ខេត្តកណ្តាល ៖ ប្រជាពលរដ្ឋបានបញ្ចេញមតិយោបល់ក្នុងប្រអប់សាររបស់ផេកស្នងការដ្ឋាននគរបាលខេត្តកណ្តាល អោយដឹងថា «ជំរាបសួរ សូមជួយត្រួតពិនិត្យ ក្រុមរថយន្តដឹកដីផង ជារៀងរាល់ថ្ងៃ ទោះតំបន់ទីប្រជុំជនចង្អៀតក្តី ក៏បើកលឿនៗ…
ខេត្តកណ្តាល ៖ ប្រជាពលរដ្ឋបានបញ្ចេញមតិយោបល់ក្នុងប្រអប់សាររបស់ផេកស្នងការដ្ឋាននគរបាលខេត្តកណ្តាល អោយដឹងថា «ជំរាបសួរ សូមជួយត្រួតពិនិត្យ ក្រុមរថយន្តដឹកដីផង ជារៀងរាល់ថ្ងៃ ទោះតំបន់ទីប្រជុំជនចង្អៀតក្តី ក៏បើកលឿនៗ វ៉ាជែងគ្នា នៅលើផ្លូវលេខ ២១B ឃុំឈើទាល ស្រុកកៀនស្វាយ» ។
ក្រោយពីទទួលបានព័ត៌មាននេះភ្លាម លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាឲ្យលោកអធិការនគរបាលស្រុកកៀនស្វាយ ចុះស្រាវជ្រាវចំពោះករណីខាងលើជាបន្ទាន់ ។
នៅវេលាម៉ោង ៩និង១០នាទីព្រឹកថ្ងៃទី២២ ខែមិថុនា ឆ្នាំ២០២១ កម្លាំងផ្នែកជំនាញ សហការជាមួយប៉ុស្តិ៍នគរបាលរដ្ឋបាលឈើទាល បានចុះដល់ចំណុចទីតាំងផ្លូវជាតិលេខ ២១B ក្នុងភូមិសាស្ត្រ ឃុំឈើទាល ស្រុកកៀនស្វាយ ឃាត់បានរថយន្តដឹកដីចំនួន ២៧គ្រឿង ធ្វើការអប់រំណែនាំ និងធ្វើកិច្ចសន្យាដល់អ្នកបើកបររថយន្តបង្កបញ្ហាបើកបរលឿន និងវ៉ាជែងកន្លែងទីប្រជុំជនតទៅទៀត នឹងឲ្យគោរពដាច់ខាតច្បាប់ចរាចរណ៍ផ្លូវគោក បើមិនគោរពតាមកិច្ចសន្យាខាងលើ ចាប់បានលើកក្រោយនឹងទទួលខុសត្រូវទាំងស្រុងចំពោះមុខច្បាប់ ដោយឥតប្រកែកតវ៉ាឡើយ ៕
ចែករំលែកព័តមាននេះ