ខេត្តស្វាយរៀង ៖ នៅថ្ងៃទី១៦ ខែមិថុនា ឆ្នាំ២០២១ រដ្ឋបាលខេត្តស្វាយរៀង បានប្រកាសអត្តសញ្ញាណអ្នកវិជ្ជមានកូវីដ១៩ ថ្មី ចំនួន២២នាក់ ស្រី១៤នាក់ ក្នុងនោះមានទារិកាអាយុ៤ខែម្នាក់វិជ្ជមានកូវីដ១៩ ចំណែកអ្នកពាក់ព័ន្ធផ្ទាល់មានចំនួន៤៩នាក់ រីឯករណីជាសះស្បើយ (គ្មាន) នេះបើតាមតាមសេចក្ដីជូនព័ត៌មានរបស់ក្រសួងសុខាភិបាលថ្ងៃទី១៦ ខែមិថុនា ឆ្នាំ២០២១ ។
គិតត្រឹមថ្ងៃទី១៥ ខែមិថុនា ២០២១ ខេត្តស្វាយរៀង មានអ្នកវិជ្ជមានកូវីដ១៩សរុប១,៣១១នាក់ ក្នុងនោះស្រី៧៥៥នាក់ ជាសះស្បើយសរុប៨៧១នាក់ ស្រី៥០៩នាក់ និងកំពុងសម្រាកព្យាបាលចំនួន៤៣២នាក់ ស្រី២៤៤នាក់ ករណីស្លា.ប់៧នាក់ ក្នុងនោះស្រី២នាក់។
ចំពោះអ្នកវិជ្ជមានកូវីដ១៩ ចំនួន២២នាក់ខាងលើ ត្រូវបានបញ្ជូនទៅសម្រាកព្យាបាលនៅមន្ទីរពេទ្យស្រុកស្វាយជ្រំចំនួន០៦នាក់, បញ្ជូនទៅមន្ទីរពេទ្យបង្អែកសាមគ្គីរំដួលចំនួន០៥ និងបញ្ជូនទៅមជ្ឈមណ្ឌលព្យាបាលកូវីដ១៩ ក្រុងបាវិតចំនួន១១នាក់។
ដើម្បីទប់ស្កាត់ការឆ្លងរីករាលដាលកូវីដ១៩ ទៅសហគមន៍ រដ្ឋបាលខេត្តស្វាយរៀង សូមអំពាវនាវដល់បងប្អូនប្រជាពលរដ្ឋដែលពាក់ព័ន្ធជាមួយអ្នកជំងឺកូវីដ-១៩ ខាងលើ ដោយផ្ទាល់ ឬប្រយោល សូមធ្វើចត្តាឡីស័កតាមដានសុខភាព និងអនុវត្តតាមវិធានការណែនាំរបស់ក្រសួងសុខាភិបាល និងវិធានការ «៣ការពារ ៣កុំ» របស់សម្ដេចតេជោ ហ៊ុន សែន។
ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ១៩ ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាកដែលនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ តាមរយៈលេខទូរស័ព្ទ 044 712 522 ឬ 097 503 4567 ដើម្បីមានវិធានការណ៍បន្ត។
សម្រាប់អ្នកដែលគ្មានរោគសញ្ញា សូមដាក់ខ្លួននៅដាច់ដោយឡែក និងតាមដានសុខភាពរបស់ខ្លួនរយៈពេល១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ សូមមើលលម្អិតនៅខាងក្រោម ៖
ចែករំលែកព័តមាននេះ