រាជធានីភ្នំពេញ ៖ Global Banking and Finance Review បានផ្តល់ពានរង្វាន់ចំនួន២ដល់ក្រុមហ៊ុន ស្មាត រួមមានពានរង្វាន់ ជាក្រុមហ៊ុនទូរស័ព្ទចល័តឈានមុខគេ និងជាក្រុមហ៊ុនដែលរួមចំណែកការងារសង្គម
រាជធានីភ្នំពេញ ៖ Global Banking and Finance Review បានផ្តល់ពានរង្វាន់ចំនួន២ដល់ក្រុមហ៊ុន ស្មាត រួមមានពានរង្វាន់ ជាក្រុមហ៊ុនទូរស័ព្ទចល័តឈានមុខគេ និងជាក្រុមហ៊ុនដែលរួមចំណែកការងារសង្គមខ្ពស់បំផុតនៅកម្ពុជាក្នុងឆ្នាំ២០១៥។
Global Banking and Finance Review និងទស្សនាវដ្តីអន្តរជាតិឈានមុខគេ ដែលផ្តល់ព័ត៌មាន, ការវិភាគ, កិច្ចសំភាសន៍, និងវីដេអូដែលទាក់ទងនឹងពិភពនៃធនាគារ ហិរញ្ញវត្ថុ, ពាណិជ្ជកម្ម, ការវិនិយោគ, ឈ្មួញកណ្តាល, អត្រាប្តូរប្រាក់អន្តរជាតិ, ពន្ធដារ និងច្បាប់ហិរញ្ញវត្ថុអ៊ិស្លាម និងចាត់ចែងទ្រព្យសម្បត្តិ ព្រមទាំងបច្ចេកវិទ្យា។
ពានរង្វាន់ Global Banking and Finance Review ពោលគឺផ្តោតសំខាន់ទៅលើស្ថាប័នឆ្នើមក្នុង ជំនាញឯកទេសជាក់លាក់របស់ពួកគេនៅក្នុងវិស័យឧស្សាហកម្មហិរញ្ញវត្ថុ និងបច្ចេកវិទ្យា។ ចាប់តាំងពីការចាប់ផ្តើមរបស់ខ្លួនក្នុងឆ្នាំ2011 ពានរង្វាន់នេះ បានឆ្លុះបញ្ចាំងពីការច្នៃប្រឌិត សមិទ្ធផល យុទ្ធសាស្ត្រ, ការផ្លាស់ប្តូរ និងភាពរីកចម្រើន ដែលស្ថិតក្នុងសហគមន៍របស់ Global Banking and Finance Review ។ ពានរង្វាន់នេះ ត្រូវបានបង្កើតឡើងដើម្បីធ្វើការកត់សម្គាល់ និងកោតសរសើរ ក្រុមហ៊ុនគ្រប់ទំហំទាំងអស់ដែលជាលេចធ្លោនៅក្នុងតំបន់ជំនាញជាក់លាក់ និងឧត្តមភាព ។
Wanda Rich, Editor ពី Global Banking and Finance Review បានមានប្រសាសន៍ថា «ពានរង្វាន់ Global Banking and Finance Review ពោលគឺផ្តោតសំខាន់ទៅលើស្ថាប័នឆ្នើមក្នុង ជំនាញឯកទេសជាក់លាក់របស់ពួកគេ។ ក្រុមហ៊ុន Smart Axiata បានត្រូវបានគេដាក់ឈ្មោះថា ជាក្រុមហ៊ុនទូរគមនាគមន៍កម្ពុជាឈានមុខគេ និងជាក្រុមហ៊ុនដែលរួមចំណែកការងារសង្គមខ្ពស់បំផុតនៅកម្ពុជាក្នុងឆ្នាំ២០១៥ ដោយសារតែសមិទ្ធផលលេចធ្លោរបស់ក្រុមហ៊ុននេះ នៅក្នុងផ្នែកជាច្រើននៃទូរគមនាគមន៍ និងការរួមចំណែកការងារសង្គម»។
