ខេត្តកោះកុង ៖ ប្រភពច្បាស់ការរាយការណ៍មុននេះបន្តិចពីច្រកទ្វារចាំយាមខេត្តកោះកុងមកថា កាលពីល្ងាចថ្ងៃសៅរ៍ ទី១៦ មករា នេះ មានចំនួន២រថយន្តរបស់ថៃដែលគេប្រាប់ថា មានម៉ូតូប្រមាណ៨០គ្រឿង ។
ខេត្តកោះកុង ៖ ប្រភពច្បាស់ការរាយការណ៍មុននេះបន្តិចពីច្រកទ្វារចាំយាមខេត្តកោះកុងមកថា កាលពីល្ងាចថ្ងៃសៅរ៍ ទី១៦ មករា នេះ មានចំនួន២រថយន្តរបស់ថៃដែលគេប្រាប់ថា មានម៉ូតូប្រមាណ៨០គ្រឿង ។ ក្នុងខែមករា ២០១៦ នេះ មានប្រមាណរាប់រយគ្រឿងហើយ តាមច្រកទ្វារអន្តរជាតិចាំយាម ដែលជាច្រកទ្វារអន្តរជាតិមានភាពងាយស្រួលខាងនាំចូល ។
តាមការកត់សម្គាល់ និងជាទម្លាប់ទៅហើយ ពេលរថយន្តថៃដាក់ម៉ូតូបាន២ជាន់នាំចូលម្តងៗ បានដឹកឆ្ពោះទៅឃ្លាំងមួយនៅជិតច្រកទ្វារនោះដែរ ហើយទយគូទជាប់ជាមួយរថយន្តខ្មែរ ធ្វើសកម្មភាពផ្ទេរពីរថយន្តថៃរុញដាក់ចូលរថយន្តរបស់ក្រុមហ៊ុនខ្មែរដោយរលូន ។ ដល់ពេលយប់ ទើបរថយន្តដឹកម៉ូតូចេញដំណើរពីខេត្តកោះកុង ឆ្ពោះមករាជធានីភ្នំពេញ ឬហួសទៅណាទៀត អត់មានអ្នកណារាយការណ៍ដឹងទេ ។
ប៉ុន្តែក្នុងសប្តាហ៍មុននេះ អាជ្ញាធរខេត្តបាត់ដំបងបានត្រួតពិនិត្យហាងលក់ម៉ូតូក្នុងក្រុងបាត់ដំបងបានរកឃើញម៉ូតូគេចពន្ធ២៣គ្រឿង ។ សង្ស័យនៅមានច្រើនទៀតដែលម្ចាស់ហាងលាក់ទុកនៅតាមឃ្លាំងសម្ងាត់នានា ។
ប្រភពពីសមត្ថកិច្ចនិយាយខ្សឹបប្រាប់កោះសន្តិភាពថា ម៉ូតូថ្មីគេចពន្ធទាំងនេះ ខ្លះមកពីច្រកបឹងត្រកួត ខេត្តបន្ទាយមានជ័យ ខ្លះមកពីតាមច្រកសំពៅលូន ខេត្តបាត់ដំបង ហើយខ្លះទៀតសង្ស័យមកពីច្រកទ្វារចាំយាម ខេត្តកោះកុង ព្រោះតម្លៃមិនខុសថ្លៃគ្នាប៉ុន្មានទេ ។
មជ្ឈដ្ឋាននានានិយាយថា ស្រួលដែរ… ឱ្យនាំចូលម៉ាសេរីទៅចុះ… អាមានពន្ធលាយអាអត់ពន្ធ… ចាំដល់ពេលទំនេរចាំដើរចាប់ ដើរឆែក ក៏ម្យ៉ាងដែរ កុំឱ្យអ្នកមានសមត្ថកិច្ចទំនេរមាត់ពេក… ហេ! ហេ!
ចែករំលែកព័តមាននេះ