អគ្គីភ័យឆាបឆេះអាហារដ្ឋាន តំបន់ទេសចរណ៍កោះរ៉ុង
ខេត្តព្រះសីហនុ ៖ យោងតាមប្រភពព័ត៌មានចុងក្រោយបង្អស់ពីតំបន់ទេសចរណ៍កោះរ៉ុង ក្រុងព្រះសីហនុ បានអះអាងថា អគ្គីភ័យបានឆាបឆេះអាហារដ្ឋានបរទេសនៅលើផែទេសចរណ៍
ខេត្តព្រះសីហនុ ៖ យោងតាមប្រភពព័ត៌មានចុងក្រោយបង្អស់ពីតំបន់ទេសចរណ៍កោះរ៉ុង ក្រុងព្រះសីហនុ បានអះអាងថា អគ្គីភ័យបានឆាបឆេះអាហារដ្ឋានបរទេសនៅលើផែទេសចរណ៍ ទាំងស្រុង ប៉ុន្តែពុំមានរាលដាលដល់អាហារដ្ឋានដទៃនោះទេ គិតមកដល់ត្រឹមម៉ោង១៨និង១៥នាទីនេះ។ យោងតាមការអះអាងពីលោក អនុសេនីយ៍ឯក ហេង គីមអាន នាយប៉ុស្តិ៍នគរបាលរដ្ឋបាលសង្កាត់កោះរ៉ុង បានបញ្ជាក់ថា នៅវេលាម៉ោង១៦និង៤៥នាទី ថ្ងៃទី០៨ ខែឧសភា ឆ្នាំ២០១៦ ត្រង់ចំណុចភូមិកោះតូច សង្កាត់កោះរ៉ុង ក្រុងព្រះសីហនុ ខេត្តព្រះសីហនុ មានអគ្គីភ័យមួយបានកើតឡើង បណ្តាលឲ្យ អាហារដ្ឋានបរទេសចំនួន០១ឈ្មោះ បា សូឡូ ដែលមានម្ចាស់ឈ្មោះ សេង ហ៊ួលាង ដែលបានសាងសង់លើផែទេសចរណ៍ ឆាបឆេះទាំងស្រុង ប៉ុន្តែពុំបណ្តាលឲ្យមនុស្សណាម្នាក់រងរបួស និងមិនបណ្តាលឲ្យឆាបឆេះ ទៅកាន់ផ្ទះប្រជាពលរដ្ឋ ឬហាងអ្នកដទៃនោះទេ។
ចំពោះមូលហេតុដែលបានឆាបឆេះ គេនៅពុំទាន់កំណត់ច្បាស់លាស់ថាមកពីអ្វីនោះទេ តែបើយោងតាមការសន្និដ្ឋានជំហានដំបូង អាចបណ្តាលមកពីឡ ដុតភីហ្សា របស់ហាងខាងលើ។ ប្រភពដដែលបានបន្តថា អគ្គីភ័យនេះ ត្រូវរលត់ទៅវិញទាំងស្រុងនៅវេលាម៉ោង១៧និង៣៥នាទី បន្ទាប់ពីមានការអន្តរាគមន៏ពី ប្រជាពលរដ្ឋ ភ្ញៀវទេសចរណ៍ និងអាជ្ញាធរពាក់ព័ន្ធក្នុងមូលដ្ឋាន ទើបអគ្គីភ័យនេះពុំបណ្តាល ឲ្យឆាបឆេះទៅកាន់ទីតាំងផ្សេងបាន។ សូមបញ្ជាក់ផងដែរថា ត្រង់ចំណុចកើតហេតុ លើផែទេសចរណ៍នេះ គឺជាតំបន់ទេសចរណ៍ដ៏ទាក់ទាញបំផុតនាពេលបច្ចុប្បន្ននេះ របស់ខេត្តព្រះសីហនុ ទើបនៅពេលកើតហេតុបានបង្កឲ្យមានការភ្ញាក់ផ្អើលយ៉ាងខ្លាំង ទាំងភ្ញៀវទេសចរណ៍ ក៏ដូចជាតាមបណ្តាញព័ត៌មានក្នុងស្រុក និងក្រៅស្រុក ៕
ចែករំលែកព័តមាននេះ