ខេត្តព្រះសីហនុ ថ្ងៃទី១៩ ខែធ្នូ ឆ្នាំ២០១៥ ៖ ក្នុងស្មារតី និងការយកចិត្តទុកដាក់ខ្ពស់ទៅលើវិស័យអប់រំ និងការការពារបរិស្ថាន ក្រុមហ៊ុនឈេហ្វរ៉ុន (ខេមបូឌា) លីមីធីត ដែលប្រតិបតិ្តការអាជីវកម្មលើយីហោ Caltex®
ខេត្តព្រះសីហនុ ថ្ងៃទី១៩ ខែធ្នូ ឆ្នាំ២០១៥ ៖ ក្នុងស្មារតី និងការយកចិត្តទុកដាក់ខ្ពស់ទៅលើវិស័យអប់រំ និងការការពារបរិស្ថាន ក្រុមហ៊ុនឈេហ្វរ៉ុន (ខេមបូឌា) លីមីធីត ដែលប្រតិបតិ្តការអាជីវកម្មលើយីហោ Caltex® បានរៀបចំ យុទ្ធនាការសប្តាហ៍សប្បុរសធម៌ ដោយជោគជ័យ នៅសាលាបឋមសិក្សាអូរត្រជាក់ចិត្ត ក្នុងភូមិអូរត្រជាក់ចិត្ត ឃុំសំរោង ស្រុកព្រៃនប់ ខេត្តព្រះសីហនុ។ ថ្ងៃនេះយុទ្ធនាការអ្នកស្ម័គ្រចិត្តនឹងធ្វើការសម្អាតថ្នាក់រៀន បរិវេណសាលា និងដាំដើមឈើក្នុងបរិវេណសាលាបឋមសិក្សាអូរត្រជាក់ចិត្តផងដែរ ។
យុទ្ធនាការសប្តាហ៍សប្បុរសធម៌នេះ គឺជាការផ្តួចផ្តើមឡើងដោយក្រុមហ៊ុនឈេហ្វរ៉ុន ដែលមានការអញ្ជើញចូលរួមពីបុគ្គលិកក្រុមហ៊ុនមកពីការិយាល័យកណ្តាលក្រុងភ្នំពេញ ការិយាល័យខេត្តព្រះសីហនុ ស្ថានីយកាល់តិចក្រុងព្រះសីហនុ និងមន្ត្រីអញ្ជើញមកពីការិយាល័យអប់រំស្រុកព្រៃនប់ ។ ក្រុមហ៊ុនឈេហ្វរ៉ុនខេមបូឌា ក៏បានឧបត្ថម្ភមួកសុវត្ថិភាពជូនដល់លោកគ្រូអ្នកគ្រូ សម្ភារសិក្សាមានដូចជា ឯកសណ្ឋានសាលា សៀវភៅសរសេរ ប៊ិក ខ្មៅដៃ បន្ទាត់ កាបូបដាក់សម្ភារសិក្សា និងស្បែកជើង ជូនដល់សិស្សានុសិស្សទាំងអស់គ្នា ព្រមទាំងសម្ភារសម្អាតដូចជាធុងសំរាម អំបោស និងសម្ភារផ្សេងៗជូនដល់សាលាបឋមសិក្សាអូរត្រជាក់ចិត្តផងដែរ ។
លោក Daniel Hwang, Manager Products of Cambodia នៃក្រុមហ៊ុនឈេហ្វរ៉ុន (ខេមបូឌា)លីមីធីតបានមានប្រសាសន៍ថា៖«ខ្ញុំមានមោទនភាពណាស់ដែលបានឃើញអ្នកស្ម័គ្រចិត្តទាំងអស់គ្នាចូលរួមយ៉ាងសកម្មក្នុងការជួយលើកកម្ពស់វិស័យអប់រំ និងការការពារបរិស្ថាន ។ ខ្ញុំសូមកោតសរសើរចំពោះអ្នកទាំងអស់គ្នាដែលបានជួយជ្រោមជ្រែងដើម្បីធ្វើឱ្យយុទ្ធនាការសប្តាហ៍សប្បុរសធម៌នៅសាលាបឋមសិក្សាអូរត្រជាក់ចិត្តទទួលបានជោគជ័យ។
ក្រុមហ៊ុន ឈេហ្វរ៉ុន បានបន្តចូលរួមក្នុងយុទ្ធនាការសង្គមជាច្រើនទៀតដូចជា យុទ្ធនាការសុវត្ថិភាពចរាចរណ៍ផ្លូវគោក និងយុទ្ធនាការផ្សេងៗ ដើម្បីលើកកម្ពស់ការប្រុងប្រយ័ត្ន និងបង្កើនអត្ថប្រយោជន៍សង្គមដល់ប្រទេសកម្ពុជា៕
ចែករំលែកព័តមាននេះ