រាជធានីភ្នំពេញ ៖ ទោះបីពេលកម្ពុជាបានប្រកាសបើកប្រទេសពេញលេញរួមទាំងបន្ធូរបន្ថយជាលើការធ្វើដំណើរចូលមកកម្ពុជារបស់បរទេសក្តី តែអ្នកស្រាវជ្រាវផ្នែកសេដ្ឋកិច្ចកម្ពុជាមើលឃើញថា វិស័យដែលរងផលប៉ះពាល់ពីកូវីដ ១៩ ប្រមាណជា ២ ឆ្នាំមកនេះ ទាំងសេវាកម្ម…
រាជធានីភ្នំពេញ ៖ ទោះបីពេលកម្ពុជាបានប្រកាសបើកប្រទេសពេញលេញរួមទាំងបន្ធូរបន្ថយជាលើការធ្វើដំណើរចូលមកកម្ពុជារបស់បរទេសក្តី តែអ្នកស្រាវជ្រាវផ្នែកសេដ្ឋកិច្ចកម្ពុជាមើលឃើញថា វិស័យដែលរងផលប៉ះពាល់ពីកូវីដ ១៩ ប្រមាណជា ២ ឆ្នាំមកនេះ ទាំងសេវាកម្ម និងផលិតកម្ម ត្រូវការពេលវេលាមួយដើម្បីរៀបចំ និងដំណើរអាជីវកម្មរបស់ខ្លួនឡើងវិញ ។
លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា បានឱ្យដឹងថា ក្នុងស្ថានការណ៍កម្ពុជាបើកប្រទេសនាពេលនេះ មានន័យថា សេដ្ឋកិច្ចប្រទេសកម្ពុជានឹងចាប់ផ្តើមដំណើរការហើយនៅដើមឆ្នាំ ២០២២ ខាងមុខនេះនឹងមានសន្ទុះជាបណ្តើរៗចំពោះវិស័យដែលធ្លាក់ដល់ចំណុចសូន្យកាលពីឆ្នាំ ២០២០ និង ២០២១ ។
លោក ធឿន វុឌ្ឍី អ្នកមគ្គុទេសទេសចរណ៍ម្នាក់នៅខេត្តសៀមរាបមានសុទិដ្ឋិនិយមថា វិស័យទេសចរណ៍នឹងបានប្រសើរឡើងវិញជាបណ្តើរៗចាប់ពីចុងឆ្នាំ ២០២១ នេះតទៅ ។ លោកលើកឡើងថា បើទោះនៅពេលខ្លះក្រុមដែលបម្រើការងារនៅក្នុងវិស័យនេះ ជាពិសេសក្រុមហ៊ុនទេស ឬមគ្គុទេសទេសចរណ៍ ផ្ទះសំណាក់សណ្ឋាគារ អាហារដ្ឋានមិនទាន់បានរៀបរយឆ្លើយតបទៅតាមតម្រូវការយ៉ាងណាក៏ដោយ ប៉ុន្តែព័ត៌មានទាំងអស់នេះ គឺជាការលើកទឹកចិត្តឱ្យទាំងអស់គ្នាប្រញាប់ប្រញាល់រៀបចំសេវាកម្មរបស់ខ្លួនឡើងវិញ ។
លោកបញ្ជាក់ថា «សម្រាប់អាជីវកម្មបម្រើសេវាកម្មទេសចរណ៍របស់ពួកយើងក៏ដូចគ្នាដែរ តាំងពីរងផលប៉ះពាល់ដំបូងមករហូតដល់ពេលឥលូវនេះយើងមិនទុកវិស័យទេសចរណ៍ចោលនោះទេ ទោះជាមិនមានភ្ញៀវមកពីបរទេសក៏ដោយ ក៏យើងបង្វែរការងាររបស់យើងមកបម្រើសេវាកម្មជូនភ្ញៀវទេសចរក្នុងស្រុក ទោះមិនទាន់ទទួលបានជោគជ័យត្រចះត្រចង់យ៉ាងណាក៏ដោយ យើងបានអនុវត្តការងាររបស់យើងកុំភ្លេចនៅចំណេះជំនាញទាក់ទងនិងវិស័យទេសចរណ៍យើងនេះ» ៕
ចែករំលែកព័តមាននេះ