ក្រុមហ៊ុនសាមសុងដែលនាំមុខគេក្នុងការច្នៃប្រឌិតផលិត សម្ភារផ្ទះបាយ បានបង្ហាញនូវទូរទឹកកកម៉ាក ថ្មីនៅក្នុងទីផ្សារដែលអាចប្រើការបានច្រើនយ៉ាងនៅក្នុងផ្ទះបាយ ។
លោក John Herrington ដែលជាអនុប្រធានជាន់ខ្ពស់
ក្រុមហ៊ុនសាមសុងដែលនាំមុខគេក្នុងការច្នៃប្រឌិតផលិត សម្ភារផ្ទះបាយ បានបង្ហាញនូវទូរទឹកកកម៉ាក ថ្មីនៅក្នុងទីផ្សារដែលអាចប្រើការបានច្រើនយ៉ាងនៅក្នុងផ្ទះបាយ ។
លោក John Herrington ដែលជាអនុប្រធានជាន់ខ្ពស់ និងជាអ្នកគ្រប់គ្រងទូទៅនៃសម្ភារផ្ទះបាយ របស់ក្រុមហ៊ុនសាមសុងអាមេរិកបានមានប្រសាសន៍ថា «សាមសុងបានកែច្នៃសម្ភារផ្ទះបាយឲ្យមាន លក្ខណៈទំនើបដែលអតិថិជនមិនត្រឹមតែចង់ប៉ុណ្ណោះទេ តែថែមទាំងត្រូវការជាចាំបាច់ទៀតផង។ ជាងនេះទៅទៀត ពួកយើងបានបំពាក់ប្រព័ន្ធអីុនធើរណេត មិនត្រឹមតែជាមួយទូរទឹកកកប៉ុណ្ណោះទេ តែជាមួយសម្ភារសម្រាប់ចំអិនអាហារដទៃទៀត ដែលប្រើប្រាស់ដោយភ្ជាប់ជាមួយ Wi-Fi ធ្វើឱ្យការចំអិនអាហារមានភាពងាយស្រួលជាមុន»។
ទូរទឹកកកសម្រាប់ប្រើក្នុងគ្រួសារអាចភ្ជាប់ទំនាក់ទំនងនៅក្នុងគ្រួសារដោយមានបំពាក់នូវអេក្រង់ទូរទស្សន៍មួយដែលមានទំហំ 21.5 អីុញ នៅផ្នែកខាងក្រៅ។ អេក្រង់ដែលមានរូបច្បាស់មួយនេះ អាចឲ្យលោកអ្នកដាក់បង្ហាញ និងចែករំលែកកាលវិភាគជាមួយអ្នកដទៃ បង្ហោះរូបភាព និងកត់កំណត់ត្រាផ្សេងៗ យ៉ាងងាយស្រួលតាមរយៈទូរស័ព្ទដៃ។
ទូរទឹកកកនេះ ក៏អាចឲ្យលោកអ្នកអាចគ្រប់គ្រងគ្រឿងទេស បន្លែ និងសាច់បានយ៉ាងងាយ ចាត់ចែង ប្រភេទអាហារដែលអ្នកត្រូវការ និងអាហារដែលជិតផុតកំណត់ ដើម្បីកាត់បន្ថយកាកសំណល់ផ្សេងៗ ធ្វើឲ្យទូរទឹកកកមានភាពទូលាយជាងមុន។ កាមេរ៉ាចំនួន3ត្រូវបានបំពាក់នៅក្នុងទូរទឹកកកនេះ ដែល លោកអ្នកអាចមើលឃើញតាមរយៈទូរស័ព្ទដៃរបស់អ្នកគ្រប់ពេលវេលាមិនថា ជាពេលដែលលោកអ្នក កំពុងតែដើរទិញឥវ៉ាន់ក្នុងផ្សារក៏ដោយ។ លោកអ្នកគ្រាន់ទាញទូរស័ព្ទសាមសុង ហើយពិនិត្យមើលទូរទឹកករបស់អ្នកបាន។ លោកអ្នកលែងបារម្ភថា ខ្វះរបស់របរក្នុងទូរទឹកកកទៀតហើយ។
ក្រៅពីនេះទៀតលោកអ្នកក៏អាចស្តាប់តន្ត្រី មើលទូរទស្សន៍ ជាពិសេសគឺការប្រកួតបាល់ទាត់នៅពេលដែលកំពុងធ្វើម្ហូបនៅក្នុងផ្ទះបាយ តាមរយៈអេក្រងរបស់ទូរទឹកកកជាលក្ខណៈគ្រួសារមួយនេះ។ សម្រាប់ព័ត៌មានបន្ថែមសូមចូលទៅកាន់គេហទំព័រ៖ http://news.samsung.com/us
ចែករំលែកព័តមាននេះ