លោក ប៉ែន លឹម ទទួលស្គាល់កំហុស យល់ព្រមដោះស្លាកលេខចេញពីរថយន្ត ឈប់ប្រើប្រាស់
រាជធានីភ្នំពេញ ៖ ប្រភពីស្នងការដ្ឋាននគរបាលរាជធានីភ្នំពេញ បានអោយដឹងថា បុរសម្នាក់ឈ្មោះ ប៉ែន លឹម អាយុ៤៩ឆ្នាំ មុខរបរនៅផ្ទះ រស់នៅសង្កាត់ឬស្សីកែវ…
រាជធានីភ្នំពេញ ៖ ប្រភពីស្នងការដ្ឋាននគរបាលរាជធានីភ្នំពេញ បានអោយដឹងថា បុរសម្នាក់ឈ្មោះ ប៉ែន លឹម អាយុ៤៩ឆ្នាំ មុខរបរនៅផ្ទះ រស់នៅសង្កាត់ឬស្សីកែវ…
រាជធានីភ្នំពេញ ៖ ប្រភពីស្នងការដ្ឋាននគរបាលរាជធានីភ្នំពេញ បានអោយដឹងថា បុរសម្នាក់ឈ្មោះ ប៉ែន លឹម អាយុ៤៩ឆ្នាំ មុខរបរនៅផ្ទះ រស់នៅសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ដែលបានប្រើប្រាស់ស្លាកលេខមិនត្រឹមត្រូវ បំពាក់លើរថយន្តរបស់ខ្លួនម៉ាក Highlander ពណ៌ស និងបានប្រើប្រាស់សម្តីមិនសមរម្យ នៅលើបណ្តាញសង្គមហ្វេសបុក នៅវេលាម៉ោង ៤រសៀលថ្ងៃទី២៤ ខែមេសា ឆ្នាំ២០២១នេះ ត្រូវបានសមត្ថកិច្ច នៃអធិការដ្ឋាននគរបាលខណ្ឌឫស្សីកែវ ធ្វើការកោះហៅ ដើម្បីចូលខ្លួនមកបំភ្លឺចំពោះមុខសមត្ថកិច្ច ។
បុរសឈ្មោះ ប៉ែន លឹម ក៏បានទទួលស្គាល់នូវកំហុសនេះ និងបានដោះស្លាកលេខមិនត្រឹមត្រូវនេះចេញ ដោយបានធ្វើកិច្ចសន្យា និងសុំទោសជាសារណៈ ចំពោះការពាក់ស្លាកលេខមិនត្រឹមត្រូវនេះ ហើយក៏បានធ្វើការថតជាវីដេអូសុំទោសជាសាធារណៈ ចំពោះការប្រើប្រាស់ពាក្យសម្តីមិនសមរម្យ នៅលើបណ្តាញសង្គម ដោយមូលហេតុសុខភាពលើសឈាមផង ស្លាប់មួយចំហៀងខ្លួនផង និងកំពុងលេបថ្នាំសរសៃប្រសាទផង ក្រោយពីធ្វើការណែនាំអប់រំ ធ្វើកិច្ចសន្យា និងសុំទោសរួចរាល់សមត្ថកិច្ចក៏បានអនុញ្ញាតឲ្យគាត់វិលត្រឡប់ទៅគេហដ្ឋានវិញ ។
សូមបញ្ជាក់ដែរថា កាលពីថ្ងៃទី២៣ មេសា ២០២១ម្សិលមិញនេះ លោក គង់ វិមាន អនុរដ្ឋលេខាធិការ ក្រសួងសាធារណការ និងដឹកជញ្ជូន បានបង្ហោះរូបភាពស្លាករថយន្ត នៅលើហ្វេសប៊ុក និងបញ្ជាក់ច្បាស់ថា “ក្រសួងសាធារណការ និងដឹកជញ្ជូន មិនមានគោលការណ៏ ឬច្បាប់ណា ដែលអនុញ្ញាតអោយប្រើប្រាស់ប្រភេទស្លាកលេខរថយន្តពិសេសផ្ទាល់ខ្លួនរបៀបនេះទេ ។ នេះជាស្លាកលេខក្លែងក្លាយ ដែលអ្នកប្រើប្រាស់ ធ្វើអោយប៉ះពាល់យ៉ាងធ្ងន់ធ្ងរដល់ស្ថាប័នរដ្ឋ និងគណបក្ស ។ លោក បានស្នើអោយសមត្ថកិច្ចចាត់វិធានការតាមផ្លូវច្បាប់ជាបន្ទាន់” ៕
ចែករំលែកព័តមាននេះ