ខេត្តសៀមរាប ៖ នារសៀលថ្ងៃទី១ ខែឧសភា នៅវិទ្យាល័យ១០មករា មានការប្រឡងជ្រើសរើសសិស្សពូកែទូទាំងប្រទេសមកពីរាជធានី-ខេត្តទាំង២៥ ក្នុងចំណោមបេក្ខជនគ្រប់មុខវិជ្ជាទាំង២កម្រិត គឺថ្នាក់ទី៩ និងថ្នាក់ទី១២សរុបចំនួន៤៨០នាក់ មកពីគ្រឹះ ស្ថានមធ្យមសិក្សាទូទាំងប្រទេសចំនួន២២០ ក្រោមអធិបតីភាពលោក ហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡា ។
ខេត្តសៀមរាប ៖ នារសៀលថ្ងៃទី១ ខែឧសភា នៅវិទ្យាល័យ១០មករា មានការប្រឡងជ្រើសរើសសិស្សពូកែទូទាំងប្រទេសមកពីរាជធានី-ខេត្តទាំង២៥ ក្នុងចំណោមបេក្ខជនគ្រប់មុខវិជ្ជាទាំង២កម្រិត គឺថ្នាក់ទី៩ និងថ្នាក់ទី១២សរុបចំនួន៤៨០នាក់ មកពីគ្រឹះ ស្ថានមធ្យមសិក្សាទូទាំងប្រទេសចំនួន២២០ ក្រោមអធិបតីភាពលោក ហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡា ។ មានការកត់សម្គាល់ឃើញថា សិស្សមកពីខេត្តបាត់ដំបងនិងរាជធានីភ្នំពេញ ទទួលបានលទ្ធផលល្អប្រសើរជាងគ ។
ការប្រឡងសិស្សពូកែទូទាំងប្រទេសផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា ថ្នាក់ទី៩ និងថ្នាក់ទី១២ សម័យប្រឡងថ្ងៃទី២៥ ខែមេសា ២០១៦ ត្រូវបានក្រសួងអប់រំយុវជននិងកីឡា ជ្រើសរើសយកវិទ្យាល័យ១០មករា ១៩៧៩(ខេត្តសៀមរាប) ធ្វើជាមណ្ឌលប្រឡង ។
តាមរបាយការណ៍បូកសរុបលទ្ធផលនៃការប្រឡងនេះ នារសៀលថ្ងៃទី១ ខែឧសភា ឆ្នាំ២០១៦ ក្នុងឱកាសបិទសម័យប្រឡងនិងចែករង្វាន់ជ័យលាភីដល់សិស្សពូកែ ដែលបានរកឃើញដោយឆ្លងកាត់ការប្រឡងនោះបានឱ្យដឹងថា ការទទួលស្គាល់សិស្សពូកែទូទាំងប្រទេស ក្នុងមួយកម្រិតថ្នាក់ស្មើនឹង៣០នាក់ ទាំង២កម្រិតថ្នាក់ ស្មើនឹង៦០នាក់ ដោយចែកចេញលម្អិតក្នុងមួយមុខវិជ្ជាត្រូវជាប់១០នាក់ ។
លទ្ធផលប្រឡងសិស្សពូកែថ្នាក់ទី៩ សិស្សមកពីខេត្តបាត់ដំបង មានអត្រាប្រឡងជាប់ច្រើនជាងគេ ក្នុងនោះដែរ បើតាមការកត់ សម្គាល់ សិស្សនារីប្រឡងជាប់លើមុខវិជ្ជាផ្នែកអក្សរសិល្ប៍ខ្មែរ ស្ថិតក្នុងអត្រាខ្ពស់ជាងសិស្សប្រុស(១០នាក់សិស្សនារីដណ្តើមបានជ័យលាភី ៦នាក់) ។ ជាមួយនេះ លទ្ធផលនៃការប្រឡងសិស្សពូកែក្នុងកម្រិតថ្នាក់ទី១២ គឺសិស្សមកពីរាជធានីភ្នំពេញ ទទួលបានអត្រាប្រឡងជាប់ខ្ពស់ជាងគេ ។
