រាជធានីភ្នំពេញ ៖ មានការមើលឃើញថា បច្ចេកទវិទ្យាជាមួយឧសគ្គមួយរាំងស្ទះដល់ការសន្សំប្រាក់នៅតាមធនគាររបស់ប្រជាពលរដ្ឋនៅជនបទ ។ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានមើលឃើញថា…
រាជធានីភ្នំពេញ ៖ មានការមើលឃើញថា បច្ចេកទវិទ្យាជាមួយឧសគ្គមួយរាំងស្ទះដល់ការសន្សំប្រាក់នៅតាមធនគាររបស់ប្រជាពលរដ្ឋនៅជនបទ ។ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានមើលឃើញថា មកដល់សម័យឌីជីថលឬ សម័យបណ្តាញទំនាក់ទំនងសង្គមហ្វេសប៊ុកនេះ គេមើលឃើញថា មានការកើនឡើងច្រើន អ្នកដែលបានបើកគណនីនៅគ្រឹះស្ថានធនាគារ និងហិរញ្ញវត្ថុ ប៉ុន្តែវាមិនមែនជាការដាក់ប្រាក់សន្សំនោះទេ វាជាប្រាក់ចរន្តរបស់គាត់ ។
លោកបានលើកឡើងដូច្នេះ «សម្រាប់ខ្ញុំមើលឃើញថា ភាគច្រើននៅទីប្រជុំជនដែលគាត់បើកគណនីនៅធនាគារមានច្រើន ។ តែនៅតាមទីជនបទការដាក់ប្រាកសន្សំ ឬបើកគណនីចរន្តនៅតាមគ្រឹះស្ថានធនាគារ និងហិរញ្ញវត្ថុមិនទាន់មានច្រើននោះទេ ដោយសារពួកគាត់មិនទាន់ចេះប្រើប្រាស់នូវបច្ចេកវិទ្យា» ។
អ្នកហិរញ្ញវត្ថុចង់ឃើញប្រជាពលរដ្ឋមានការយល់ដឹង ពីការដាក់ប្រាក់សន្សំ ឬបើកគណនីចរន្តនៅតាមគ្រឹះស្ថានហិរញ្ញវត្ថុអាចទទួលបានការប្រាក់តិចតួចដែរ ។ អនុប្រធានសភាពាណិជ្ជកម្មកម្ពុជា បានលើកឡើងថា នៅឆ្នាំក្រោយរាជរដ្ឋាភិបាលនឹងរៀបចំបោះប័ណ្ណបំណុល ប្រការនេះជាចំណុចល្អមួយទៀតសម្រាប់ប្រជាពលរដ្ឋដែលមានលទ្ធភាពអាចឱ្យរដ្ឋខ្ចីប្រាក់តាមរយៈការទិញសញ្ញាប័ណ្ណបំណុលរបស់រដ្ឋ ដើម្បីឱ្យរដ្ឋមានលទ្ធភាពយកប្រាក់នេះទៅអភិវឌ្ឍន៍នូវហេដ្ឋារចនាសម្ព័ន្ធផ្សេងៗហើយផ្តល់ការប្រាក់ដល់ប្រជាពលរដ្ឋវិញ។ លោកនោះក៍ជាផ្នែកសំខាន់ក្នុងការជំរុញសកម្មភាពសន្សំប្រាក់របស់ពលរដ្ឋដែរ ។
ធនាគារជាតិនៃកម្ពុជា ក្នុងទិវាសន្សំប្រាក់អាស៊ាននៅថ្ងៃទី ៣១ តុលាឆ្នាំ ២០២១ នេះលើកឡើងថា ការសន្សំពិតជាមានសារៈសំ ខាន់ក្នុងការបង្កើនទ្រព្យសម្បត្តិ និងធានាពីស្ថិរភាពផ្នែកហិរញ្ញវត្ថុគ្រួសារសម្រាប់មនុស្សគ្រប់រូប ។ ការសន្សំអាចជួយយើងឱ្យបង្គរប្រាក់បម្រុងទុកជាប្រចាំសម្រាប់បំពេញតម្រូវការជាបន្ទាន់ បង្កើត ឬ ពង្រីកអាជីវកម្ម សម្រេចគោលដៅផ្នែកហិរញ្ញវត្ថុ និងដោះស្រាយការលំបាកផ្នែកហិរញ្ញវត្ថុដែលកើតឡើងជាយថាហេតុ នៅពេលអនាគត។ ការចេះគ្រប់គ្រងហិរញ្ញវត្ថុក្នុងគ្រួសារឲ្យបានត្រឹមត្រូវ អាចជួយឲ្យយើងមានភាពឆ្លាតវ័យក្នុងការសម្រេចចិត្តលើការចំណាយ រក្សាការចំណាយឱ្យតិចជាងចំណូល និងមានទម្លាប់ក្នុងការសន្សំជាប្រចាំ ។
ឧកញ៉ា លឹម ហេង វាយតម្លៃថា «ខ្ញុំគិតថាទៅថ្ងៃអនាគត់នឹងពលរដ្ឋនឹងមានការប្រើប្រាស់បច្ចេកវិទ្យាច្រើន ។ ខ្ញុំឃើញថា មនុស្សវ័យចាស់ឥឡូវគាត់ចេះប្រើប្រាស់ទូរស័ព្ទស្មាតហ្វូនបាន គាត់អាចបើកគណនីនៅតាមធនាគារបាន ហើយយើងអាចផ្ទេរប្រាក់តាមទូរស័ព្ទដៃពីគណនីមួយទៅគណនីផ្សេងមួយទៀតបាន និងជួយជំរុញដល់ពលរដ្ឋឱ្យបើកគណនីបានកាន់តែច្រើនថែមទៀតនៅទូទាំងប្រទេសនាពេលខាងមុខ» ។
ទោះយ៉ាងណាការរីកចម្រើនវិស័យធនាគារបានជួយសម្រួលដល់ការសន្សំ ការប្រើប្រាក់ថវិកា និងទុកដាក់ថវិកាដល់ពលរដ្ឋកាន់តែងាយស្រួលចំពេញពេលវេលាតែពលរដ្ឋនៅជនបទជាច្រើនត្រូវគេដឹងថាមានទម្លាប់ទុកដាក់លុយនៅជាប់ខ្លួននៅឡើយ ៕
ចែករំលែកព័តមាននេះ