ក្រុមហ៊ុន Smart Axiata គឺជាក្រុមហ៊ុនឈានមុខក្នុងបច្ចេកវិទ្យា និងការច្នៃប្រឌិតនៅក្នុងឧស្សាហកម្មទូរគមនាគមន៍របស់ប្រទេសកម្ពុជា។ Smart គឺជាក្រុមហ៊ុនដំបូង និង ជាប្រតិបត្តិករទូរស័ព្ទចល័តតែមួយគត់ដែលផ្តល់សេវា 4G LTE ហើយវាបានបម្រើដល់អតិថិជននៅគ្រប់ខេត្ត-ក្រុងចំនួន25នៅទូទាំងប្រទេសកម្ពុជា។ តាមរយៈភាពជាដៃគូជាមួយនឹងក្រុមហ៊ុន Apple ក្រុមហ៊ុន Smart គឺជាប្រតិបត្តិករទូរគមនាគមន៍ដំបូង និងផ្លូវការតែមួយគត់ក្នុងការនាំចូល និងផ្ដល់ iPhone និង iPad ដែលជាបច្ចេកវិទ្យាមួយដែលសាកសមឥតខ្ចោះជាមួយល្បឿន 4G LTE របស់ Smart ។
តាមរយៈភាពជាដៃគូផ្តាច់មុខជាមួយ Universal Music, Smart ក៏បាននាំមកនូវការកម្សាន្តលំដាប់ថ្នាក់ពិភពលោក ដល់អតិថិជនរបស់ខ្លួនទូទាំងប្រទេស។ សមិទ្ធផលមួយនៃការចាប់ដៃគូយុទ្ធសាស្ត្រ នេះគឺជាការបង្កើតនូវកម្មវិធីតន្ត្រីដែលអាចអោយលោកអ្នកស្តាប់ចម្រៀងគ្នាដែនកំណត់ក្នុងកម្មវិធីទូរស័ព្ទដៃជាលើកដំបូងនៅក្នុងប្រទេសកម្ពុជា។
ជាមួយគ្នានេះផងដែរ ក្រុមហ៊ុន Smart ក៏ជាអ្នកផ្តល់សេវាធានារ៉ាប់រងជីវិតធំជាងគេបំផុតនៅប្រទេសកម្ពុជា។ ក្រុមគ្រួសារច្រើនជាង100.000 បានប្រើប្រាស់សេវាធានារ៉ាប់រងជីវិត និងធានារ៉ាប់រងគ្រោះថ្នាក់បុគ្គលិក ដោយតម្រូវឱ្យបង់ត្រឹមតែ2សេនប៉ុណ្ណោះក្នុងមួយថ្ងៃ។
ក្រុមហ៊ុន Smart មិនមែនត្រឹមតែជាក្រុមហ៊ុនទូរគមនាគមន៍ប៉ុណ្ណោះទេ តែក៏បានចូលរួមយ៉ាងសកម្មក្នុងការងារសង្គម ។ ខណៈពេលដែលបេសកកម្មស្នូលរបស់ក្រុមហ៊ុន Smart គឺជាតភ្ជាប់ទំនាក់ទំនងរវាងមនុស្សយើងបានកំណត់វិស័យអប់រំកីឡា និងបរិស្ថានបៃតង ជាទិសដៅនៃការចូលរួមចំណែករបស់ខ្លួនក្នុងសង្គមជាតិ។ Smart បាននិងកំពុងធ្វើការសហការជាមួយអង្គការ UNESCO និងក្រសួងអប់រំ ដើម្បីលើកកម្ពស់អក្ខរកម្ម, ហើយវាបានជួយប្រជាជនកម្ពុជាចំនួន92.000នៅទូទាំងប្រទេសឱ្យចេះអាន និងសរសេរក្នុងអំឡុងឆ្នាំ 2015។ បន្ថែមលើនេះទៅទៀត Smart Axiata បានជួយឧបត្ថម្ភអង្គការ HFCA (Happy Football Cambodia Australia) អស់រយៈពេល5ឆ្នាំមកហើយ ដើម្បីបញ្ជូនគណៈប្រតិភូទៅក្នុងព្រឹត្តិការណ៍បាល់ទាត់ប្រចាំឆ្នាំ Homeless World Cup ហើយវាបានជួយដល់មនុស្សចំនួន100.000នាក់ ដែលគ្មានផ្ទះសម្បែងនៅក្នុងប្រទេសកម្ពុជាឱ្យមានក្តីសង្ឃឹមក្នុងជីវិតឡើងវិញ ។ ក្រុមហ៊ុន Smart Axiata ក៏បានចាប់ដៃគូជាមួយ JCI ហើយជារៀងរាល់ឆ្នាំយើងតែងតែចូលរួមក្នុងការដាំដើមឈើ និងសកម្មភាពសំអាតបរិស្ថានជាច្រើន ។ ក្រុមហ៊ុន Smart Axiata មិនត្រឹមតែព្យាយាមក្នុងការផ្តល់សេវាទូរគមនាគមន៍ប៉ុណ្ណោះទេ តែយើងក៏ព្យាយាមរួមចំណែកការងារសង្គមយ៉ាងក្លៀវក្លា បំផុតផងដែរ។
