«ភាសាបារាំង គឺជាជំនាញដែលធ្វើឲ្យជីវប្រវត្តិរបស់អ្នកកាន់តែមានភាពទាក់ទាញ ដែលវាមិនគ្រាន់តែត្រូវបានប្រើប្រាស់នៅក្នុងប្រទេសកម្ពុជា និងប្រទេសដែលនិយាយបារាំង (Switzerland, Canada…) តែប៉ុណ្ណោះទេ ប៉ុន្តែប្រទេសជាច្រើនទៀតជុំវិញពិភពលោក» នេះបើតាមការលើកឡើងនាយករបស់មជ្ឈមណ្ឌលភាសានៃវិទ្យាស្ថានបារាំងនៅកម្ពុជា។
ភាសាបារាំងជាភាសាដែលត្រូវបានយកមកប្រើប្រាស់ និងជាភាសាដែលមានប្រជាប្រិយមួយនៅប្រទេសកម្ពុជា នៅក្នុងខណៈដែលបារាំងចូលមកត្រួតត្រានៅកម្ពុជានៅអំឡុងឆ្នាំ១៨៦៣ ដល់ឆ្នាំ១៩៥៣ ដោយបាននាំយកភាសាវប្បធម៌ និងសិល្បៈមកជាមួយផងដែរ។ ឥទ្ធិពលនៃទំនាក់ទំនងរវាងប្រទេសកម្ពុជា និងប្រទេសបារាំង ប្រមាណជា៩ទស្សវត្ត ធ្វើឲ្យភាសាបារាំងក៏នៅតែមានភាពពេញនិយម និងប្រើប្រាស់នៅក្នុងប្រទេសកម្ពុជាសឹងគ្រប់វិស័យ រហូតមកទល់ពេលបច្ចុប្បន្ននេះដែរ។
ការអប់រំ និងបណ្តុះបណ្តាលភាសាបារាំងនៅកម្ពុជា ត្រូវបានទទួលការយកចិត្តទុកដាក់យ៉ាងខ្លាំងពីសំណាក់ក្រសួងអប់រំប្រទេសបារាំង ដែលមានសហប្រតិបត្តិការជាមួយនឹងវិទ្យាស្ថានបារាំង ដើម្បីផ្តល់នូវការបណ្តុះបណ្តាល និងពង្រឹងលើវិស័យអប់រំនៅកម្ពុជា។
វិទ្យាស្ថានបារាំងនៅកម្ពុជា បានបង្កើតឡើងនៅក្នុងឆ្នាំ១៩៩០ ក្រោមឈ្មោះថា សាលាសម្ព័ន្ធភាសាបារាំង (Alliance Française) និងមជ្ឈមណ្ឌលវប្បធម៌បារាំង (Centre Culturel Français ) មុននឹងប្តូរឈ្មោះទៅជា “Institut français du Cambodge” ដោយមានការសហការរបស់ក្រសួងការបរទេសប្រទេសបារាំង។ ការចូលរួមនេះ ដើរតួនាទីយ៉ាងសំខាន់នៅក្នុងវប្បធម៌ សិល្បៈ និងការអប់រំ ក្នុងកិច្ចសហប្រតិបត្តិការរវាងប្រទេសបារាំង និងកម្ពុជា ដែលធ្វើការផ្សព្វផ្សាយពីអក្សរសាស្ត្របារាំង ខ្សែភាពយន្ត និងភាសា ក៏ដូចជាចំណេះដឹងនិងគំនិតផងដែរ។
មជ្ឈមណ្ឌលភាសារបស់វិទ្យាស្ថានបារាំងនេះ ជាមជ្ឍមណ្ឌលបណ្តុះបណ្តាលតែមួយគត់នៅកម្ពុជា ដែលផ្តល់ជូននូវសញ្ញាបត្រភាសាបារាំងជាផ្លូវការទទួលស្គាល់ពីក្រសួងអប់រំប្រទេសបារាំង និងអនុញ្ញាត្តឲ្យសិស្សានុសិស្សដាក់ពាក្យអាហារូបករណ៍ ឬកម្មវិធីនានាដែលមានតម្រូវការភាសាបារាំង។
