កាលពីរសៀលថ្ងៃទី០៤ តុលា ២០១៥ នៅសណ្ឋាគាណាហ្គាវើល ក្រុមហ៊ុន អែលខេនអន្តរជាតិកម្ពុជា (ELKEN International Cambodia Co.,Ltd) បានរៀបចំកម្មវិធីសម្ពោធផលិតផលថ្មីរបស់ខ្លួនដែលផលិតផលនេះ ជាផលិតផលរបស់សហរដ្ឋអាមេរិក ដែលជាប្រភេទម៉ាស៊ីនចម្រោះទឹកស្អាតអាចជៀសផុតពីជំងឺរាគរុស។
លោកស៊ុន ណារ៉ា អ្នកគ្រប់គ្រងក្រុមហ៊ុន ELKEN ប្រចាំនៅកម្ពុជា បានលើកឡើងថា មូលហេតុដែលក្រុមហ៊ុនសម្រេចចិត្តនាំយកម៉ាស៊ីនចម្រោះទឹកប្រភេទ បាយអូព្យួ អ៊ុលត្រា មកកម្ពុជានេះ គឺលោកចង់ពង្រីកទីផ្សារបស់ក្រុមហ៊ុនអែលខេន តែអ្វីដែលពិសេសជាងនេះ គឺលោកចង់ឲ្យសុខភាពរបស់ប្រជាពលរដ្ឋមានសុខភាពល្អជៀសឆ្ងាយអំពីជំងឺរាគរុស។ បច្ចុប្បន្ននេះ លោកសម្លឹងឃើញថា ការបរិភោគទាំងអាហារ និងទឹកមានការកង្វះអនាម័យច្រើនសម្រាប់ប្រជាពលរដ្ឋ ដូច្នេះអាចនឹងប្រឈមទៅនឹងជំងឺផ្សេងៗជាច្រើនទៀត ដែលបណ្តាលមកពីការទទួលទានទឹកនេះ។
ដោយឡែកលោក Michael R.Long អនុបណ្ឌិតជំនាញឯកទេសទឹកស្អាតអន្តជាតិ បានប្រាប់ឲ្យដឹងថា មនុស្សគ្រប់គ្នានៅទូទាំងពិភពលោកយើងនេះ គឺត្រូវការទឹកជាចាំបាច់ ហើយនៅក្នុងរាងកាយរបស់មនុស្សយើង គឺមាន២ភាគ៣ ត្រូវបានបង្កើតឡើងដោយទឹក ដូច្នេះបើសិនជាមនុស្សម្នាក់មានទំងន់១០០គីឡូក្រាម ក្នុងនោះមាន៧៥គីឡូ គឺជាជាតិទឹក។ ដោយសារតែក្នុងរាងកាយមនុស្សសំបូរទៅដោយជាតិទឹកច្រើន ហើយទឹកដែលទទួលទានអាចមានការប៉ះពាល់ច្រើនទៅដល់សុខភាពនុស្សយើងផងដែរ បើសិនជាទឹកនោះមានមេរោគ គឺអាចបណ្តាលឲ្យមានជំងឺរាគរុស ក្អួតចង្អោរ និងជំងឺផ្សេងៗទៀត។
លោក Michael R.Long បានបន្តទៀតថា នៅទូទាំងពិភពលោកយើងនេះ មិនមានប្រទេសណាដែលមានប្រព័ន្ធទឹកស្អាត ហើយគ្មានមេរោគនោះទេ សូម្បីតែប្រទេសជឿនលឿនក៏ដោយ គឺសុទ្ធតែមានបញ្ហាទឹកទាំងអស់ ដែលមាន១ភាគរយគឺយកទៅទទួលទាន ហើយ៩៩ភាគរយគឺយកទៅប្រើប្រាស់ការងារប្រចាំថ្ងៃ ។ ដោយឡែកសម្រាប់ម៉ាស៊ីនចម្រោះទឹកប្រភេទបាយអូព្យួ អ៊ុលត្រា គឺជាប្រព័ន្ធចម្រោះទឹកស្អាតបំផុត នៅក្នុងការប្រើប្រាស់ប្រចាំថ្ងៃដែលអាចយកទៅដាំស្លរ ទទួលទាន ឆុងកាហ្វេ តែ បានយ៉ាងមានប្រសិទ្ធភាពមិនមានមេរោគអ្វីទាំងអស់ និងអាចជៀសផុតអំពីជំងឺផ្សេងៗជាច្រើនដែលបណ្តាលមកពីការទទួលទានទឹកមិនស្អាត។
សូមបញ្ជាក់ថា ម៉ាស៊ីនចម្រោះទឹក បាយអូព្យួ អ៊ុលត្រា មានឈ្មោះជាផលិតដែលទទួលបានភាពល្បីល្បាញជាង១៥ឆ្នាំមកហើយ និងមានចំនួនអ្នកប្រើប្រាស់រហូតដល់ទៅជាង៣លាននាក់ ដែលត្រូវបានផលិតឡើងតាមស្តង់ដារអន្តរជាតិ ISO 9001 និងស្របតាមបទដ្ឋាននៃសមាគមគុណភាពទឹកស្អាតដែលមានគោលដៅតែមួយគត់ គឺផលិតចេញជាប្រភេទផលិតមួយដែលល្អជាងគេបំផុតលើពិភពលោក៕
ចែករំលែកព័តមាននេះ