ខេត្តសៀមរាប ទទួលអ្នកទេសចរជាង ១៥ ០០០នាក់ នៅថ្ងៃទី១ នៃព្រះរាជពិធីបុណ្យអុំទូក
- សៀមរាប
ខេត្តសៀមរាប៖ នៅថ្ងៃទី១៨ ខែវិច្ឆិកា ឆ្នាំ២០២១ នេះ ជាថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ…
ខេត្តសៀមរាប៖ នៅថ្ងៃទី១៨ ខែវិច្ឆិកា ឆ្នាំ២០២១ នេះ ជាថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ នៅខេត្តសៀមរាប ទទួលបានភ្ញៀវទេសចរ ចំនួនប្រមាណ ១៥ ២៦០នាក់ ក្នុងនោះ ភ្ញៀវជាតិ មានចំនួនប្រមាណ ១៥ ០០០នាក់ (ភ្ញៀវទេសចរ មកពីតាមបណ្តាខេត្ត មានចំនួនប្រមាណ ៣៥ ទៅ ៤០% ប្រមាណជា ៥ ០០០នាក់ ទៅ ៦ ០០០នាក់)។ នេះបើតាមរបាយការណ៍របស់មន្ទីរទេសចរណ៍ ខេត្តសៀមរាប។
មន្ទីរទេសចរណ៍ខេត្តសៀមរាប បានប្រកាសថា ក្នុងចំណោមអ្នកទេសចរជាង ១៥០០០នាក់ ដែលចូលមកលេងក្នុងខេត្តសៀមរាប គឺធ្វើដំណើរកម្សាន្ត ជាលក្ខណៈគ្រួសារ ទៅកាន់រមណីយដ្ឋានអង្គរ មានចំនួនប្រមាណ ៨ ០០០នាក់
រមណីយដ្ឋានឧទ្យានជាតិភ្នំគូលែន មានចំនួប្រមាណ ២ ០០០នាក់ សហគមន៍ទេសចរណ៍-អេកូទេសចរណ៍ និងតំបន់ផ្សេងៗ មានចំនួនប្រមាណ ៥ ០០០នាក់។ ក្នុងនោះ មានភ្ញៀវទេសចរបរទេសផ្ទៃក្នុង ចំនួន ២៦០នាក់៕
ចែករំលែកព័តមាននេះ