ដើម្បីធានានូវគុណភាពខ្ពស់នៃការបណ្តុះបណ្តាល វិទ្យាស្ថានបារាំងបានផ្តល់នូវក្រុមគ្រូបង្រៀនដែលមានសញ្ញាប័ត្រផ្នែកអប់រំមានបទពិសោធន៍ជាច្រើនឆ្នាំ និងមានជំនាញវិជ្ជាជីវៈយ៉ាងច្បាស់លាស់លើការបង្រៀន។
សិស្ស និស្សិតរបស់វិទ្យាស្ថានបារាំងអាចចូលអាននៅបណ្ណាល័យពហុឯកសារដែលជាបណ្តុំឯកសារតាមតម្រូវការគ្រប់យ៉ាងសម្រាប់សិក្សា និងស្រាវជ្រាវ ផ្តល់ភាពងាយស្រួល និងជាប្រភពធនធានយ៉ាងសំខាន់ជាក្នុងការសិក្សារបស់សិស្ស និស្សិត។ លើសពីនេះទៅទៀត ពួកគេអាចទស្សនាខ្សែភាពយន្តដោយឥតគិតថ្លៃផងដែរ។ ហើយក៏មានការតាំងពិព័រណ៍ សន្និសីទ ការប្រគំតន្ត្រី ការសម្ដែងសិល្បៈ និងសកម្មភាពជាច្រើនផ្សេងទៀត។
លោក Maxime Flandin ជានាយកមជ្ឈមណ្ឌលភាសារបស់វិទ្យាស្ថានបារាំងបានមានប្រសាសន៍ថា «យើងមានគ្រូជនជាតិដើមដែលនិយាយភាសាបារាំងចំនួន១០នាក់។ ក្រុមគ្រូបង្រៀនរបស់យើង ត្រូវបានបណ្តុះបណ្តាលយ៉ាងទៀងទាត់ទៅលើយុទ្ធសាស្ត្រនៃការបង្រៀនថ្មីៗ ដើម្បីអភិវឌ្ឍលើជំនាញរបស់ពួកគេ»។
វិទ្យាស្ថានបារាំងទទួលបានសិស្សចូលរៀនចំនួន៥.០០០នាក់ជារៀងរាល់ឆ្នាំ។ លោក Maxime បានឲ្យដឹងថា «សាលារៀនរបស់យើងបានបើកអស់រយៈពេលប្រមាណជា២៥ឆ្នាំ និងបានបណ្តុះបណ្តាលសិស្សជាង២សែននាក់មកហើយ»។
គួរឲ្យកត់សម្គាល់ថា វគ្គបណ្តុះបណ្តាលនៅវិទ្យាស្ថានបារាំង ធ្វើឡើងក្នុងគោលបំណងច្បាស់លាស់ និងតាមតម្រូវការទីផ្សារ ដូចជាក្រុមហ៊ុន ក្រុមអ្នកវិជ្ជាជីវៈវ័យក្មេង និងអង្គការអន្តរជាតិ។ វាអាចប្រែប្រួលទៅតាមតម្រូវការ ឬជំនាញភាសាដ៏ជាក់លាក់សម្រាប់អ្នកដែលត្រៀមទៅសិក្សានៅប្រទេសបារាំង និងទៅធ្វើការនៅក្រុមហ៊ុនដែលនិយាយភាសាបារាំង ឬអ្នកធ្វើការជាមួយអតិថិជនបារាំង និងធ្វើឱ្យប្រសើរឡើងនូវមគ្គុទេសក៍ជំនាញភាសាបារាំង។
លោក Maxime បានមានប្រសាសន៍ថា «តាមរយៈការសិក្សាភាសាបារាំង អ្នកនឹងមិនគ្រាន់តែទទួលបានជំនាញថ្មីខាងផ្នែកភាសាប៉ុណ្ណោះទេ ប៉ុន្តែអ្នកនឹងអាចបញ្ជាក់ថា អ្នកជាផ្នែកមួយនៃប្រព័ន្ធអប់រំដែលមានការឲ្យតម្លៃខ្ពស់នៅលើទីផ្សារការងារ។ ខណៈពេលដែលមានអ្នកស្វែងរកការងារជាច្រើនអាចនិយាយភាសាអង់គ្លេស វាធ្វើឲ្យភាសាបារាំងមានការផ្លាស់ប្តូរកាន់តែប្រសើរ»។
