រាជធានីភ្នំពេញ ៖ Juicy Mercy ជាហាងលក់ទឹកផ្លែឈើស្រស់ល្បីឈ្មោះមួយនៅក្រុងសេអ៊ូល ប្រទេសកូរ៉េ បានបើកសាខាដំបូងស្ថិតនៅសង្កាត់បឹងកេងកង ហើយបានបើកពង្រីកសាខាថ្មីមួយបន្ថែមទៀត នៅក្នុងខណ្ឌទួលគោក កាលពីល្ងាចថ្ងៃទី០១ តុលា ២០១៥ បន្ទាប់ពីទទួលបានជោគជ័យ និងការទុកចិត្តពីសំណាក់ប្រជាពលរដ្ឋកម្ពុជាអស់រយៈជាយូរកន្លងមកនេះ។
នៅ Juicy Mercy សាខាថ្មីទួលគោកនេះ នឹងផ្តល់ឲ្យអតិថិជននូវទឹកផ្លែឈើស្រស់១០០% ដែលផលិតពីផ្លែឈើ និងបន្លែស្រស់ៗដោយគ្មានបន្ថែមនូវទឹកស្ករ និងសារធាតុផ្សំផ្សេងៗទៀតឡើយ។ សុខភាពជាកក្តាសំខាន់សម្រាប់មនុស្សគ្រប់រូប ហើយការពិសារនូវចំណីអាហារស្រស់ និងគ្មានសារធាតុគីមី រួមចំណែកយ៉ាងសំខាន់ដល់ការថែរក្សាសុខភាព។ លើសពីនេះ ការទទួលទាននូវទឹកផ្លែឈើស្រស់ៗដែលគ្មានជាតិគីមី និងផ្តល់នូវអត្ថប្រយោជន៍ដល់សុខភាព និងក្រុមគ្រួសារ ប៉ុន្តែវាមិនងាយស្រួលទេ ដើម្បីស្វែងរកទឹកផ្លែឈើស្រស់ៗទាំងនោះមកបិរភោគ ដើម្បីជួយដល់សុខភាពយើង។
លោក Kim Jihoon ម្ចាស់ហាង Juicy Mercy មានប្រសាសន៍ថា «ការស្វែងរកទឹកផ្លែឈើស្រស់គ្មានជាតិគីមី ពុំមែនជាបញ្ហារបស់ប្រជាពលរដ្ឋនៅកម្ពុជាទៀតទេ ព្រោះនៅតាមហាង Juicy Mercy គឺផ្តល់នូវជម្រើសល្អសម្រាប់អតិថិជន ដើម្បីទទួលបានទឹកផ្លែឈើស្រស់ និងគ្មានជាតិគីមី។ ពួកយើងផ្តោតជាសំខាន់ទៅលើសុខភាពរបស់អតិថិជន ហើយរាល់ផលិតផលរបស់ក្រុមហ៊ុន គឺសុទ្ធមានការត្រួតពិនិត្យត្រឹមត្រូវ និងគ្មានជាតិគីមី»។
ចែករំលែកព័តមាននេះ