រាជធានីភ្នំពេញ ៖ ក្របខណ្ឌកំពូលក្នុងប្រទេសអង់គ្លេស EPL ជាការប្រកួតបាល់ទាត់ដ៏ធំ និងអស្ចារ្យបំផុតដែលមិនអាចរំលងបាន ប្រព្រឹត្តទៅកាលពីថ្ងៃអាទិត្យ ទី០៤ តុលា ២០១៥ រវាងក្រុមកាំភ្លើងធំ Arsenal និងក្រុមបិសាចក្រហម Manchester United បានធ្វើការផ្សាយបន្តផ្ទាល់នៅ SINGHA Stadium ដែលមានទីតាំងនៅអគារតាំងពិព័រណ៌កោះពេជ្រ ។
Singha Stadium គឺជាព្រឹត្តិការណ៍ជួបជុំទស្សនាការប្រកួតបាល់ទាត់ដ៏ធំដែលអ្នកគាំទ្រកម្ពុជារាប់ពាន់នាក់ទន្ទឹងរង់ចាំ ជាកន្លែងដែលអ្នកគាំទ្រទស្សនា និងជួបជាមួយបរិយាកាសដ៏រំជើបរំជួលពិតប្រាកដនៃការប្រកួតបាល់ទាត់នៃក្របខណ្ឌកំពូលក្នុងប្រទេសអង់គ្លេស ។ អ្នកទស្សនាទាំងអស់បានហ៊ោកញ្ជៀវយ៉ាងកងរំពងដែលបង្ហាញពីការគាំទ្រដ៏ស្មោះស្ម័គ្រចំពោះក្រុមដែលខ្លួនស្រឡាញ់នៅមុខអេក្រង់ដ៏ធំ ងាយស្រួលទស្សនារាល់សកម្មភាពនៅលើទីលានវាលស្មៅនៃប្រទេសអង់គ្លេស ។ អ្នកគាំទ្រនៅកម្ពុជាទាំងអស់សុទ្ធតែបានសម្តែងអារម្មណ៍ភ្ញាក់ផ្អើលរបស់ខ្លួនថា Singha Stadium គឺពិតជាកន្លែងអស្ចារ្យបំផុតសម្រាប់ការជួបជុំទស្សនាការប្រកួតបាល់ទាត់ ។
អ្វីដែលកាន់តែអស្ចារ្យទៅទៀតនោះ អ្នកចូលរួមទាំងអស់មានភាពរីករាយយ៉ាងខ្លាំងជាមួយនឹងការប្រគំតន្ត្រីពិសេសដែលមានការចូលរួមសហការរវាងកំពូលតារាចម្រៀងក្នុងប្រទេសកម្ពុជាដូចជា លោកខេម និងកញ្ញា យូរី ដែលបានធ្វើឱ្យកក្រើកឆាកតន្ត្រីទាំងមូល ខណៈដែលអ្នកទស្សនារាប់ពាន់នាក់នៅខាងមុខឆាកសប្បាយរីករាយជាមួយនឹងការពិសាស្រាបៀរសឹង្ហា ដ៏ឆ្ងាញ់ត្រជាក់ជាមួយមនុស្សជាទីស្រលាញ់។
សូមបញ្ជាក់ថា សម្រាប់ព្រឹត្តិការណ៍ដ៏ធំ និងមានតែមួយក្នុងប្រទេសកម្ពុជានេះ សំបុត្រចូលរួមទស្សនាមានតម្លៃត្រឹមតែ៦.០០០រៀលប៉ុណ្ណោះ និងទទួលបានស្រាបៀរសឹង្ហា២កំប៉ុងដោយឥតគិតថ្លៃ រួមជាមួយឱកាសទិញស្រាបៀរសឹង្ហាក្នុងតម្លៃពិសេសភ្ជាប់ជាមួយការផ្តល់ជូនផ្សេងៗផងដែរ ។ លើសពីនេះទៅទៀត អ្នកចូលរួមទាំងអស់មានឱកាសឈ្នះរង្វាន់ទ្វេរដងពីស្រាបៀរសឹង្ហា។ រាល់ពេលជាវស្រាបៀរសឹង្ហា មានឱកាសឈ្នះរង្វាន់ធំពីការចាប់ឆ្នោត និងឱកាសឈ្នះរង្វាន់ជាច្រើនទៀតពីការកោសសន្លឹកប័ណ្ណដូចជា អាវយឺត Man-Ut កាបូប Man-Ut តុក្កតា Man-Ut មួក បន្តោងសោរ SINGHA និង Man-Ut ក៏ដូចជា ឆ័ត្រ និងអាវយឺត SINGHA ។ ក្រៅពីនោះអាចជាវស្រាបៀរសឹង្ហា១ថូតូចតម្លៃ១២.០០០រៀល ទទួលបានឆ្នោតកោសផ្សងសំណាងចំនួន២សន្លឹក និង១ថូធំតម្លៃ៣៥.០០០រៀល ទទួលបានឆ្នោតផ្សងសំណាងចំនួន៦សន្លឹក។
បន្ថែមពីលើនេះ ក៏នៅមានកម្មវិធីពិសេសសម្រាប់អតិថិជនរបស់ស្រាបៀរសឹង្ហា ដោយការរាល់ការជាវស្របៀរសឹង្ហាមួយកេស នឹងទទួលបានការបញ្ចុះតម្លៃមកនៅត្រឹមតែ១៥ដុល្លារប៉ុណ្ណោះ ហើយថែមទាំងទទួលបានសន្លឹកឆ្នោត និងការកោសប័ណ្ណផ្សងសំណាងចំនួន១២សន្លឹក ។ អ្នកចូលរួមទាំងអស់ពិតជាការរីករាយចំពោះកម្មវិធីនេះយ៉ាងខ្លាំង ហើយជាក់ស្តែង «ការជាវកាន់តែច្រើន បានឈ្នះរង្វាន់កាន់តែច្រើន» ពិតប្រាកដមែន ៕
ចែករំលែកព័តមាននេះ