Wanda Rice បានបន្ថែមថា «ក្រុមហ៊ុន Smart Axiata ជាក្រុមហ៊ុនឈានមុខក្នុងវិស័យទូរគមនាគមន៍នៅកម្ពុជា។ ពួកគេបាននាំនូវការផ្តួចផ្តើម និងសេវាថ្មីៗមកកាន់ទីផ្សារកម្ពុជា ដើម្បីបំពេញតាមតម្រូវការរបស់អតិថិជន និងការប្តេជ្ញាចិត្តរបស់ពួកគេ ដើម្បីបម្រើដល់សហគមន៍ដែលពួកគេផ្តល់សេវាជូន។ យើងសង្ឃឹមយ៉ាងមុតមាំថា Smart នឹងនាំមកអ្វីដែលអស្ចារ្យក្នុងវិស័យទូរគមនាគមន៍មកកម្ពុជានាឆ្នាំខាងមុខបន្ត»។
លោកថូម៉ាសហ៊ុន នាយកប្រតិបត្តិក្រុមហ៊ុន Smart Axiata បានឱ្យដឹងថា «ឆ្នាំ2015 ជាឆ្នាំដែលអស្ចារ្យមិនគួរឱ្យជឿសម្រាប់យើង។ កាលពីដើមឆ្នាំនេះ យើងបានទទួលពានរង្វាន់ជាក្រុមហ៊ុនផ្តល់សេវាទូរគមនាគមន៍ដែលរីកលូតលាស់ឆ្នាំ2015 ពីក្រុមហ៊ុន Frost & Sullivan នៅតំបន់អាស៊ីប៉ាស៊ីហ្វិក វាគឺជាលើកដំបូងនៅប្រទេសកម្ពុជា ដែលមានក្រុមហ៊ុនមកពីប្រទេសកម្ពុជាទទួលបានការទទួលស្គាល់ពី Frost & Sullivan ដែលជាអង្គការដែលមានកិត្យានុភាពនេះ។ ជាថ្មីម្តងទៀតថ្ងៃនេះ យើងមានមោទនភាពខ្លាំងណាស់ដោយទទួលបានពានរង្វាន់ពីរផ្សេងទៀត ជាក្រុមហ៊ុនទូរគមនាគមន៍ឈានមុខគេ និងជាក្រុមហ៊ុនដែលរួមចំណែកការងារសង្គមខ្ពស់បំផុតនៅកម្ពុជាក្នុងឆ្នាំ២០១៥»។
លោកបានបន្ថែមទៀតថា «សមិទ្ធិផលទាំងនេះគឺជាលទ្ធផលនៃកិច្ចខិតខំប្រឹងប្រែងឥតឈប់ឈររបស់យើង ដើម្បីបម្រើអតិថិជន ក៏ដូចជាសហគមន៍របស់យើង។ យើងពិតជាអរគុណខ្លាំងណាស់ចំពោះ អតិថិជន Smart, ដៃគូ, បុគ្គលិកពាក់ព័ន្ធទាំងអស់ និងមិត្តភក្តិចំពោះការគាំទ្រ និងការជឿទុកចិត្តរបស់ពួកគេដែលបានផ្ដល់ទៅឱ្យពួកយើង ។ យើងមានសេចក្តីរីករាយ និងជាកិត្តិយសរបស់យើង ដោយអាចធ្វើឱ្យអ្នកអាចធ្វើការទំនាក់ទំនងជាមួយអ្នករាល់គ្នាដែលអ្នកស្រឡាញ់ ។ ពានរង្វាន់កិត្តិយសទាំងនេះជាការជំរុញទឹកចិត្តរបស់យើង ដើម្បីបន្តការច្នៃប្រឌិត ដើម្បីបន្តការលូតលាស់របស់យើង ដើម្បីបន្តការវិនិយោគ»។
ជាមួយនឹងការប្រារព្ធពិធីប្រគល់ពានរង្វាន់ទាំងនេះ ក្រុមហ៊ុន Smart ក៏សូមឆ្លៀតឱកាសបើកដំណើរការជាលើកដំបូងនូវរបាយការណ៍ស្តីពីនិរន្តរភាពដែលជារបាយការណ៍លម្អិតអំពីប្រតិបត្ដិការដែលមាននិរន្តរភាព និងសកម្មភាពសាជីវកម្មរបស់ Smart ពេញមួយ ឆ្នាំ2014។ នេះ ជារបាយការណ៍និរន្តភាពដំបូងបង្អស់របស់ Smart និងក្នុងប្រទេសកម្ពុជា ហើយឥឡូវនេះ លោកអ្នកអាចរកបាននៅលើគេហទំព័ររបស់ក្រុមហ៊ុន Smart ដោយវាយ www.smart.com.kh ។
ចែករំលែកព័តមាននេះ