រាជធានីភ្នំពេញ ៖ ក្រសួងទេសចរណ៍បានអនុញ្ញាតឲ្យអាជីវកម្មបៀហ្គាឌិន បើកដំណើរអាជីវកម្មឡើងវិញចាប់ពីថ្ងៃទី ៣ វិច្ឆិកាតទៅ ។ ការអនុញ្ញាតនេះធ្វើឡើងតាមការយល់ព្រមរបស់ប្រមុខរដ្ឋាភិបាល ។ លោក…
រាជធានីភ្នំពេញ ៖ ក្រសួងទេសចរណ៍បានអនុញ្ញាតឲ្យអាជីវកម្មបៀហ្គាឌិន បើកដំណើរអាជីវកម្មឡើងវិញចាប់ពីថ្ងៃទី ៣ វិច្ឆិកាតទៅ ។ ការអនុញ្ញាតនេះធ្វើឡើងតាមការយល់ព្រមរបស់ប្រមុខរដ្ឋាភិបាល ។ លោក ថោង ខុន រដ្ឋមន្ត្រីក្រសួងទេសចរណ៍បានជូនដំណឹងណែនាំដល់ម្ចាស់អាជីវកម្មទាំងអស់ត្រូវយកចិត្តទុកដាក់អនុវត្តវិធានការសុខាភិបាលឲ្យបានហ្មត់ចត់បំផុត តាមគន្លងថ្មីក្នុងការប្រយុទ្ធប្រឆាំងជំងឺគូវីដ ១៩ រាប់តាំងពីត្រូវបណ្តុះបណ្តាលអប់រំបុគ្គលិកឡើងទៅ ។
អាជីវកម្មបៀហ្គាឌិន ជាផ្នែកមួយនៃភោជណីយដ្ឋាន ដែលបម្រើសេវាអាហារ និងភេជ្ជៈពិសេសគ្រឿងស្រវឹង ។ អតិថជនរបស់បៀហ្គាឌិនភាគច្រើនជាបុរស ដែលបានចូលទៅកន្លែងដែលមានការប្រគំតន្ត្រី នារីកំដរ និងគ្រឿងស្រវឹងក្នុងពេលរាត្រីនេះ ។ ចាប់តាំងពីផ្ទុះជំងឺកូវីដ ១៩ នៅឆ្នាំ ២០២០ មក បៀហ្គាឌិនបានរាប់ជាប្រភេទអាជីវកម្មមានហានិភ័យខ្ពស់នៅក្នុងការឆ្លងរាលដាលជំងឺកូវីដ ១៩ ដោយសារនៅបៀហ្គាឌិនមានការប្រមូលផ្តុំមនុស្សច្រើន ។
ម្ចាស់ជីវកម្ម និងអ្នកបម្រើការងារពិសេសនារីភេទ បានត្ងូញត្ងែរពីផលប៉ះពាល់ជីវភាពនៅពេលអាជីវកម្មនេះបានបិទទ្វារកន្លងមក ។ បៀហ្គាឌិន ជាប្រភេទអាជីវកម្មដែលមានការរីកដុះដាលស្ទើរគ្រប់កន្លែងមិនថា នៅភ្នំពេញ និងតាមខេត្តនោះទេ ៕
ចែករំលែកព័តមាននេះ