ទិដ្ឋភាព​ប្រាសាទនាគព័ន្ធ​៖ ទេសភាព​វប្បធម៌ នា​សតវត្សរ៍​ទី​១២ រំលេច​ជាថ្មី នៅ​សតវត្សរ៍​ទី​២១ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ទិដ្ឋភាព​ប្រាសាទនាគព័ន្ធ​៖ ទេសភាព​វប្បធម៌ នា​សតវត្សរ៍​ទី​១២ រំលេច​ជាថ្មី នៅ​សតវត្សរ៍​ទី​២១

3 អាទិត្យ មុន
  • Siem Reap

ខេត្តសៀមរាប​៖ កាលពី​អំឡុង​នា​ឆ្នាំ​២០០៧ បារាយណ៍​ជ័យ​តា​ដាក ហៅ បារាយណ៍​ខាងជើង ត្រូវបាន​អាជ្ញាធរ​ជាតិ​អប្សរា លើក​តម្លៃ និង​បន្ត​តួនាទី​ដើម​របស់ខ្លួន​ឡើងវិញ តាមរយៈ​ការជួស ជុល​ប្រព័ន្ធ​បង្ហូរទឹក​បុរាណ​ឡើងវិញ…

ខេត្តសៀមរាប​៖ កាលពី​អំឡុង​នា​ឆ្នាំ​២០០៧ បារាយណ៍​ជ័យ​តា​ដាក ហៅ បារាយណ៍​ខាងជើង ត្រូវបាន​អាជ្ញាធរ​ជាតិ​អប្សរា លើក​តម្លៃ និង​បន្ត​តួនាទី​ដើម​របស់ខ្លួន​ឡើងវិញ តាមរយៈ​ការជួស ជុល​ប្រព័ន្ធ​បង្ហូរទឹក​បុរាណ​ឡើងវិញ ហើយ​អាងទឹក​ទាំង​ប្រាំ​នៃ​ប្រាសាទនាគព័ន្ធ អាច​រក្សា​ទឹកបាន​ខួបប្រាំងខួបវស្សា​។ កិច្ចការ​នេះ ត្រូវបាន​ចាប់ផ្តើម បន្ទាប់ពី​អ្នកជំនាញ​ទឹក​នៃ​អាជ្ញាធរ​ជាតិ​អប្សរា បាន​រកឃើញ​ប្រព័ន្ធ​បង្ហូរទឹក​បុរាណ កាលពី​ឆ្នាំ​២០០៥​។

ការ​នេះ ធ្វើឱ្យ​បារាយណ៍​មាន​ទេសភាព នា​ដើមរដូវ​វស្សា ដែល​ភ្លៀង​ចាប់ផ្តើម​ធ្លា​ក់មក រុក្ខជាតិ​ជុំវិញ ចាប់ផ្តើម​បញ្ចេញ​ពណ៌ បៃតង​ខៀវខ្ចី ដ៏​ស្រស់បំព្រង គួរ​ជាទី​គយគន់ ដែល​អាច​អន្ទង​អារម្មណ៍​ភ្ញៀវទេសចរ​ជាតិ និង​អន្តរជាតិ នៅពេលដែល​បាន​ទៅ​ទស្សនា​ប្រាសាទនាគព័ន្ធ​។

​គួររំឭកថា បារាយណ៍​ជ័យ​តា​ដាក បារាយណ៍​ខាងជើង ស្ថាបនា​ឡើង​ក្នុង​រាជ្យ​ព្រះបាទ​ជ័យវរ្ម័ន​ទី​៧ អស់​រយៈកាល​ជិត​មួយ​ពាន់​ឆ្នាំ​មកហើយ និង​មាន​បណ្តោយ ៣៦០០​ម ទទឹង ៩៣០​ម​។ បច្ចុប្បន្ន បារាយណ៍​នេះ កំពុង​ដើរតួ​យ៉ាងសំខាន់ ដើម្បី​ទ្រទ្រង់​កិច្ចការ​អភិរក្ស​ក្នុង​តំបន់​រមណីយដ្ឋាន​បេតិកភណ្ឌ​ពិភពលោក​អង្គរ​៕ ច័ន្ទ រស្មី​

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture