១០ ខែកម្ពុជានាំចេញកសិផលបានជាង ៤ ពាន់លានដុល្លារអាមេរិក
- ភ្នំពេញ
រាជធានីភ្នំពេញ ៖ រយៈពេល ១០ ខែ ឆ្នាំ ២០២១ នេះ ការនាំចេញកសិផលរបស់កម្ពុជាទៅក្រៅប្រទេស មានបរិមាណសរុបចំនួនជាង…
រាជធានីភ្នំពេញ ៖ រយៈពេល ១០ ខែ ឆ្នាំ ២០២១ នេះ ការនាំចេញកសិផលរបស់កម្ពុជាទៅក្រៅប្រទេស មានបរិមាណសរុបចំនួនជាង…
រាជធានីភ្នំពេញ ៖ រយៈពេល ១០ ខែ ឆ្នាំ ២០២១ នេះ ការនាំចេញកសិផលរបស់កម្ពុជាទៅក្រៅប្រទេស មានបរិមាណសរុបចំនួនជាង ៦ លាន ៣៦ ម៉ឺនតោន បើគិតជាប្រាក់ទទួលបានជាង ៤ ពាន់លានដុល្លារអាមេរិក ។ ការនាំចេញកសិកផលកម្ពុជាក្នុងបរិមាណខាងលើមានកំណើន ចំនួន ២,៩ លានតោនស្មើនឹង ៨៧,៥៣% ។ កសិផលទាំងនោះបាននាំទៅកាន់ទិសដៅ ៦៨ ។
របាយការណ៍របស់ក្រសួងកសិកម្ម រុក្ខាប្រមាញ់និងនេសាទ បានបញ្ជាក់ថា កសិផលនាំចេញ មានស្រូវអង្ករ និងផលិតផលក្រៅពីស្រូវអង្ករ ដូចជាដំឡូងមី ស្វាយ ចេក ម្រេចជាដើម ។ បរិមាណនាំចេញអង្ករមានចំនួន ៤៦០.១៦៩ តោន មានការថយចុះជាង១៤,២០% បើធៀបនឹងបរិមាណនាំចេញក្នុងរយៈពេល ១០ ខែឆ្នាំ ២០២០ ។ ចំពោះការនាំចេញស្រូវ មានចំនួន ២,៦ លានតោន នាំទៅកាន់ប្រទេសវៀតណាម (មានវិញ្ញាបនបត្រភូតគាមអនាម័យចំនួន ១, ៦ លានតោន) ដែលមានការកើនឡើង ៨៦,៣៧% បើធៀបនឹងរយៈពេលដូចគ្នានៅឆ្នាំ ២០២០ ដែលមានចំនួន ១, ៤ លានតោន ។
ចំណែកការនាំចេញកសិផលក្រៅពីស្រូវ-អង្ករ មានចំនួន ៤, ២លានលានតោន កើនឡើង ៤៧,៧២% បើធៀបនឹងរយៈពេលដូចគ្នាក្នុងឆ្នាំ ២០២០ ដែលមានចំនួន ២, ៨ លាន តោន មានដូចជា ចំណិតដំឡូងមីក្រៀមមានចំនួន ១, ៣ លាន ដំឡូងមីស្រស់មានចំនួន ៧៤៣. ៧២០ តោន ម្ស៉ៅដំឡូងមីមានចំនួន ២៦. ៩៧១ តោន កាកសំណល់ដំឡូងមីមានចំនួន ៧. ២៩៦ តោន គ្រាប់ស្វាយ ចន្ទីមានចំនួន ៩១៤. ៧៩៥ តោន ផ្លែចេកស្រស់មានចំនួន ៣៦៩. ៤៣១ តោនផ្លែក្រូចថ្លុងមានចំនួន ៣៤. ៩១៨ តោន ជាដើម ៕
ចែករំលែកព័តមាននេះ