នុងរដ្ឋ New South Wales និងការឆ្លង០១ករណីទៀត នៅភាគខាងជើង នៃប្រទេសអូស្ត្រាលី ៕
ចែករំលែកព័តមាននេះ