រាជធានភ្នំពេញ ៖ ដើម្បីគ្រប់គ្រងស្ថានភាពសេដ្ឋកិច្ចពីការប៉ះពាល់ដោយសារតែកូវីដ១៩ រាជរដ្ឋាភិបាលកម្ពុជាបានដាក់ចេញវិធានការជាបន្តបន្តាប់ និងបានចំនាយថវិការាប់រយលានដុល្លាររួចហើយ ទៅលើវិធានការនេះ ជាក់ស្ដែងយោងតាមសេចក្ដីសម្រេចរបស់រាជរដ្ឋាភិបាលកម្ពុជានៅថ្ងៃទី២៩ មិថុនា ២០២១នេះ វិធានការជុំទី៩…
រាជធានភ្នំពេញ ៖ ដើម្បីគ្រប់គ្រងស្ថានភាពសេដ្ឋកិច្ចពីការប៉ះពាល់ដោយសារតែកូវីដ១៩ រាជរដ្ឋាភិបាលកម្ពុជាបានដាក់ចេញវិធានការជាបន្តបន្តាប់ និងបានចំនាយថវិការាប់រយលានដុល្លាររួចហើយ ទៅលើវិធានការនេះ ជាក់ស្ដែងយោងតាមសេចក្ដីសម្រេចរបស់រាជរដ្ឋាភិបាលកម្ពុជានៅថ្ងៃទី២៩ មិថុនា ២០២១នេះ វិធានការជុំទី៩ ក៏បានប្រកាសដាក់ចេញអនុវត្តន៍ជាផ្លូវការផងដែរ ។
យោងតាមសេចក្តីណែនាំរបស់រាជរដ្ឋាភិបាលកម្ពុជាបានឱ្យដឹងថា រាជរដ្ឋាភិបាលបាននិងកំពុងខិតខំប្រឹងប្រែងអនុវត្តយ៉ាងសកម្មនូវយុទ្ធនាការជាតិចាក់វ៉ាក់សាំងបង្ការជំងឺកូវីដ១៩ និងទទួលបាននូវវឌ្ឍនភាពវិជ្ជមានគួរឱ្យកត់សម្គាល់ ដោយអនុលោមតាមអភិក្រម ផ្ការីក ដែលចា់បផ្ដើមពីរាជធានីភ្នំពេញនិងខេត្តកណ្ដាល ហើយពង្រីកជាជំហានៗឆ្ពោះទៅតំបន់ផ្សេងទៀត សំដៅបង្កើតឱ្យបានភាពស៊ាំងសង្គម សេដ្ឋកិច្ច នៅត្រឹមឆ្នាំ២០២១ ។ ព្រឹត្តិការណ៍សហគមន៍២០កុម្ភៈ២០២១ នៅតែបន្តអូសបន្លាយពេលវេលា និងពង្រីកវិសាលភាព នៃការឆ្លងរាលដាលនៃជំងឺដ៏កាចសាហាវនេះ ដែលញាំងឱ្យរាជរដ្ឋាភិបាលបន្តយកចិត្តទុកដាក់ខ្ពស់ ក្នុងការតាមដាន និងសម្រេចដាក់ចេញនូវវិធានការយ៉ាងម៉ឺងម៉ាត់នានា ។
សេចក្ដីសម្រេចបន្ថែមថា វិស័យសំខាន់ៗមួយចំនួនដូចជាវិស័យកាត់ដេរ វាយនភណ្ឌ វិស័យអាកាសចរណ៍ វិស័យទេសចរណ៍ នៅតែបន្តរងផលប៉ះពាល់ខ្លាំងជាងគេ ពីវិបត្តិកូវីដ១៩ ទើបរាជរដ្ឋាភិបាលសម្រេចដាក់ចេញវិធានការបន្ថែមជុំទី៩ ក្នុងគោលបំណង៤ រួមមាន ១កាត់បន្ថយផលប៉ះពាល់លើស្ថានភាពសង្គម សេដ្ឋកិច្ច និងហានិភ័យនៃការឆ្លងរាលដាលនៃជំងឺកូវីដ១៩ ចូលក្នុងសហគមន៍ក្នុងលក្ខណៈទ្រង់ទ្រាយធំ ២. បន្តសុពលភាពនៃវិធានការដាក់ចេញនាពេលកន្លងមកដែលនឹងផុតកំណត់សម្រាប់ការអនុវត្តន៍ក្នុងពេលឆាប់ៗខាងមុខ ៣. បនត្ដាក់ចេញ និងអនុវត្តវិធានការទ្រទ្រង់និងស្ដារអាជីវកម្ម និងធុរកិច្ចឱ្យងើបឡើងវិញដើម្បីចូលរួមជំរុញ កំណើនសេដ្ឋកិច្ច សំដៅបង្កើតឱ្យបានភាពស៊ាំសង្គម សេដ្ឋកិច្ច នៅក្នុងបរិការណ៍នៃការវិវឌ្ឍនៃជំងឺកូវីដ១៩ និង៤. បន្តជួយទំនុកម្រុងដល់ជីវភាពប្រចាំថ្ងៃរបស់គ្រួសារក្រីក្រ និងងាយរងគ្រោះ តាមរយៈកម្មវិធីឧបត្ថម្ភ សាច់ប្រាក់ ។
លោកវង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានឱ្យដឹងថាការចំណាយរបស់រដ្ឋាភិបាលទៅលើកូវីដ១៩ក្នុងឆ្នាំ២០២១នេះ មានទំហំទឹកប្រាក់ច្រើនជាងឆ្នាំ២០២០ទៅទៀត ពីព្រោះស្ថានភាពកូវីដ១៩ នៅក្នុងប្រទេសកម្ពុជាក្នុងឆ្នាំនេះ ក៏មានទ្រង់ទ្រាយធំជាងមុនផងដែរ ការរីករាលដាលកាន់តែខ្លាំង និងមានទំហំប៉ះពាល់ធ្ងន់ធ្ងរជាងឆ្នាំមុន ។ ការចំណាយទៅលើកូវីដ១៩ តាមការប៉ាន់ស្មានប្រមាណជិត២០០លានដុល្លារអាមេរិក៕
ចែករំលែកព័តមាននេះ