រាជធានីភ្នំពេញ ៖ តារាសម្តែងនាង ហេង ស្រីពេជ្រ បានប្រកាសស្វែងរកយុត្តិធម៌ និងបានអំពាវនាវដល់សមត្ថកិច្ចស្វែងរកមុខក្រុមក្មេងស្ទាវមួយក្រុមដែលបានកា.ប់សម្លា.ប់មកលើប្អូនប្រុសរបស់ខ្លួន ។ តារារូបនេះ ស្ទើរតែមិនអាចទទួលយកបានឡើយ នៅពេលដែលគេផ្តល់ដំណឹងដ៏អកុសល និងរន្ធត់ពីមរណភាពប្អូនប្រុសរបស់ខ្លួន ដែលត្រូវបានក្រុមក្មេងស្ទាវដេញកា.ប់សម្លា.ប់យ៉ាងសា.ហាវ។
នៅលើគណនេយ្យហ្វេសប៊ុក ហេង ស្រីពេជ្រ បានបង្ហោះសារថា អយុត្តិធម៌ណាស់ ប្អូនប្រុសខ្ញុំត្រូវបានក្មេងស្ទាវមួយក្រុមដេញតាមកា.ប់សម្លា.ប់ នៅយប់ថ្ងៃទី២៣ ឈានចូលថ្ងៃទី ២៤ នៅវេលាម៉ោង 12:19 am នៅទីរួមខេត្តកំពង់ស្ពឺ សូមបងៗសមត្ថកិច្ចគ្រប់ស្ថាប័នទាំងអស់ ជួយរកយុត្តិធម៌អោយក្រុមគ្រួសារនាងខ្ញុំផង ។
បន្ថែមពីលើអ្វីដែលបានបង្ហោះតាមហ្វេសប៊ុកនេះ ហេង ស្រីពេជ្រ បានអះអាងប្រាប់កោះសន្តិភាពតាមសារអេឡិចត្រូនិចថា វាជារឿងមួយដែលនឹកស្មានមិនដល់ ក្នុងពេលប្អូនរបស់នាងបានជួបហេតុការណ៍ដ៏អាក្រក់នេះ ខណៈពេលប្អូនរបស់នាងមិនដែលមានទំនាស់ជាមួយក្មេងស្ទាវណា ក្រៅពីការខិតខំរកស៊ី។
នាងបញ្ជាក់ថា ប្អូនប្រុសរបស់នាង ឈ្មោះ ថៃ មករា មានវ័យប្រមាណ៣០ឆ្នាំ បានមករស់នៅខេត្តកំពង់ស្ពឺនេះ ប្រមាណជា៥ឆ្នាំប៉ុណ្ណោះ ក្រោយរៀបការមានភរិយានៅទីនេះ។ នាងថា ក្រោយពីរៀបការមានកូន២នាក់ ប្អូនរបស់នាងបានខិតខំរកស៊ីក្នុងមុខរបរលក់ត្រី ដោយមិនបានដើរហើរ និងមានទំនាស់ណាមួយជាមួយក្រុមក្មេងស្ទាវនោះឡើយ។
ហេង ស្រី ពេជ្រ បានលើកឡើងពីហេតុការណ៍ដែលបានកើតឡើងនោះថា ដំបូងក្រោយពេលប្អូនរបស់នាងបានលក់ត្រីនៅផ្សារអស់ហើយ ក៏បានបបួលបងប្អូនសាច់ញាតិផឹកស៊ីបន្តិចបន្តួច។ ក្រោយពេលការផឹកស៊ីចប់ គាប់ជួនក៏បានជួបក្រុមក្មេងស្ទាវនោះដែលបានចេញពីហាងផឹកស៊ីមួយកន្លែងដែរនាខេត្តកំពង់ស្ពឺ។
នាងបញ្ជាក់ថា មុនពេលកើតហេតុ ដេញកា.ប់សម្លា.ប់នោះ ប្អូនរបស់នាងបានស្រែកអោយក្រុមក្មេងស្ទាវនោះថា «ឯងបើកម៉ូតូលឿនៗប្រយ័ត្នទៅងា.ប់នៅណា» ហើយពេលនោះក្រុមក្មេងស្ទាវក៏ឆ្លើយមកវិញថា «ឯងចង់យ៉ាងមេច»។ ក្រោយមកប្អូនរបស់នាងក៏បានជិះម៉ូតូមកតាមផ្លូវធម្មតា ដោយមិនដឹងថា ពួកក្រុមក្មេងស្ទាវនោះតាមមកពីតាមក្រោយនោះឡើយ។ ប៉ុន្តែក្រោយពីមានគេស្រែកប្រាប់ប្អូនរបស់នាងក៏បានស្រែកហៅអោយគេជួយដែរ ប៉ុន្តែមិនមានអ្នកណាមកជួយទាន់ឡើយ ដោយសារក្រុមក្មេងស្ទាវនោះបានធ្វើការកា.ប់មកលើប្អូនរបស់ខ្លួនរហូតដល់ស្លា.ប់តែម្តង។
យ៉ាងណា បើតាម ហេង ស្រីពេជ្រ ក្រោយហេតុការណ៍បានកើតឡើង ក្រុមគ្រួសាររបស់នាងបានសរសេរកំណត់ហេតុដាក់ជូនសមត្ថកិច្ចរួចហើយ ហើយនាងសង្ឃឹមថា សមត្ថកិច្ចនឹងដុតដៃដុតជើងវែកមុខឃាត.ករទាំងនោះយកមកផ្តន្ទាទោសតាមច្បាប់ឆាប់ៗខាងមុខនេះ។
ហេង ស្រីពេជ្រ លើកឡើងថា នៅពេលនេះ នាងហាក់រន្ធត់នៅឡើយ ដោយសារនាងមានការសោកសង្រែក និងអាណិតភរិយា ព្រមទាំងកូនរបស់ប្អូននាងដែលត្រូវបាត់បង់ស្វាមី និងឪពុកទាំងវ័យក្មេងបែបនេះ។ យ៉ាងណា នាងនៅបន្តចាត់ចែងធ្វើបុណ្យប្អូនរបស់នាងអោយរួចរាល់រហូតដល់៧ថ្ងៃ ទើបនាងវិលត្រឡប់មកភ្នំពេញ ដើម្បីបន្តការងារសិល្បៈរបស់នាងឡើងវិញ៕
ចែករំលែកព័តមាននេះ