បើតាមការកត់សម្គាល់ ជាទូទៅសិស្សនារីមានសមត្ថភាពខ្លាំងជាងសិស្សប្រុសខាងការប្រឡងយកជ័យលាភីផ្នែកអក្សរសិស្ប៍ខ្មែរ (១០នាក់ សិស្សនារីទទួលបានជ័យលាភី៨នាក់)។ ចំណែកឯសិស្សប្រុសវិញ ទទួលបានលទ្ធផលប្រឡងសិស្សពូកែបានច្រើនលើផ្នែកមុខវិជ្ជាគណិតវិទ្យា និងរូបវិទ្យា ។
លោករដ្ឋមន្ត្រី ហង់ ជួនណារ៉ុន បានថ្លែងនៅក្នុងពិធីប្រគល់ជ័យលាភីនាពេលនោះថា ដើម្បីរួមចំណែកពង្រឹងគុណភាពអប់រំ ជារៀងរាល់ខែ ក្នុងអំឡុងខែមេសា ក្រសួងតែងតែរៀបចំឱ្យមានការប្រឡងជ្រើសរើសសិស្សពូកែទូទាំងប្រទេសលើផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា សម្រាប់ថ្នាក់ទី៩ និងថ្នាក់ទី១២ ដើម្បីរកឱ្យឃើញសិស្សឆ្នើមក្នុងការសិក្សា ដែលជាប្រភពធនធាន មនុស្ស ព្រោះនេះជាទំពាំងស្នងប្ញស្សី សម្រាប់ក្មេងៗជំនាន់ក្រោយ។
លោករដ្ឋមន្ត្រីបន្តថា ការប្រឡងជ្រើសរើស សិស្សពូកែទូទាំងប្រទេសឆ្នាំ២០១៦នេះ សិស្សទាំងអស់យកចិត្តទុកដាក់ខិតខំប្រឹង ប្រែងខ្លួនឯង ពុំមានការសូកប៉ាន់មេប្រយោគណាមួយឡើយ គឺដោយសុក្រឹត និងយុតិ្តធម៌ ។ យុវតី ជៀម សៀវគីម សិស្សថ្នាក់ទី១២ មកពីវិទ្យាល័យព្រះមុនីវង្ស ខេត្តបាត់ដំបង ដែលបានប្រឡងជាប់ចំណាត់ថ្នាក់លេខ១ ជាសិស្សពូកែផ្នែកអក្សសិល្ប៍ខែ្មរ បានឡើងប្តេជ្ញាចិត្តចំពោះមុខគណៈអធិបតីថា កញ្ញាបានប្រឡងជាប់ចំណាត់ថ្នាក់លេខ១ ជាសិស្សពូកែផ្នែកអក្សសិល្ប៍ខែ្មរ នាពេលនេះ គឺដោយសារមានការយកចិត្តទុកដាក់ខិតខំរៀនសូត្រដោយខ្លួនឯង និងបានលោកគ្រូអ្នកគ្រូជួយពន្យល់ ព្រមទាំងឪពុកម្តាយយក ចិត្តទុកដាក់ និងជួយអប់រំ ក្នុងការសិក្សារៀនសូត្ររបស់នាង ។
យុវតីបន្តទៀតថា ការប្រឡងជ្រើសរើសសិស្សពូកែទូទាំងប្រទេស ថ្នាក់ទី៩ និងទី១២ ពុំមានការបោះប្រ៊ូយ៉ុង ឬសូកប៉ាន់គណៈ កម្មការ មេប្រយោគណាមួយឡើយ គឺខិតខំយ៉ាងយកចិត្តទុកដាក់ទាំងអស់គ្នា ដោយសុក្រឹត និងភាពយុត្តិធម៌ ។ កញ្ញា បានស្នើឱ្យយុវជនទាំងអស់ខិតខំរៀនសូត្រចៀសឱ្យឆ្ងាយពីគ្រឿងញៀនដែលសង្គមស្អប់ខ្ពើម ព្រោះយើងទាំងអស់គ្នាជាទំពាំងស្នងប្ញស្សីសម្រាប់ប្រទេសជាតិ ៕
ចែករំលែកព័តមាននេះ