រាជធានីភ្នំពេញ ៖ ដើម្បីឲ្យអតិថិជនរបស់ខ្លួនចូលរួមធ្វើម៉ូដសក់ដោយសេរី ហាងសុជាតិសាឡន បានធ្វើការបង្ហាញផលិតផលសាប៊ូកក់សក់ និងក្រែមបន្ទន់សក់ Dove ជូនដល់សាធារណជនរយ:ពេលពីរថ្ងៃ គឺថ្ងៃទី២៩ និងទី៣០ តុលា
រាជធានីភ្នំពេញ ៖ ដើម្បីឲ្យអតិថិជនរបស់ខ្លួនចូលរួមធ្វើម៉ូដសក់ដោយសេរី ហាងសុជាតិសាឡន បានធ្វើការបង្ហាញផលិតផលសាប៊ូកក់សក់ និងក្រែមបន្ទន់សក់ Dove ជូនដល់សាធារណជនរយ:ពេលពីរថ្ងៃ គឺថ្ងៃទី២៩ និងទី៣០ តុលា ២០១៥ មកនេះ នៅផ្សារទំនើបអ៊ីអនម៉លចាប់ពីម៉ោង១០ព្រឹករហូតដល់ម៉ោង៨យប់។
លោកស្រី គង់ កូលីន ជាអ្នកជំនាញខាងម៉ូដសក់នៅហាងសុជាតិសាឡន បានធ្វើបទបង្ហាញឲ្យដឹងថា មានកត្តាជាច្រើនដែលធ្វើឲ្យសក់ខូច ដូចជាកំដៅពីម៉ាស៊ីនកក់សក់ ឬម៉ាស៊ីនផ្លុំសក់ សាធាតុគីមីដែលមាននៅក្នុងផលិតផលតុបតែងសក់មានដូចជា ប្រាយបាញ់សក់ ថ្នាំលាបពណ៌សក់ ហើយនិងកត្តាធម្មជាតិជាច្រើនទៀត ដូចជាកំដៅពីព្រះអាទិត្យ ផ្សែងពុលផ្សេងៗដែលយើងមិនអាចជៀសផុត។ លោកស្រី កូលីន បានបញ្ជាក់ថា កត្តាទាំងនេះ យើងមិនអាចបញ្ឈប់ពួកគាត់ពីការធ្វើសក់បាននោះទេ ពួកគាត់អាចនៅតែបន្តធ្វើសក់តាមចំណង់ចិត្តរបស់ពួកគាត់។ តែទោះយ៉ាងណា សម័យបច្ចុប្បន្នក្រុមអ្នកស្រាជ្រាវបានរកឃើញផលិតផលដែលអាចថែរក្សាសុខភាពសក់បាន។
លោកស្រី សំសុជាតិតា ប្រធានផ្នែកទីផ្សារនៃក្រុមហ៊ុនយូនីលីវើ បានមានប្រសាសន៍ឲ្យដឹងថា ឈុតសាប៊ូកក់សក់ Dove Intense Hair Repair មានប្រសិទ្ធភាពទ្វេដង និងថែបំប៉នសរសៃសក់ពីខាងក្រៅដល់ស្រទាប់ខាងក្នុងធ្វើឲ្យសក់ទន់រលោង និងមានសុខភាពល្អឡើងវិញ ពិសេសបុរសស្រីអាចលេងម៉ូដសក់បានតាមចិត្ត ដោយមិនអាចបារម្ភពីបញ្ហាសក់ខូចទៀតទេ។
ក្រុមហ៊ុនយូនីវើ គឺជាក្រុមហ៊ុនឈានមុខគេនៅក្នុងពិភពលោកខាងផ្នែកផ្គត់ផ្គង់ផលិតផលប្រើប្រាស់ដែលមានប្រតិបត្តិការជាង១៨០ប្រទេស និងមានផលិតផលម៉ាក់ល្បីៗលើពិភពលោក ហើយមានការប្រើប្រាស់ជាង២០លានដងក្នុងមួយថ្ងៃនៅជុំវិញពិភពលោក។ ការប្តេជ្ញាចិត្តរបស់ក្រុមហ៊ុន គឺជាការបង្កើតអនាគតថ្មីដ៏ប្រសើរ និងជួយឲ្យអ្នកប្រើប្រាស់មានអារម្មណ៍ល្អ ស្រស់ស្អាត និងភាពពេញលេញដល់ជីវិត។
គួរបញ្ជាក់ផងដែរថា ក្នុងពិធីបង្ហាញសាប៊ូកក់សក់ Dove ហាងសុជាតិសាឡន ដែលជាហាងល្បីប្រចាំនៅទីក្រុងភ្នំពេញ បានផ្តល់ភាពសប្បាយជូនដល់អតិថជនដែលបានចូលរួមបានការថតរូបកម្សាន្ត និងផ្តិតរូបភ្លាមៗដោយឥតគិតថ្លៃ ព្រមទាំងទទួលបានសាប៊ូកក់សក់ និងក្រែមបន្ទន់សក់ប្រើសាកល្បងទៀតផង៕
ចែករំលែកព័តមាននេះ