នៅល្ងាចថ្ងៃទី២៤ តុលា ២០១៥ នៅសណ្ឋាគា ជូលីណា រាជធានីភ្នំពេញ មានរៀបចំអង្គសិក្ខាសិលាមួយ ដម្បីបង្ហាញផលិតផលកសិកម្មដល់អាជីវករជាម្ចាស់ដេប៉ូដែលមកពីបណ្តារខេត្តនានាក្នុងប្រទេសកម្ពុជា ដោយក្រុមហ៊ុន ច័ន្ទឬទ្ធីត្រេឌីង ផ្គត់ផ្គង់ចំណីសត្វ ថ្នាំសត្វ ជី និងថ្នាំកសិកម្ម ។
លោកច័ន្ទ សុទ្ធី អគ្គនាយកក្រុមហ៊ុន ច័ន្ទឬទ្ធីត្រឌីង បានឲ្យដឹងថា ក្រុមហ៊ុនរបស់លោកកំពុងសហការជាមួយក្រុនហ៊ុន Zenith Crop Seienes Bulgaria ហើយបានដាក់ឲ្យដំណើរការផលិតផលកសិកម្ម មកពីប្រទេសប៊ុលហ្គារី នៅព្រះរាជាណាចក្រកម្ពុជាយើងនេះ ។ លោកច័ន្ទ សុទ្ធី ក៏បានជំរាបជូនខ្លះៗពីប្រវត្តិរបស់ក្រុមហ៊ុន ច័ន្ទឬទ្ធីត្រេឌីង ដែរថា ក្រុមហ៊ុនបានចាប់ផ្តើមប្រកបអាជីវកម្មចំណីសត្វនៅចន្លោះ ឆ្នាំ១៩៩២ ដែលសកម្មភាពអាជីវកម្មមានសណ្ឋានជាលក្ខណ:គ្រួសារដល់ឆ្នាំ២០០៤ បានផ្លាស់ប្តួរទៅជាក្រុមហ៊ុន ច័ន្ទឬទ្ធីត្រេឌីង ដោយមានការអនុញ្ញាតពីក្រសួងកសិកម្ម រុក្ខាប្រមាញ់ និងនេសាទ។ នៅឆ្នាំ២០០៦ ក្រុមហ៊ុនបានសហការធ្វើជំនួញជាមួយក្រុមហ៊ុនដំរីក្រហមនៃប្រទេសថៃ ក្រោយមកទៀត នៅក្នុងឆ្នាំ២០១១ បានសហការជាមួយក្រុមហ៊ុន Du pont រហូតដល់បច្ចុប្បន្ន ។ ជាក់ស្តែងពេលនេះ ក្រុមហ៊ុន ច័ន្ទឬទ្ធីត្រេឌីង បានសហការជាមួយក្រុមហ៊ុន Zenith Crop Sciences Bulgria ជាស្តង់ដាអន្តរជាតិ និងសហគមន៍អឺរ៉ុបក្នុងប្រទេសជាង៥០ នៅអឺរ៉ុបកណ្តាល ខាងជើង តំបន់អាស៊ី អាហ្វ្រិក អូស្ត្រាលី តំបន់ខាងជើង និងកណ្តាល រួមទាំងតំបន់អាមេរិកខាងត្បូង ។ ឥឡូវនេះ ក្រុមហ៊ុនកំពុងកាន់កាប់ការចុះបញ្ជីស្របច្បាប់ផ្ទាល់ខ្លួននូវផលិតផលជាច្រើនជាង៨០ រួមមានថ្នាំកម្ចាត់ស្មៅ កម្ចាត់ជំងឺ កម្ចាត់សត្វល្អិត ជីកសិកម្ម និងផលិតផលសម្រាប់សុខភាព។ លោកច័ន្ទ សុទ្ធី បន្តថា ការគាំទ្រ និងការប្រើប្រាស់គ្រប់ផលិតផលរបស់ក្រុមហ៊ុន ច័ន្ទរទ្ធីត្រឌីង មានន័យថា កសិករកំពុងចំណាយទៅលើការទិញ និងប្រើប្រាស់ផលិតផលដែលបង្កើនគុណភាព ផលិតកម្ម និងគុណភាពកសិផល ជាងនេះទៀត វាជាចំណែកមួយដែលអាចជួយក្នុងការពារបរិស្ថានផងដែរ ។
លោក Lvan Gelev នាយកផ្នែកលក់នៃក្រុមហ៊ុន Zenith Crop Sciences បានឲ្យដឹងថា Zenith ជាក្រុមហ៊ុនដ៏ធំមួយនៅក្នុងប្រទេសប៊ុលហ្គារី ហើយស្ថិតទ្វីបអឺរ៉ុប និងបានចែកចាយផលិតផលរបស់ខ្លួនជាង៥០ នៅលើពិភពលោក ដូច្នេះរាល់ផលិតផលទាំងអស់សុទ្ធតែស្តង់ដាអឺរ៉ុប សូមប្រជាកសិករកម្ពុជា ប្រើប្រាស់ផលិតផលរបស់ Zenith គឺទទូលបានទាំងទិន្នផលខ្ពស់ និងសុខភាពល្អ ។
បន្ទាប់មក Mr Yonko Stamenow នាយកផ្នែកផលិតផលនៃក្រុមហ៊ុន Zenith crop Sciences បានបង្ហាញពីបច្ចេកទេសនៃការផលិត ការទុកដាក់ ការប្រើប្រាស់ដល់អាជីវករដែលជាម្ចាស់ដេប៉ូទាំងអស់ឲ្យយល់ពីរបៀបប្រើប្រាស់ និងណែនាំបន្តដល់កសិករដែលជាអ្នកប្រើប្រាស់ផ្ទាល់ឲ្យបានជ្រាប ចៀសវាងការខាតបង់ធ្វើឲ្យប៉ះពាល់សុខភាព និងបរិស្ថាន ។ ចុងបញ្ចប់នៃកម្មវិធីបានចាប់ឆ្នោតផ្សងសំណាង មានទូរស័ព្ទ IPhone 6 plus មួយរង្វាន់ បានទៅលើឈ្មោះតាំង សុអៀង ម្ចាស់ដេប៉ូនៅដុំដែក ខេត្តសៀមរាប និងរង្វាន់មួយចំនួនទៀត ៕
ចែករំលែកព័តមាននេះ