រាជធានីភ្នំពេញ ៖ លោក នីកាណ ប្រធានសហព័ន្ធដំឡូងមីខេត្តបាត់ដំបងបានស្វាគមន៍ដំណឹងបង្កើតរោងចក្រផលិតចំណីសត្វរបស់ក្រុមហ៊ុនលោកឧកញ៉ា ម៉ុង ឬទ្ធី សមាជិកព្រឹទ្ធសភា ។ លោកបានបញ្ជាក់ថា…
រាជធានីភ្នំពេញ ៖ លោក នីកាណ ប្រធានសហព័ន្ធដំឡូងមីខេត្តបាត់ដំបងបានស្វាគមន៍ដំណឹងបង្កើតរោងចក្រផលិតចំណីសត្វរបស់ក្រុមហ៊ុនលោកឧកញ៉ា ម៉ុង ឬទ្ធី សមាជិកព្រឹទ្ធសភា ។ លោកបានបញ្ជាក់ថា កាលណាមានក្រុមហ៊ុនក្នុងស្រុកហើយប្រកាសទិញកសិផលរបស់ខ្មែរ មិនចាំបាច់ឱ្យកសិករដឹកទៅលក់ឆ្លងដែន វាជារឿងល្អ ដែលធ្វើឲ្យកសិករមានទីផ្សារលក់កសិផលពិតប្រាកប្រកបដោយតម្លៃនឹងនមួយ ។ លោកប្រធានសហព័ន្ធដំឡូងមីប្រចាំខេត្តបាត់ដំបង និយាយថា ក្រៅពីដំឡូងមីការផលិតចំណីសត្វ ត្រូវការកសិផលផ្សេងទៀតដូច្នេះកសិផលនោះក៍នឹងមានទីផ្សារផងដែរ ។
របាយការណ៍របស់អគ្គនាយកដ្ឋានកសិកម្មថា នៅឆ្នាំ ២០២០ កម្ពុជាមានផ្ទៃដីដាំដុះដំឡូងមីសរុបចំនួន ៦៦៣.៩២៩ ហិកតា ហើយអាចផ្តល់ទិន្នផលសរុបជាង ១២ លានតោន និងទទួលបានទិន្នផលជាមធ្យមចំនួន ២០,៥៥ តោនក្នុងមួយហិកតា ។ ក្រៅពីការ ប្រើប្រាស់ក្នុងស្រុក កម្ពុជាបាននាំចេញដំឡូងមីស្រស់ ម្សៅដំឡូងមី ចំណិតដំឡូងមីស្ងួតគិតជាទឹកប្រាក់ប្រមាណពី ៣,៥០ លានដុល្លារ ទៅ ៤ លានដុល្លារអាមេរិកក្នុងមួយឆ្នាំ ។
ក្រុមហ៊ុនអឹមភីក M’sPig ដែលជាបុត្រសម្ព័នរបស់ក្រុមហ៊ុនម៉ុង ឫទ្ធីគ្រុប បានសាងសង់រោងចក្រផលិតចំណីសត្វថ្មីមួយ នៅស្រុកព្រៃនប់ ខេត្តព្រះសីហនុ មានកម្លាំងផលិត ៣០ តោនក្នុងមួយម៉ោង បើគឹតជាមធ្យម ១៨.០០០ តោនក្នុងមួយខែ ។ លោកឧកញ៉ាម៉ុង ឬទ្ធីអគ្គនាយកក្រុមហ៊ុនម៉ុង ឬទ្ធី និយាយថា ការបង្កើតរោងចក្រផលិតចំណីសត្វនេះ គឺលោកបានបង្កើតទីផ្សារឲ្យកសិករដឹកកសិផល មកលក់ដោយសេរីមិនចាំបាច់ដឹកឆ្លងដែនយកទៅលក់នៅឯបរទេស ក្នុងចំនួនទឹកប្រាក់ ៤២ លានដុល្លារសហរដ្ឋអា មេរិក ជារាងរាល់ឆ្នាំ បន្ថែមលើរោងចក្រផលិតចំណីសត្វដែលកំពុងតែដំណើការបច្ចុប្បន្ន បានប្រមូលទិញកសិផលពីប្រជាកសិករអស់រយៈពេល ៤ ឆ្នាំកន្លងមក ក្នុងទឹកប្រាក់ជាមធ្យម ២១ លានដុល្លារសហរដ្ឋអាមេរិក ជារាងរាល់ឆ្នាំ ។
តាមលោកឧកញ៉ា ម៉ុង ឬទ្ធី នៅពេលរោងចក្រផលិតចំណីសត្វថ្មីនេះសាងសង់រួចរាល់នៅដើមឆ្នាំ ២០២៣ ខាងមុខនេះ កសិករនឹងមានទីផ្សារលក់កសិផលសរុបទឹកប្រាក់ចំនួនលើសពី ៦៣ លានដុល្លារសហរដ្ឋអាមេរិក ជារាងរាល់ឆ្នាំ ៕
ចែករំលែកព័តមាននេះ