រាជធានីភ្នំពេញ ៖ ក្រុមហ៊ុន កូកា-កូឡា កម្ពុជា បានសម្ពោធយុទ្ធសាស្ត្រទីផ្សារលំដាប់ពិភពលោកថ្មីមួយរបស់ខ្លួនជាផ្លូវការដែលហៅកាត់ថា «និមិត្តសញ្ញាមួយ-One Brand» នៅប្រទេសកម្ពុជា និងជាលើកដំបូងដែលផលិតផល
រាជធានីភ្នំពេញ ៖ ក្រុមហ៊ុន កូកា-កូឡា កម្ពុជា បានសម្ពោធយុទ្ធសាស្ត្រទីផ្សារលំដាប់ពិភពលោកថ្មីមួយរបស់ខ្លួនជាផ្លូវការដែលហៅកាត់ថា «និមិត្តសញ្ញាមួយ-One Brand» នៅប្រទេសកម្ពុជា និងជាលើកដំបូងដែលផលិតផល កូកា-កូឡា កូកា-កូឡាឡៃតិ៍ និងកូកា-កូឡាសេរ៉ូ បានរួមបញ្ចូលគ្នានៅក្រោមស្លាកសញ្ញាផលិតផលកូកា-កូឡាតែមួយ តាមរយៈយុទ្ធនាការថ្មីប្រកបដោយគំនិតច្នៃប្រឌិតជាលក្ខណៈសាកលដែលមានឈ្មោះថា «រសជាតិនៃអារម្មណ៍ស្រស់ស្រាយ» ឬ «Taste the Feeling» ។
អំពីយុទ្ធសាស្ត្រ «និមិត្តសញ្ញាមួយ-One Brand»៖
-ពង្រីកតម្លៃ និងវិសាលភាពផលិតផលទាំងអស់នៅក្រោមពាណិជ្ជសញ្ញា កូកា-កូឡា ដើម្បីរួមបញ្ចូលក្រុមគ្រួសារនៃនិមិត្តសញ្ញា កូកា-កូឡា នៅក្រោមស្លាកសញ្ញាភេសជ្ជៈលំដាប់លេខមួយរបស់ពិភពលោក ។
-ភ្ជាប់ទំនាក់ទំនងជីវិតប្រចាំថ្ងៃរបស់អតិថិជន តាមរយៈយុទ្ធនាការជាសាកល «រសជាតិនៃអារម្មណ៍ស្រស់ស្រាយ» ដែលរៀបរាប់អំពីជីវភាព និងសកម្មភាពដ៏សាមញ្ញរបស់អតិថិជននៅជុំវិញពិភពលោក។
-បង្ហាញផលិតផលតាមរយៈការច្នៃប្រឌិតដែលឆ្លុះបញ្ចាំងពីបទពិសោធន៍ និងអារម្មណ៍ស្រស់ស្រាយយ៉ាងសាមញ្ញតាមរយៈការញ៉ាំ កូកា-កូឡា មិនថា កូកា-កូឡា ណាមួយឡើយ។
-គូសបញ្ជាក់អំពីការប្តេជ្ញាចិត្តរបស់ក្រុមហ៊ុនចំពោះការផ្តល់ជម្រើសដល់អតិថិជន ដោយផ្តល់នូវជម្រើសផលិតផលកូកា-កូឡា ណាមួយដែលសមស្របតាមរសជាតិ ចំណង់ចំណូលចិត្ត រចនាបថជីវិត និងរបបអាហាររបស់ពួកគេ។
លោក ម៉ាកូស ដឺ ឃ្វីនតូ (Marco De Quinto) នាយកផ្នែកទីផ្សារប្រចាំក្រុមហ៊ុន កូកា-កូឡា បានថ្លែង ថា «ជារៀងរាល់ថ្ងៃមនុស្សរាប់លាននាក់នៅជុំវិញពិភពលោក បានញ៉ាំកូកា-កូឡាដ៏ត្រជាក់។ ចំពោះយុទ្ធសាស្ត្រថ្មី «និមិត្តសញ្ញាមួយ-One Brand» នឹងចូលរួមលើកកម្ពស់និមិត្តសញ្ញា កូកា-កូឡា គ្រប់ប្រភេទ តាមរយៈការពង្រឹងនូវការប្តេជ្ញាចិត្តរបស់យើង ក្នុងការផ្ដល់ជម្រើសប្រកបដោយច្បាស់លាស់ដល់អតិថិជន។ នេះជាវិនិយោគដ៏ច្រើនទៅលើគ្រប់និមិត្តសញ្ញា កូកា-កូឡា ដែលបង្ហាញឲ្យឃើញថាគ្រប់គ្នាអាចរីករាយ និងស្រស់ស្រាយជាមួយនឹងរសជាតិពិសេសរបស់ កូកា-កូឡា ត្រជាក់បានគ្រប់ប្រភេទ ដោយមាន ឬគ្មានកាឡូរី និងដោយមាន ឬគ្មានជាតិកាហ្វេអ៊ីន»។
