ការបរិច្ចាគឈាម គឺជាសកម្មភាពសប្បុរសធម៌មួយ និងមានសារសំខាន់ណាស់ សម្រាប់ជនរងគ្រោះនៅតាមមន្ទីរពេទ្យនានា ដែលត្រូវការឈាមជាចាំបាច់ ដើម្បីឆ្លើយតបតាមតម្រូវការនេះ កាលពីថ្ងៃទី២ តុលា ២០១៥ សាលាភាសាអន្តរជាតិស្តាបនា សហការជាមួយមជ្ឈមណ្ឌលជាតិផ្តល់ឈាម និងក្រុមហ៊ុនទឹកពិសា វីតាល់ បានរៀបចំកម្មវិធីមួយដែលមានឈ្មោះថា «ផ្តល់ឈាមដើម្បីសប្បុរសធម៌» នៅបរិវេណនៃសាលាភាសាអន្តរជាតិស្ថាបនាផ្ទាល់ ដោយមានការចូលរួមពីសំណាក់លោកវេជ្ជបណ្ឌិត ហុក គឹម
ចេង ប្រធានមជ្ឈមណ្ឌលជាតិផ្តល់ឈាម, លោកហេង ណាលាង នាយកសាលាភាសា អន្តរជាតិស្ថាបនា, លោកអ៊ុំ វណ្ណៈ មន្ត្រីទំនាក់ទំនងសាធារណៈនៃក្រុមហ៊ុនទឹកបរិសុទ្ធ វីតាល់ សាស្ត្រាចារ្យ និស្សិត សាធារណជន និងបុគ្គលិកនៃសាលាអន្តរជាតិស្ថាបនាជាច្រើននាក់ ។
យោងតាមរបាយការណ៍របស់មជ្ឈមណ្ឌលជាតិផ្តល់ឈាម នៃក្រសួងសុខាភិបាល បានឲ្យដឹងថា អ្នកជម្ងឺនៅគ្រប់ មន្ទីពេទ្យទាំងអស់ក្នុងរាជធានីភ្នំពេញត្រូវការឈាមប្រមាណ១០០ប្លោក ជារៀងរាល់ថ្ងៃដើម្បីព្យាបាល និងជួយសង្គ្រោះជិវិតជាបន្ទាន់។ ក្នុងនោះមានអ្នកជម្ងឺមួយចំនួនធំបានបញ្ជូនមកពីខេត្តនានាទូទាំងប្រទេសផងដែរ។
អាស្រ័យហេតុនេះហើយទើបសាលភាសាស្តាបនាបានសហការជាមួយជម្ឈមណ្ឌលជាតិផ្តល់ឈាមលើកដំបូង ដើម្បីជាអត្ថប្រយោជន៍ដល់ការជួយសង្គ្រោះជនរងគ្រោះដែលត្រូវការឈាមជាចាំបាច់។ ការបរិច្ចាគឈាមលើកនេះគឺរំពឹងថានឹងទទួលបានឈាមសប្បុរសយ៉ាងតិច៨០ប្លោក ផ្តល់ជូនដល់ជាឈាមបម្រុងសម្រាប់មជ្ឈមណ្ឌលជាតិផ្តល់ឈាម ចែកចាយដោយឥតគិតថ្លៃបន្តសម្រាប់ជួយដល់ជនដែលត្រូវការឈាមទាំងឡាយ។
ក្នុងនោះផងដែរ ក្រុមហ៊ុនទឹកពិសា វីតាល់ដែលវីតាល់ បានជួយឧបត្ថម្ភទៅដល់កម្មវិធីនេះ ក្នុងគោលបំណងលើកទឹកចិត្តដល់និសិត្ស សាស្ត្រាចារ្យ បុគ្គលិក និងសាធារណជនដើម្បីចូលរួមផ្តល់ឈាមឲ្យបានច្រើន ទៅដល់ជនរងគ្រោះដែលត្រូវការឈាម។ លោក អ៊ុំ វណ្ណៈ មន្ត្រីទំនាក់ទំនងនៃក្រុមហ៊ុនទឹកពិសា វីតាល់បានមានប្រសាសន៍ថា លោកពិតជារីករាយនៅពេលដែលបានឃើញប្អូនៗនិស្សិត ក៏ដូចជាមិត្តយុវវ័យកម្ពុជាបច្ចុប្បន្នមានការយល់ដឹងច្រើនពីអត្ថប្រយោជន៍ និងអំពើមនុស្សធម៌នៃការផ្តល់ឈាម ដែលទង្វើរនេះនឹងគឺជាសកម្មភាពវិជ្ជមានមួយពង្រឹងដល់សាមគ្គីភាពនៃប្រទេសទាំងមូល ដែលនាំទៅរកភាពអភិវឌ្ឍ និងការរីចម្រើន។
វីតាល់ក៏នៅតែបន្តគាំទ្រដល់អំពើមនុស្សធម៌ទាំងនេះឲ្យកាន់តែច្រើនដើម្បីឆ្លើយតបនឹងការគាំទ្ររបស់អតិថិជនមកលើមូលន្និធិ ២៥៛។ វីតាល់ ក៏សង្ឃឹមថា សាលាភាសាអន្តរជាតិស្ថាបនា នឹងនៅតែបន្តប្រារព្ធពិធីផ្តល់ដោយស្មគ្រ័ចិត្តនេះ ជាបន្តបន្ទាប់ទៀតជារៀងរាល់ឆ្នាំ។ វីតាល់ក៏ប្តាជ្ញាថា នឹងបន្តគាំទ្រ និងឧត្ថម្ភដល់កម្មវិធីបរិច្ចាគឈាម និងសកម្មភាពមនុស្សធម៌សង្គមផ្សេងៗទៀត ដើម្បីជាសក្ខីភាពនៃការចូលរួមរបស់អតិថិជនវីតាល់ក្នុងមូលនិធិ ២៥៛ ពីការលក់ទឹកមួយដប។
ចែករំលែកព័តមាននេះ