រាជធានីភ្នំពេញ ៖ បើប្រៀបធៀបត្រឹមខែកញ្ញា មកខែតុលា កំណើនទេសចរក្នុងស្រុកកើនឡើងបួនដង ដែលជាសញ្ញាវិជ្ជមានមួយនៅពេលកម្ពុជាបើកប្រទេសឡើងវិញនោះ ។ រដ្ឋមន្ត្រីក្រសួងទេសចរណ៍លោក ថោង ខុន…
រាជធានីភ្នំពេញ ៖ បើប្រៀបធៀបត្រឹមខែកញ្ញា មកខែតុលា កំណើនទេសចរក្នុងស្រុកកើនឡើងបួនដង ដែលជាសញ្ញាវិជ្ជមានមួយនៅពេលកម្ពុជាបើកប្រទេសឡើងវិញនោះ ។ រដ្ឋមន្ត្រីក្រសួងទេសចរណ៍លោក ថោង ខុន បានបញ្ជាក់ដឹងថា រយៈពេល ៣ ថ្ងៃ ចាប់ ពីថ្ងៃទី ២៩-៣១ ខែតុលា ឆ្នាំ ២០២១ នៅទូទាំងប្រទេសកម្ពុជាទទួលបានភ្ញៀវទេសចរសរុបចំនួន ១៩៣,៤១៧ នាក់ កើនឡើង ៣៨.២៨% ធៀបនឹងចុងសប្តាហ៍ទី ៣ នៃខែតុលា ។
លោកថា ក្នុងចំណោមភ្ញៀវទេសចរសរុបទាំងនោះមានភ្ញៀវជាតិ ១៨៨,៤៧២ នាក់ និងភ្ញៀវបរទេសផ្ទៃក្នុង ៤,៩៤៥ នាក់ ។ ចំនួនភ្ញៀវទេសចរបរទេសផ្ទៃក្នុងនៅចុងសប្ដាហ៍ទី ៤ នៃខែតុលានេះ គឺមានការកើនឡើងគួរឱ្យកត់សម្គាល់ ។ «រយៈពេលពេញមួយខែតុលា ឆ្នាំ ២០២១ ភ្ញៀវសរុបដែលបានចេញដើរកម្សាន្តមានចំនួន ១,៤៨៣,០៩៩ នាក់ កើនឡើង ៤០៣.១៦% ពោលគឺកើនឡើងប្រមាណ ៤ ដង ធៀបនឹងខែកញ្ញាកន្លងមក» នេះជាការបញ្ជាក់របស់រដ្ឋមន្ត្រីក្រសួងទេសចរណ៍ ។
គោលដៅទេសចរណ៍សំខាន់ៗក្នុងខែតុលា ខេត្តកំពត ខេត្តព្រះសីហនុ កែប ភ្នំពេញ ពោធិ៍សាត់ សៀមរាប បាត់ដំបង និងកំពង់ចាម ។ ក្នុងចំណោមគោលដៅទាំងនេះខេត្តជាប់សមុទ្រមានខេត្តកំពត ព្រះសីហនុ និងកែប ទទួលបានភ្ញៀវទេសចរច្រើនជាងគេ។ ជាការកត់សម្គាល់នៅចុងខែវិច្ឆិកានេះកម្ពុជាផ្តើមទទួលអ្នកទេសចរបរទេសដែលបានចាក់វា់ក់សាំងហើយឲ្យទៅកម្សាន្តនៅខេត្តព្រះសីហនុ និងកោះកុង ។
ការបើកទេចរណ៍ឡើងវិញរបស់កម្ពុជាបានដាក់ចេញនូវ នីតិវិធីប្រតិបត្តិស្តង់ដារអប្បបរមា (SOP) និងវិធានសុវត្ថិភាពទេសចរណ៍ និង SOP ដើម្បីឲ្យប្រតិបត្តិករទេសចរណ៍ទាំងអស់អនុវត្តក្នុងការបង្ការជំងឺកូវីដ ១៩ ៕
ចែករំលែកព័តមាននេះ