លោក ដឺ ឃ្វីនតូ បានបន្ថែមទៀតថា «កាលពីមុនយើងឃើញថា អតិថិជនត្រូវការញ៉ាំ កូកា-កូឡា តាមប្រភេទផ្សេងៗគ្នា ប៉ុន្តែទោះជាពួកគេចង់ញុំា កូកា-កូឡា ណាក៏ដោយ ក៏ពួកគេជ្រើសយកនិមិត្ត កូកា-កូឡា ដែលមានរសជាតិឆ្ងាញ់ និងធ្វើឲ្យមានអារម្មណ៍ស្រស់ស្រាយ។ តាមរយៈយុទ្ធសាស្ត្រ «និមិត្តសញ្ញាមួយ-One Brand» យើងនឹងផ្លាស់ប្តូរពីយុទ្ធនាការផ្សព្វផ្សាយពហុស្លាកសញ្ញាទៅជាយុទ្ធនាការក្រោមស្លាកសញ្ញាតែមួយដែលលើកកម្ពស់ទាំងផលិតផល និងស្លាកសញ្ញា»។
ក្នុងឆ្នាំ២០១៦ នេះ យុទ្ធនាការ «រសជាតិនៃអារម្មណ៍ស្រស់ស្រាយ» ឬ «Taste the Feeling» បានធ្វើឡើងនៅតាមទីផ្សារនានា ដោយមានការផ្សព្វផ្សាយតាមរយៈយុទ្ធសាស្ត្រផ្សេងៗដូចជា៖
-ស្ប៉តពាណិជ្ជកម្មទូរទស្សន៍ ចំនួន១០
-រូបភាពផ្សព្វផ្សាយច្រើនជាង ១០០
-ប្រព័ន្ធពហុរូបភាពបែបថ្មី
-បទភ្លេង និងទំនុកច្រៀងថ្មី
-ការចែករំលែក ឬ Share បន្តគ្នាតាមរយៈប្រព័ន្ធឌីជីថល
គំនិតច្នៃប្រឌិតយុទ្ធនាការថ្មីនេះ ឆ្លុះបញ្ចាំងពីអត្តសញ្ញាណរបស់ កូកា-កូឡា ដែលរួមមានស្គ្រីបកូកា-កូឡា (Spencerian) សញ្ញាឡូហ្គូក្នុងរង្វង់ពណ៌ក្រហម និង កូកា-កូឡា ដបកែវ ប៉ុន្តែស្ថិតនៅក្នុងបរិបទសម័យទំនើប ដែលឆ្លុះបញ្ចាំងពីទិដ្ឋភាពសាមញ្ញៗ តែមានលក្ខណៈពិសេស ដោយផលិតផល គឺជាតួអង្គសំខាន់។
ក្រុមហ៊ុន កូកា-កូឡា បានប្រមូលយកនូវគំនិតច្នៃប្រឌិតលំដាប់ពិភពលោកពីក្រុមហ៊ុនផ្សព្វផ្សាយពាណិជ្ជកម្មចំនួន១០ផ្សេងៗគ្នា ដើម្បីរៀបចំដំណើរការ និងផលិតស្ប៉តពាណិជ្ជកម្មទូរទស្សន៍ចំនួន១០ សម្រាប់យុទ្ធនាការនេះ ដែលត្រូវបានសហការផលិតដោយក្រុមហ៊ុនល្បីៗចំនួន៤ ដូចជា៖ Mercado-McCann, Sra. Rushmore, Santo, និង Oglivy & Mather New York ។ ស្ប៉តពាណិជ្ជកម្មនីមួយៗមានរយៈពេលខ្លី តែឆ្លុះបញ្ចាំងឲ្យឃើញនូវជីវភាពប្រចាំថ្ងៃ អារម្មណ៍ និងបទពិសោធន៍ដែលមនុស្សចែករំលែកចំពោះគ្នាទៅវិញទៅមកនៅពេលញ៉ាំកូកា-កូឡាត្រជាក់។ នៅចុងបញ្ចប់នៃស្ប៉តពាណិជ្ជកម្មនីមួយៗ និមិត្តសញ្ញា កូកា-កូឡា ទាំងអស់បានរួមគ្នាក្លាយជាស្លាកសញ្ញា កូកា-កូឡា រង្វង់ពណ៌ក្រហមដ៏ល្បីល្បាញ។
លោក Rodolfo Echeverria អនុប្រធានផ្នែកច្នៃប្រឌិត ទំនាក់ទំនង និងឌីជីថលនៃក្រុមហ៊ុន កូកា-កូឡាបានលើកឡើងថា «គ្មានអ្វីដែលមានរសជាតិពិសេស ដូចរសជាតិនៃភេសជ្ជៈ កូកា-កូឡា ត្រជាក់មួយដបនោះទេ។ យុទ្ធនាការប្រកបដោយការច្នៃប្រឌិតនេះ ត្រូវបានបង្កើតឡើងដោយឆ្លុះបញ្ចាំងឲ្យឃើញពីភាពសាមញ្ញនៃការញ៉ាំ កូកា-កូឡា ត្រជាក់មួយដប អាចធ្វើអោយបរិយាកាសធម្មតាមួយក្លាយជាពិសេស។ រឿងរ៉ាវផ្សេងៗដែលស្តែងចេញក្នុងយុទ្ធនាការនេះ បានបង្ហាញពីភាពប្រហាក់ប្រហែល និងអាចផ្សារភ្ជាប់ជាមួយអតិថិជនរបស់យើងនៅទូទាំងពិភពលោក។ ទន្ទឹមនឹងនេះ រូបភាព និងស្ប៉តទូរទស្សន៍ដូចគ្នាដែលឃើញនៅក្នុងប្រទេសជប៉ុន នឹងត្រូវផ្សព្វផ្សាយនៅប្រទេសអ៊ីតាលី ម៉ិកស៊ិក និងជុំវិញពិភពលោក»។
