មនុស្សពួកខ្លះខ្វះគុណធម៌ ពួកគេតែងប្រឹងនិយាយបំផ្លើសប្រាសចាកការណ៍ពិត វាយប្រហារអ្នកដទៃដោយប្រការផ្សេងៗ ហើយលើកតម្កើងខ្លួនឯងដូចដងទង់ នោះក៏ព្រោះតែគាត់ចង់ឱ្យគេដឹងថា គាត់ខ្លាំង គាត់ល្អជាងអ្នកដទៃ ទើបគាត់ខំប្រឹងនិយាយប្រាប់គេទាំងខ្វះសច្ចធម៌ ។
នេះប្រហែលជាគាត់ភ្លេចគិតថា អ្នកខ្លាំងពិត គេមិនដែលអួតទេ អ្នកល្អពិតក៏គេមិនចាំបាច់អួតថាខ្លួនឯងល្អដែរ ចំណែកអ្នកមានពិត ក៏គេមិនចេះអួតដែរ ។ ការដែលយើងនិយាយពាក្យមិនពិតកុហកអ្នកដទៃបែបនេះ ទោះជាថ្ងៃនេះគេអាចមិនដឹងមែន តែថ្ងៃណាមួយគង់នឹងគេដឹងព្រោះការណ៍ពិតនៅតែជាការណ៍ពិតមិនឋិតនៅឆ្ងាយឡើយ ។
សច្ចធម៌ជាគុណធម៌ដ៏ប្រពៃ សម្ដីពិតបញ្ជាក់ពីសេចក្តីថ្លៃថ្នូររបស់មនុស្សត្រឹមត្រូវ តែសម្ដីមុសា លាភពណ៌អ្នកដទៃ គឺបញ្ជាក់ពីសន្តានមនុស្សអត់តម្លៃ ៕ សាន សារិន
ចែករំលែកព័តមាននេះ