រាជធានីភ្នំពេញ ៖ ក្រុមហ៊ុន AWS Cabodia និងក្រុមហ៊ុន Cisco សហការគ្នារៀបចំសិក្ខាសាលាការផ្សាភ្ជាប់ទំនាក់ទំនងទៅកាន់អនាគតជាមួយផលិតផល Cisco SMB និងការបន្ថែមចំណេះដឹងនៃបច្ចេកវិទ្យាសម្រាប់ការធ្វើអាជីវកម្ម កាលពីព្រឹកថ្ងៃទី២២ មករា ២០១៦ នៅសណ្ឋាគារអាំងទែរកុងទីណង់តាល់។
លោកជា សុវណ្ណ ប្រធានគ្រប់គ្រងអាជីវកម្មរបស់ក្រុមហ៊ុន AWS មានប្រសាសន៍ថា សក្តានុពលនៃការរីកចម្រើនផ្នែកបច្ចេកវិទ្យាក្នុងការជួយសម្រួលដល់អាជីវកម្មខ្នាតតូចរហូតដល់ខ្នាតធំនៅទូទាំងពិភពលោក មានការរីកចម្រើនគួរឲ្យកត់សម្គាល់។ ជាមួយនិងការរីកចម្រើនដ៏ឆាប់រហ័សនៃបច្ចេកវិទ្យា ក្រុមហ៊ុន Cisco បានខិតខំប្រឹងប្រែងយ៉ាងខ្លាំងក្នុងការស្វែងរកនូវបច្ចេកវិទ្យាថ្មីៗប្រកបដោយសុវត្ថិភាព ទាំងអ្នកប្រើប្រាស់ ទាំងបរិស្ថានសម្រាប់បំពេញនូវតម្រូវការរបស់អតិថិជនជាមួយនឹងតម្លៃសមរម្យ។
ក្រុមហ៊ុន AWS ពិតជាមានមោទនភាពណាស់ក្នុងការចាប់ដៃគូជាមួយក្រុមហ៊ុន Cisco ដើម្បីនាំយកនូវផលិតផលថ្មីៗទាំងនេះជូនដល់អតិថិជននៅកម្ពុជា។ ថ្ងៃនេះយើងនឹងបង្ហាញនៅផលិតផលថ្មីដែលជាបច្ចេកវិទ្យាចុងក្រោយមួយចំនួនដោយអ្នកជំនាញទៅលើ Switches 350XG 10G Series, Router, Software Management និង Security ។ AWS ជាក្រុមហ៊ុននាំមុខផ្នែកចែកចាយផលិតផលបណ្តាញទូរគមនាគមន៍ព័ត៌មានវិទ្យា និងប្រព័ន្ធគ្រប់គ្រងសុវត្ថិភាពសម្រាប់អគារនៅក្នុងប្រទេសកម្ពុជា៕
ចែករំលែកព័តមាននេះ