ពលៈ៥អង្គគឺជាឥន្ទ្រិយដែលមានកម្លាំងខ្លាំងក្លាដែលអាចកើតមានចំពោះតែបុគ្គលដែលធ្លាប់បដិបត្តិធម៌ជាយូរមកហើយដោយមានការវឹកហាត់ ថ្នឹកស្ទាត់ជំនាញ ។ តួពលៈ៥អង្គនោះមាន៖
១-សទ្ធាពលៈ ការចាប់ផ្តើមចម្រើនធម៌មិនរើសពេលវេលា មិនថាយប់ឬថ្ងៃ ត្រជាក់ឬក្តៅ មានកម្លាំង ឬហេវហត់ ឈឺឬជា យ៉ាងណាមិញហាក់បីដូចជាទឹករលកប្រដេញគ្នាមិនចេះឈប់ ។
២-សតិពលៈ សតិមានការប្រុងប្រយ័ត្នជានិច្ច គ្រប់ពេល ឃ្លាំរង់ចាំមើលអារម្មណ៍ឥតស្រាកស្រាន្ត យ៉ាងណាមិញហាក់បីដូចជាកូនកំពង់រង់ចាំមើលផ្លូវម្តាយ ត្រឡប់មកពីផ្សារ ។
៣-សមាធិពលៈ ការតម្កល់ចិត្តឱ្យមូលក្នុងអារម្មណ៍មិនចេះរាយមាយ នឿយណាយ ធុញទ្រាន់ យ៉ាងណាមិញហាក់បីដូចជាស្រមោលអន្ទោលតាមប្រាណ ។
៤-វីរិយពលៈ មានការព្យាយាមជំនួយដល់សទ្ធាពលៈក្នុងកិច្ចចាប់ផ្តើម ឥតស្រាកស្រាន មិនរវីរវល់ជាមួយនឹងពេលវេលា មិនចេះនឿយហត់ គ្មានទីបញ្ចប់ យ៉ាងណាមិញហាក់បីដូចជាទឹកហូរមិនចេះហត់ ។
៥-បញ្ញាពលៈ បញ្ញាមានភាពភ្លឺស្វាង ឆ្លាតវៃ រំពៃ រង់ចាំពិចារណាធម៌ ការកើតរលត់នៃសង្ខារធម៌ តាមទ្វារទាំង៦រហូតដល់បានកម្លាំងបញ្ញា អាចកាត់ផ្តាច់កិលេសបានជាស្ថាពរ យ៉ាងណាមិញហាក់បីដូចជា ព្រះសុរិយាចែងចាំងរស្មីមិនចេះឈប់ឈរ ៕ សាន សារិន
ចែករំលែកព័តមាននេះ