នៅក្នុងពិធីសម្ពោធយុទ្ធនាការនេះ ស្ប៉តទូរទស្សន៍ចំនួន២ ក្នុងចំណោម១០ នឹងត្រូវបានផ្សព្វផ្សាយក្នុងប្រទេសកម្ពុជា។ ស្ប៉តពាណិជ្ជកម្មទូរទស្សន៍ដំបូងគេនេះ មានចំណងជើងថា «Anthem» (ផលិតដោយ Merca do-McCann) ស្តែងពីរឿងរ៉ាវដែលកើតឡើងជាធម្មតាដែលផ្សាភ្ជាប់យ៉ាងជិតស្និតជាមួយភេសជ្ជៈ កូកា-កូឡា ដូចជា ការលេងជិះស្គីទឹកកកជាមួយមិត្តភក្តិ ការណាត់ជួបគ្នាជាដំបូង ស្នាមថើបដំបូង និងស្នេហាគ្រាដំបូង។
បទចម្រៀងថ្មីដែលផលិតឡើងសម្រាប់យុទ្ធនាការនេះ មានចំណងជើងដូចគ្នាទៅនឹងយុទ្ធនាការ «រសជាតិនៃអារម្មណ៍ស្រស់ស្រាយ» ឬ «Taste the Feeling» ដែលត្រូវបានផលិតឡើងយ៉ាងយកចិត្តទុកដាក់តាមរយៈការសហការគ្នារវាងក្រុមហ៊ុន កូកា-កូឡា និងក្រុមហ៊ុន Music Dealers ។ បទចម្រៀងនេះ ច្រៀងដោយលោក Conrad Sewell ដែលជាតារាចម្រៀងទើបតែរះថ្មី។ លោកកើតនៅទីក្រុងឡុងដ៍ តែធំដឹងក្តី និងរស់នៅក្នុងប្រទេសអូស្ត្រាលី។ លោកធ្លាប់ចេញអាល់ប៊ុមទោលដ៏ល្បីល្បាញរួចមកហើយ គឺ “Firestone” ដែលផលិតបានដល់ទៅជាង៣០០លាន ក្នុងកម្មវិធីស្ទ្រីមបទភ្លេង Spotify និងលក់បានជាង៣លានដុល្លារអាមេរិកនៅទូទាំងពិភពលោក។ ចម្រៀងនេះ គឺជាបទភ្លេងនិពន្ធថ្មី ដោយបំផុសគំនិតពីបទពិសោធន៍ដ៏រីករាយស្រស់ស្រាយតាមរយៈការញ៉ាំ កូកា-កូឡា ដូចជា សំឡេងគាស់គម្របដប ពពុះហ្គាស និងសំណើចក្អាកក្អាយនៃភាពរីករាយ។ បទភ្លេងនេះនឹងត្រូវប្រើរាល់ការផ្សព្វផ្សាយក្នុងយុទ្ធនាការនេះ ។
ចំពោះរូបភាពផ្សព្វផ្សាយជាង១០០ផ្ទាំង ដែលប្រើប្រាស់ក្នុងយុទ្ធនាការថ្មីនេះ គឺថតដោយអ្នកថតរូបបង្ហាញម៉ូដដ៏ល្បីឈ្មោះពីររូបគឺ លោក Guy Aroch និង លោក Nacho Ricci ដោយផ្តិតយកសកម្មភាពផ្សេងៗរបស់មនុស្សនៅជុំវិញពិភពលោក ពេលកំពុងញ៉ាំ កូកា-កូឡា ត្រជាក់យ៉ាងភ្លើតភ្លើនអារម្មណ៍។ នៅប្រទេសកម្ពុជា រូបភាពទាំងនេះ នឹងត្រូវបានយកមកផ្សព្វផ្សាយតាមរយៈផ្ទាំងប៉ាណូតាមទីសាធារណៈ ក្នុងហាងទំនិញ និងប្រព័ន្ធផ្សព្វផ្សាយឌីជីថលផ្សេងៗទៀត។ រូបភាពមួយចំនួនត្រូវបានដាក់បង្ហាញទន្ទឹមគ្នានឹងកម្មវិធីសម្ពោធយុទ្ធធានាការនៅប្រទេសកម្ពុជានេះផងដែរ។
ចែករំលែកព័តមាននេះ