រាជធានីភ្នំពេញ ៖ UCB ជាធនាគារពាណិជ្ជ មួយដែលបាននិងកំពុងផ្ដល់សេវាហិរញ្ញវត្ថុដល់អតិថិជនរបស់ខ្លួន ។ ដើម្បីផ្ដល់ភាពងាយស្រួល និងរហ័សទាន់ចិត្ដ ធនាគារUCB បានពង្រីកសាខាក្នុងតំបន់ដែលមានសក្តានុពលចំនួន២កន្លែងបន្ថែមទៀត គឺសាខាទឹកល្អក់ ជាសាខាទី៩ និងសាខាទឹកថ្លា ជាសាខាទី១០។
រាជធានីភ្នំពេញ ៖ UCB ជាធនាគារពាណិជ្ជ មួយដែលបាននិងកំពុងផ្ដល់សេវាហិរញ្ញវត្ថុដល់អតិថិជនរបស់ខ្លួន ។ ដើម្បីផ្ដល់ភាពងាយស្រួល និងរហ័សទាន់ចិត្ដ ធនាគារUCB បានពង្រីកសាខាក្នុងតំបន់ដែលមានសក្តានុពលចំនួន២កន្លែងបន្ថែមទៀត គឺសាខាទឹកល្អក់ ជាសាខាទី៩ និងសាខាទឹកថ្លា ជាសាខាទី១០។
លោក Chung Chi Kan បានមានប្រសាសន៍ថា ៖ «ការសម្រេចចិត្តបើកសាខាថ្មីទាំងពីរខាងលើនេះ ព្រោះតំបន់នេះជាតំបន់មានសក្តានុពល និងមានអភិជនរស់នៅច្រើន ហើយក៏ជាតំបន់ដែលប្រមូលផ្តុំទៅដោយធនាគារ និងគ្រឹះស្ថានមីក្រូហិរញ្ញវត្ថុដទៃទៀត ដែរ ដែលអាចជួយឱ្យយើងផ្សព្វផ្សាយបានងាយស្រួល។
លើសពីនេះទៀត វាជាតំបន់សេដ្ឋកិច្ចដ៏ធំមួយដែលប្រមូលផ្តុំទៅដោយខុនដូ សាលាអន្តរជាតិឯកជន រោងចក្រ ក្លិបកម្សាន្ត ផ្សារទំនើប គ្លីនិក យានដ្ឋាន មជ្ឈមណ្ឌលតាំងពិព័រណ៍ពាណិជ្ជកម្ម ក្រុមហ៊ុនធំៗ ស្ថានីយប្រេងឥន្ធនៈ និងហាងលក់ទំនិញជាច្រើនទៀតដែលសុទ្ធសឹងតែជាអតិថិជនគោលដៅ ។ ដើម្បីចាប់យកឱកាសនេះ ថ្នាក់គ្រប់គ្រងធនាគារសហពាណិជ្ជ ក.អ បានប្រមើលមើល និងវិភាគទៅលើតម្រូវការផ្នែកហិរញ្ញវត្ថុនៅក្នុងតំបន់នីមួយៗ ហើយក៏សម្រេចចិត្តបើកសាខាថ្មី២កន្លែងនេះ ដើម្បីបំពេញនូវរាល់តម្រូវការផ្នែកហិរញ្ញវត្ថុលើគ្រប់វិស័យក្នុងតំបន់» ។
លោកបន្ថែមថា ៖ «ធនាគារនឹងលើកកម្ពស់សុខុមាលភាព និងវិបុលភាពរបស់អតិថិជន ភាគទុនិក និងបុគ្គលិកតាមរយៈការផ្តល់សេវាកម្ម និងផលិតផលហិរញ្ញវត្ថុកម្រិតខ្ពស់ ក្នុងបរិយាកាសមួយប្រកបដោយសុចរិតភាព ភាពបើកទូលាយ និងយកតម្រូវការអតិថិជនជាគោល» ។
បើតាមលោក Chung Chi Kan ឱ្យដឹងថា ៖ «ធនាគាររបស់លោកនឹងពង្រីកខ្លួនក្នុងនាមជាគ្រឹះស្ថានហិរញ្ញវត្ថុមួយ និងសម្រេចឱ្យបាននូវកំណើនសេដ្ឋកិច្ចប្រកបដោយនិរន្តរភាព ដោយបន្តធ្វើយ៉ាងណាឱ្យអតិថិជនមានទំនុកចិត្តលើសពីការរំពឹងទុក ចំពោះសេវាកម្មជាន់ខ្ពស់ និង ដំណោះស្រាយផ្នែកហិរញ្ញវត្ថុនានាប្រកបដោយភាពច្នៃប្រឌិត» ។
ធនាគារ UCB ត្រូវបានបង្កើតឡើងនៅថ្ងៃទី៣១ មីនា ១៩៩៤ ស្របតាមច្បាប់នៃព្រះរាជាណាចក្រកម្ពុជា និងមានការអនុម័តយល់ព្រមដោយធនាគារជាតិនៃកម្ពុជា ។ ក្នុងរយៈពេលប៉ុន្មានឆ្នាំមកនេះ ធនាគារបានក្លាយជាគ្រឹះស្ថានហិរញ្ញវត្ថុដ៏រឹងមាំ និងប្រកបដោយទំនុកចិត្តពីសំណាក់អតិថិជន ។ បច្ចុប្បន្ននេះ ក៏បានសហការជាដៃគូជាមួយធនាគារ E.SUN ដែលជាគ្រឹះស្ថានហិរញ្ញវត្ថុដ៏ធំមួយនៅកោះតៃវ៉ាន់ ៕
ចែករំលែកព័តមាននេះ