ខេត្តព្រះសីហនុ ៖ នគរបាលបំបែកសំណុំរឿងឃា.តកម្មសម្លា.ប់ស្ត្រីម្នាក់ នៅក្នុងរណ្តៅដី តាមបណ្តោយផ្លូវសែនជ័យ ស្ថិតក្នុងភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ កាលពីថ្ងៃទី៩…
ខេត្តព្រះសីហនុ ៖ នគរបាលបំបែកសំណុំរឿងឃា.តកម្មសម្លា.ប់ស្ត្រីម្នាក់ នៅក្នុងរណ្តៅដី តាមបណ្តោយផ្លូវសែនជ័យ ស្ថិតក្នុងភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ កាលពីថ្ងៃទី៩ មេសា ឆ្នាំ២០២១ បានហើយ ក្នុងនោះនគរបាលចាប់ឃាត់ខ្លួនជនសង្សយ័ម្នាក់ជាជនដៃដល់ កាលពីវេលាម៉ោង៨ព្រឹកថ្ងៃទី១០ មេសា ឆ្នាំ២០២១ ដើម្បីចាត់ការតាមនីតិវិធី។
លោកឧត្តមសេនីយ៍ទោជួន ណារិន្ទ ស្នងការនគរបាលខេត្តព្រះសីហនុ បានឲ្យដឹងកាលពីព្រឹកថ្ងៃទី១១ មេសា ឆ្នាំ២០២១នេះថា ជនសង្ស័យឈ្មោះ កែវ ថុល ភេទប្រុស អាយុ៣៦ឆ្នាំ មុខរបរសន្តិសុខ មានស្រុកកំណើតនៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត មានទីលំនៅភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ ចំណែកជនរងគ្រោះឈ្មោះ យឹង សៅ ភេទស្រី អាយុ៣០ឆ្នាំ មុខរបរបុគ្គលិកអនាម័យ មានស្រុកកំណើតភូមិត្រពាំងគគីរ ភូមិល្បើក ស្រុកឈូក ខេត្តកំពត មានទីលំនៅភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ ។
លោកឧត្តមសេនីយ៍ទោស្នងការឲ្យដឹងតាមរបាយការស្រាវជ្រាវថា ករណីឃា.តកម្មគិតទុកជាមុននេះកើតឡើង កាលពីថ្ងៃទី៩ ខែមេសា ឆ្នាំ២០២១ វេលាម៉ោង១និង៣០នាទីរំលងអាធ្រាត្រ ក្នុងរណ្តៅដីមួយកន្លែង តាមបណ្តោយផ្លូវសែនជ័យ ភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ។
លោកស្នងការបានបន្តថា បន្ទាប់ពីទទួលព័ត៌មានខាងលើភ្លាម កម្លាំងជំនាញផែនការងារនគរបាលព្រហ្មទណ្ឌ បានសហការជាមួយកម្លាំងអធិការដ្ឋាននគរបាលស្រុកព្រៃនប់ និងកម្លាំងអធិការនគរបាលក្រុងព្រះសីហនុ ដោយមានការដឹកនាំសម្របសម្រួលនិតិវិធីពីលោក ពេញ ពិសិដ្ឋ ព្រះរាជអាជ្ញារងអមសាលាដំបូងខេត្តព្រះសីហនុ ចុះមកពិនិត្យទីតាំងកើតហេតុ ឃើញស.ពស្រី្តម្នាក់ អាយុប្រហែល៣០ឆ្នាំ ពាក់អាវយឺតដៃវែង ពណ៌លឿង ខោស្ព័រកីឡាជើងវែង មានស្លាកស្នាមអា.រក, ជាំភ្នែកខាងស្តាំ, ជាំថ្គាមខាងឆ្វេង និងជាំបបូរមាត់ផ្នែកខាងលើ ។
លោកស្នងការបានបន្តថា ឆ្លងតាមការស្រាវជ្រាវយ៉ាងយកចិត្តទុកដាក់បំផុត នៅថ្ងៃទី៩ ខែមេសា ឆ្នាំ២០២១ វេលាម៉ោង៣និង៣០នាទីរសៀល នគរបាលបានរកឃើញវិទ្យុទាក់ទងមួយគ្រឿង នៅក្នុងជង្ហុកថ្ម ក្បែរកន្លែងកើតហេតុ រួចបន្តការស្រាវជ្រាវជាបន្តបន្ទាប់ រហូតដល់សមត្ថកិច្ចកំណត់បានអត្តសញ្ញាណជនសង្ស័យ ហើយបានធ្វើការឃាត់ខ្លួនសង្ស័យនៅថ្ងៃទី ១០ ខែមេសា ឆ្នាំ២០២១ វេលាម៉ោង៨ព្រឹក។
ជនសង្ស័យបានឆ្លើយសារភាពប្រាប់នគរបាលថា ខ្លួនបានរួមរស់ជាមួយស្ត្រីរងគ្រោះរយៈពេល២ឆ្នាំហើយ ដោយមិនបានរៀបការនោះទេ មូលហេតុឈានដល់ការសម្លា.ប់ស្ត្រីរងគ្រោះនេះ គឺដោយសារខ្លួន និងជនរងគ្រោះ តែងតែមានជម្លោះនឹងគ្នាសឹងរាល់ថ្ងៃ ហើយស្ត្រីរងគ្រោះប្រើពាក្យសម្តីជេរប្រមាថតិះដៀលមកលើខ្លួន ។
ជនសង្ស័យបានបន្តថា រហូតមកដល់ថ្ងៃទី៨ ខែមេសា ឆ្នាំ២០២១ វេលាម៉ោងប្រហែល៨យប់ ខ្លួនបានបបួលស្ត្រីរងគ្រោះផឹកស៊ី រហូតដល់វេលាម៉ោង១ រំលងអាធ្រាត្រឈានចូលថ្ងៃទី៩ ខែមេសា ឆ្នាំ២០២១ ខ្លួនបានដឹកស្ត្រីរងគ្រោះទៅដេកនៅផ្ទះសំណាក់ ខណៈនោះស្ត្រីរងគ្រោះបាននិយាយថា «មុខហ្អែងគ្មានប្រាក់នាំយើងដេកផ្ទះសំណាក់ទេ មានតែដេកក្នុងព្រៃ» ។ ពេលនោះជនសង្ស័យបានជិះម៉ូតូចូលទៅកន្លែងកើតហេតុខាងលើ ដោយទ្រាំនឹងសម្តីស្ត្រីរងគ្រោះមិនបាន ខ្លួនបានធ្វើសកម្មភាពសម្លា.ប់ស្ត្រីរងគ្រោះ ដោយប្រើឧបករណ៍សាកថ្មវា.យក្បាល, វា.យភ្នែក, វា.យមាត់, យកដៃច្របាច់ក បណ្តាលឲ្យសន្លប់ បន្ទាប់មកខ្លួនយកផ្លែឡាមអា.រក រហូតដល់ស្ត្រីរងគ្រោះដាច់ខ្យល់ស្លា.ប់នៅនឹងកន្លែងកើតហេតុ រួចបានរត់គេចខ្លួន ។
បច្ចុប្បន្ន ការិយាល័យនគរបាលព្រហ្មទណ្ឌកំពុងបន្តនីតិវិធីបញ្ជូនជនសង្ស័យទៅកាន់សាលាដំបូងខេត្ត ៕
ចែករំលែកព័តមាននេះ