សោកស្តាយ! ឪពុកតារាចម្រៀង ករុណា ពេជ្រ ទទួលមរណភាពហើយ
- ភ្នំពេញ
ដំណឹងដ៏សោកសៅ និងក្រៀមក្រំបំផុត ពេលបានឮដំណឹងថា ឪពុករបស់តារាចម្រៀងក្នុងផលិតកម្មថោន លោក ករុណា ពេជ្រ បានទទួលមរណភាពហើយ នៅថ្ងៃទី
ដំណឹងដ៏សោកសៅ និងក្រៀមក្រំបំផុត ពេលបានឮដំណឹងថា ឪពុករបស់តារាចម្រៀងក្នុងផលិតកម្មថោន លោក ករុណា ពេជ្រ បានទទួលមរណភាពហើយ នៅថ្ងៃទី
រាជធានីភ្នំពេញ ៖ ដំណឹងដ៏សោកសៅ និងក្រៀមក្រំបំផុត ពេលបានឮដំណឹងថា ឪពុករបស់តារាចម្រៀងក្នុងផលិតកម្មថោន លោក ករុណា ពេជ្រ បានទទួលមរណភាពហើយ នៅថ្ងៃទី១៤ ខែតុលា ឆ្នាំ២០២១ បន្ទាប់ពីឪពុកតារារូបនេះ បានតតាំងជាមួយសារជំងឺប្រចាំកាយអស់ប៉ុន្មានឆ្នាំចុងក្រោយនេះ។ លោក ករុណា បានប្រកាសដំណឹងពីមរណភាពឪពុករបស់លោកតាមបណ្តាញសង្គមហ្វេសប៊ុក ដោយនៅក្នុងនោះគេឃើញមានមិត្តភក្តិក្នុងសិល្បៈដូចគ្នាជាច្រើនបានចូលរួមការរំលែកទុក្ខដ៏ក្រៀមក្រំនេះ។
ជាមួយនឹងរូបភាពអង្គុយជិតឪពុកដែលបានទទួលមរណភាពនៅលើគ្រែលោក ករុណា ពេជ្រ បានភ្ជាប់សារដ៏ក្តុកក្តួលថា «ប៉ា ខ្ញុំ ទៅចោល ខ្ញុំហើយសូមប៉ា ទៅអោយសុខ បើមានជាតិក្រោយ កូនសុំកើតជាកូនប៉ាទៀត ហើយស្ថិតក្នុងគ្រួសារមួយដែលពោរពេញដោយសុភមង្គល ណា ប៉ា ណា»។
ជាការកត់សម្គាល់ កន្លងមក តារាចម្រៀងប្រចាំក្នុងផលិតកម្មថោន លោក ករុណា ពេជ្រ បានឲ្យដឹងថា ក្នុងរយៈពេលជាង២ឆ្នាំមកនេះ ចាប់តាំងពីឪពុករបស់លោកធ្លាក់ខ្លួនឈឺមក លោកបានចំណាយថវិកា អស់ប្រមាណជាជាង២០ម៉ឺនដុល្លារមកហើយ ដើម្បីព្យាបាលឪពុកឲ្យជាសះស្បើយ ប៉ុន្តែស្ថានភាពជំងឺឪពុករបស់លោក នៅតែមិនទាន់ធូរស្បើយឡើយ។
លោកថា អំឡុងពេលឪពុកលោកធ្លាក់ខ្លួនឈឺភ្លាមៗនោះ លោកបានប្រកាសលក់ផ្ទះ និងដីធ្លីមួយចំនួន ដើម្បីបានលុយមកដោះស្រាយឲ្យទាន់ពេល។ លោកបញ្ជាក់ថា ឪពុករបស់លោក ត្រូវទៅព្យាបាលតាមការណាត់របស់គ្រូពេទ្យ គឺមានរយៈពេល៣ខែម្ដង ដោយលោកបានបញ្ជូនទៅព្យាបាល នៅក្នុងមន្ទីរពេទ្យ «សាន់រាយ» ដែលមានជំនាញខាងសរសៃឈាមខួរក្បាល។ សម្រាប់ការព្យាបាលនេះ គឺលោកបានចំណាយខ្ពស់ ពោលគឺក្នុងមួយថ្ងៃលោកត្រូវចំណាយជិត៣ពាន់ដុល្លារ ព្រោះលោកត្រូវជួលអ្នកមើលថែជំងឺ និងជួលគ្រូពេទ្យឲ្យមកព្យាបាលជំងឺឪពុក និងធ្វើលំហាត់ប្រាណរៀងរាល់ថ្ងៃ ទោះបីជាឪពុករបស់លោកហាក់ក្លាយជាមនុស្សរុក្ខជាតិ លែងស្គាល់សូម្បីតែរូបលោកជាកូនទៅហើយក្ដី។
សូមបញ្ជាក់ថា ឪពុករបស់លោក ករុណា ពេជ្រ មានវ័យប្រមាណ៧០ឆ្នាំ និងមានជំងឺលើសឈាម ដាច់សរសៃឈាមក្នុងខួរក្បាល ។ ឪពុកលោកបានក្លាយទៅជាមនុស្សរុក្ខជាតិមិនមានការចងចាំ បានតែងក់ក្បាលដាក់ជាសញ្ញាតែប៉ុណ្ណោះ៕
ចែករំលែកព័តមាននេះ