ខេត្តស្វាយរៀង៖ នៅវេលាម៉ោង ២រំលងអាធ្រាត្រ ឈានចូលថ្ងៃទី២៦ ខែមេសា ឆ្នាំ២០២១ ក្រុមគ្រូពេទ្យនៃមន្ទីរពេទ្យបង្អែកខេត្តស្វាយរៀង បានជួយសម្រាលកូនជូនស្ដ្រី ជាជនជាតិខ្មែរម្នាក់ ដែលកំពុងធ្វើចត្តាឡីស័ក ដោយទទួលបានជោគជ័យហើយ។ នេះជាករណីលើកទី៤ សម្រាប់មន្ទីរពេទ្យបង្អែក ខេត្តស្វាយរៀង ដែលបានជួយសម្រាលកូនដល់អ្នកធ្វើចត្តាឡីស័ក។
សូមបញ្ជាក់ថា ស្ត្រី ដែលកំពុងធ្វើចត្តាឡឺស័ក ហើយបានសម្រាលកូននេះ រស់នៅភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង។ កូនប្រុសម្នាក់នេះ មានទម្ងន់ ២.៩ គីឡូក្រាម។
ស្ត្រីដែលឆ្លងទន្លេបានកូនប្រុសនេះ សូមថ្លែងអំណរគុណដល់ក្រុមក្រុមគ្រូពេទ្យនៃមន្ទីរពេទ្យបង្អែកខេត្តស្វាយរៀង ដែលបានខិតខំប្រឹងប្រែង ជួយសម្រាលកូនជូនគាត់ រហូតទទួលបានជោគជ័យ ក្នុងបរិបទកូវីដ-១៩ដ៏លំបាកនេះ៕ ដោយ៖ វ៉ាន់ ប៊ុនធឿន
ចែករំលែកព័តមាននេះ