ដោយទាក់ទងនឹងព្រឹត្តិការណ៍ប្រវត្តិសាស្ត្រ អ្នកត្រូវការភាសាបារាំង ដើម្បីធ្វើការងារក្នុងវិស័យវេជ្ជសាស្ត្រ ដែលកម្មវិធីនេះ មាននៅសាកលវិទ្យាល័យច្បាប់ និងសេដ្ឋកិច្ចបារាំង។
លោក Maxime បានបង្ហាញថា សព្វថ្ងៃនេះ ទីផ្សារការងារសម្រាប់អ្នកនិយាយភាសាបារាំងពិតជាមានភាពទូលំទូលាយ ជាក់ស្តែងទៅលើវិស័យទេសចរណ៍ (ភោជនីយដ្ឋាន សណ្ឋាគារ ពាណិជ្ជកម្ម) ដែលផ្តល់ឱកាសការងារ និងអាជីវកម្មជាច្រើន។ មិនតែប៉ុណ្ណោះ មានវិស័យការងារជាច្រើនផ្សេងទៀត ដែលនឹងស្វែងរកនិយោជិកដែលអាចនិយាយភាសាបារាំងបាន។ ជាឧទាហរណ៍ដូចជា ផ្នែកម៉ូដទំនើប វប្បធម៌ ទីផ្សារ ធានារ៉ាប់រង និងធនាគារជាដើម។
លោកបានបន្តថា «សិស្សរបស់យើងមួយចំនួនបានទទួលតំណែងខ្ពស់ៗក្នុងការងារពីក្រុមហ៊ុនធំៗ ហើយពួកគេនិយាយថា ការបណ្តុះបណ្តាលពីវិទ្យាស្ថានបារាំងពិតជាមានអត្ថប្រយោជន៍ និងធ្វើឲ្យពួកគេទទួលបានជោគជ័យ។ យើងពិតជាមានមោទនភាពចំពោះពួកគេណាស់»។
វិទ្យាស្ថានបារាំង មានបទពិសោធន៍ខាងការបង្រៀងជាង២០ឆ្នាំមកហើយ ដែលអាចបញ្ជាក់បានថា វគ្គសិក្សាទាំងអស់សុទ្ធតែមានគុណភាពខ្ពស់។ លោកនាយកមជ្ឈមណ្ឌលភាសាបានឲ្យដឹងថា កន្លងមក សិស្សមួយចំនួនធ្លាប់បានសម្រេចចិត្តផ្លាស់ទៅសិក្សានៅសាលាមួយចំនួនដែលមានតម្លៃទាបជារយៈពេល១ ឬ២វគ្គ ហើយពួកគេបានត្រឡប់មកកាន់វិទ្យាស្ថានបារាំងវិញ ដោយសារពួកគេឲ្យតម្លៃគុណភាពអប់រំជាចម្បង។
សាលារៀនជាអ្នកបង្ហាញផ្លូវក្នុងវិនិយោគទុនដ៏ធំ ដើម្បីបង្កើតអនាគតប្រកបដោយជោគជ័យ ដូច្នេះការជ្រើសរើសការបណ្តុះបណ្តាលដ៏ត្រឹមត្រូវគឺជារឿងសំខាន់។
លោក Maxime បានមានប្រសាសន៍ផ្តែផ្តាំថា «បោះទុនសម្រាប់អនាគតរបស់អ្នក ដើម្បីទទួលបានជំនាញល្អបំផុតសម្រាប់ជីវិតត្រូវជ្រើសរើសសិក្សានៅមជ្ឈមណ្ឌលភាសានៃវិទ្យាស្ថានភាសាបារាំងនៅកម្ពុជា»។
សូមអញ្ជើញមកចុះឈ្មោះចាប់ពីឥឡូវនេះតទៅសម្រាប់ជំនាញភាសាបារាំងរបស់លោកអ្នក
វិទ្យាស្ថានបារាំងនៅកម្ពុជា
ពីថ្ងៃច័ន្ទដល់ថ្ងៃព្រហស្បតិ៍្ត
ម៉ោង៨ព្រឹកដល់ម៉ោង១២ថ្ងៃត្រង់/ ម៉ោង១៤រសៀល ដល់ម៉ោង១៨ល្ងាច
ថ្ងៃសុក្រ
ពីម៉ោង៨ព្រឹកដល់ម៉ោង១២ថ្ងៃត្រង់ / ម៉ោង១៤រសៀល ដល់ម៉ោង១៧ល្ងាច
២១៨ ផ្លូវ ១៨៤ – ភ្នំពេញ – ៨៥៥ (០) ២៣ ២១៣ ១២៤/១២៥ ឬ ០១២ ៣៦៧ ៣៣៥ / ០១២ ៣៦៧ ៣៣៧
www.institutfrancais-cambodge.com
ចែករំលែកព័តមាននេះ