រាជធានីភ្នំពេញ៖ កិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ នៅពេលចូលជាធរមានពេញលេញ កិច្ចព្រមព្រៀងទាំងពីរនឹងបើកទីផ្សារកាន់ធំសម្រាប់វិស័យកសិកម្ម និងការធ្វើពាណិជ្ជកម្មរបស់កម្ពុជា ជាពិសេសធ្វើឱ្យមុខទំនិញកសិកម្មកម្ពុជាអាចនាំចេញទៅកាន់ទីផ្សារចិនក្នុងអត្រាពន្ធសូន្យសើ្មប្រមាណ ៩៧% និងនាំចេញទៅកូរ៉េខាងត្បូងមានជាង ៩២%…
រាជធានីភ្នំពេញ៖ កិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ នៅពេលចូលជាធរមានពេញលេញ កិច្ចព្រមព្រៀងទាំងពីរនឹងបើកទីផ្សារកាន់ធំសម្រាប់វិស័យកសិកម្ម និងការធ្វើពាណិជ្ជកម្មរបស់កម្ពុជា ជាពិសេសធ្វើឱ្យមុខទំនិញកសិកម្មកម្ពុជាអាចនាំចេញទៅកាន់ទីផ្សារចិនក្នុងអត្រាពន្ធសូន្យសើ្មប្រមាណ ៩៧% និងនាំចេញទៅកូរ៉េខាងត្បូងមានជាង ៩២% ផងដែរ ។ ប៉ុន្តែស្តង់ដារអនាម័យ ភូត្តគាមអនាម័យ និងស្តង់ដារបច្ចេកទេសពាណិជ្ជកម្ម ជាការសំខាន់ដែលគេគួរសិក្សាស្វែងយល់ព្រោះវាជាចលករសំខាន់សម្រាប់ចូលរួមលើកកម្ពស់ខឿនសេដ្ឋកិច្ចជាតិ ។
លោកជំទាវ ចម និម្មល រដ្ឋលេខាធិការក្រសួងពាណិជ្ជកម្មលើកឡើង ថាក្រោមកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន ទំនិញកសិកម្មកម្ពុជា អាចនាំចេញទៅកាន់ប្រទេសចិន ក្នុងអត្រាពន្ធសូន្យភ្លាមស្មើនឹង ៩៧,៤៤% នៃបន្ទាត់ពន្ធគយសរុប និងកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-កូរ៉េ ភាគីកូរ៉េផ្តល់ទីផ្សារឱ្យមកកម្ពុជាមានចំនួន ៩៥,០៣% ដែលក្នុងនោះភាគីកូរ៉េត្រូវលុបបំបាត់ពន្ធគយ (០%) ចំនួន ៩២.៣៧% ភ្លាមនៅពេលកិច្ចព្រមព្រៀងចូលជាធរមាន» ។
លោកជំទាវស្រីបញ្ជាក់ថា “ការធ្វើពាណិជ្ជកម្មអន្តរជាតិរបស់កម្ពុជាកាន់តែសេរីឡើងៗ ដែលតម្រូវឱ្យមានការយកចិត្តទុកដាក់លើការត្រួតពិនិត្យស្តង់ដារអនាម័យ ដើម្បីទប់ស្កាត់ការរីករាលដាលឆ្លងនូវសមាសភាពចង្រៃ ភូតគាមអនាម័យ និងសមាសភាពចង្រៃបង្កគ្រោះថ្នាក់ពីតំបន់មួយទៅតំបន់មួយទៀតទូទាំងប្រទេស ព្រមទាំងការនាំចេញនាំចូលឆ្លងកាត់ប្រទេសកម្ពុជាតាមគ្រប់មធ្យោបាយ ដើម្បីការពារផលិតផលកសិកម្ម និងជីវៈចម្រុះ ។
ក្នុងសិក្ខាសាលានិយាយពីការយល់ដឹងពីស្តង់ដារអនាម័យ ភូតគាមអនាម័យ និងរបាំងបច្ចេកទេសពាណិជ្ជកម្ម កាលពីពេលថ្មីៗមន្ត្រីជាន់ខ្ពស់ក្រសួងពាណិជ្ជកម្មខាងលើបញ្ជាក់ថាកត្តាទាំងនេះ ទាមទារឱ្យភាគីពាក់ព័ន្ធទាំងអស់ត្រូវយកចិត្តទុកដាក់បន្ថែមទៀតលើការធ្វើទំនើបកម្មកសិកម្ម ជាពិសេសការលើកកម្ពស់ ស្តង់ដារអនាម័យ ភូតគាមអនាម័យ អនុលោមភាពបទបញាត្តិបច្ចេកទេស ការអនុវត្ត GAP , GMP ISO, HACCP ជាដើម ឱ្យស្របតាមស្តង់ដារ បទដ្ឋានអន្តរជាតិ ដើម្បីការពារសុខភាព មនុស្ស សត្វ រុក្ខាជាតិ និងអាចធ្វើការប្រកួតប្រជែងនៅលើទីផ្សារអន្តរជាតិបាន ។
លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាបានឱ្យដឹងថា ការធ្វើពាណិជ្ជកម្មសេរីទ្វេភាគីជាមួយចិន ផលប្រយោជន៍របស់កម្ពុជាទទួលគឺឱកាសនៃការនាំចេញផលិតផលរបស់កម្ពុជាក្នុងរយៈពេល ៥ ឆ្នាំដំបូងនេះលើផលិតផលកសិកម្ម ពិសេសវិស័យចិញ្ចឹមសត្វ និងការវិនិយោគពីបរទេសចូលមកក្នុងស្រុក ។
“អ្វីដែលយើងចាប់អារម្មណ៍នោះគឺការវិនិយោគរបស់ចិន និងការវិនិយោគរបស់កូរ៉េលើវិស័យកសិកម្មនេះ យើងមានផ្លែស្វាយអាចនាំចេញទៅកូរ៉េផងនិងនាំចេញទៅចិន ជាការប្រកួតប្រជែងគ្នា ដើម្បីធ្វើឱ្យទីផ្សារមានភាពប្រសើរឡើង,យើងនឹងទទួលបានផលប្រយោជន៍ពីការវិនិយោគនេះអាចប្រើប្រាស់កំលាំងពលកម្មរបស់កម្ពុជានិងធនធានមួយចំនួនទៅលើផលិតផលទាំងអស់នេះ»នេះជាការបញ្ជាក់របស់លោកបណ្ឌិត គី សេរីវឌ្ឍន៍ ៕
ចែករំលែកព័តមាននេះ