ខេត្តកំពង់ស្ពឺ ៖ ដោយអនុវត្តតាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងការណែនាំពីជំនាញព្រហ្មទណ្ឌខេត្ដ (ការិយាល័យនគរបាលព្រហ្មួទណ្ឌកំរិតស្រាល) កម្លាំងអធិការដ្ឋាននគរបាលស្រុកភ្នំស្រួច បានបន្ដធ្វើការស្រាវជ្រាវលើករណីចោរកម្មលួចកាត់ខ្សែភ្លើង ចេញពីម៉ូទ័ររបស់ក្រុមហ៊ុន Yong De Xin ដែលមានឈ្មោះ Shi Yu Qing សញ្ជាតិចិន អ្នកគ្រប់គ្រងជាដើមបណ្ដឹងស្នាក់នៅភូមិគីរីរស្មី ឃុំព្រៃរំដួល ស្រុកភ្នំស្រួច ។
លោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួចបានឱ្យដឹងថា ក្រោយការចុះស្រាវជ្រាវ កម្លាំងផ្នែកព្រហ្មទណ្ឌកំណត់លើមុខសញ្ញា២នាក់សង្ស័យ ចូលលួចកាត់ខ្សែភ្លើង លួចម៉ូទ័របូមទឹកចំនួន ១គ្រឿង ម៉ូទ័រខ្សែពានឥដ្ឋចំនួន ២គ្រឿង លួចកាត់ខ្សែភ្លើងផងដែរ ។
ជាក់ស្ដែងកម្លាំងផ្នែកព្រហ្មទណ្ឌបានឃាត់ជនសង្ស័យចំនួន២នាក់ (១)-ឈ្មោះ ហ៊ន សាន ភេទប្រុស អាយុ៣០ឆ្នាំ (២)-ឈ្មោះ នី ង៉ែត ហៅវ៉ិត ភេទប្រុស អាយុ១៨ឆ្នាំ រស់នៅភូមិក្រាំងតាតន់ ឃុំអូរ ស្រុកភ្នំស្រួច យកមកសាកសួរនៅអធិការដ្ឋាននគរបាលស្រុកភ្នំស្រួច និងបានកសាងសំណុំរឿងបញ្ជូនទៅស្នងការដ្ឋាននគរបាលខេត្ដចាត់ការតាមនីតិវិធី ៕
ចែករំលែកព័តមាននេះ